Montana

ing. Montana'
Montana

Bayrağı Möhürü
Ştatın təxəllüsü: "Xəzinə ştat"
ABŞ-ın digər ştatları
Paytaxt	Helena
Ən iri şəhəri	Billinqs
Digər iri şəhərləri	Bozeman, Butte, Missula
Qubernator	Brayan Şveytzer
Ərazi  * Ümumi  * Su %-i	4-cü (ABŞ üzrə) 381.156 km²
Əhali  * Ümumi (2010)  * Sıxlıq	44-cü (ABŞ üzrə) 989.415 2,51 nəfər/km²
Dəniz səv-dən: *ən ↑ nöqtəsi *orta yüksəklik *ən ↓ nöqtəsi	3.903 m 1.035 m 549 m
Ştat sırası Yaranma tarixi	8 noyabr 1889
Rəsmi saytı	mt.gov

Montana (ing. Montana) - Amerika Birləşmiş Ştatlarında ştat. Ştatın qərb hissəsində çoxlu dağ silsilələri yerləşir. Bunlar Qayalı dağlar silsiləsinə aid dağ silsilələridir. Ştat ərazisindəki dağ silsillərinin ümumi sayı 77-dir və ştatın ərazisinin 1/3-ni əhatə edir. Ştatın coğrafi xarakteristikası onun adına da yansıyıb. Montana İspan dilindən tərcümədə dağ deməkdir. Mərkəzi Helena şəhəridir. Montana ərazisinə görə Amerikada dördüncü, əhalisinin sayına görə isə 44-cü ştatdır. Buna uyğun olaraq, Montana Amerikadakı ştatlar arasında 3-cü ən aşağı əhali sıxlığına malik ştatdır. İqtisadiyyatı əsasən şərq hissəsində kənd təsərrüfatı, ranço təsərrüfatı, neft və daş kömür hasilatı, qərb hissəsində isə ağac kəsilməsi və emalatı, turizm və dağ-mədən sənayesindən ibarətdir. Hər il milyonlarla turit burada yerləşən milli parkları ziyarət etmək üçün Montanaya gəlir.

Coğrafiyası

380.850 km² quru ərazisi ilə Montana Yaponiyadan azacıq böyük, Paraqvaydan isə azacıq kiçikdir. Montana ABŞ-da Alyaska, Texas və Kaliforniyadan sonra ərazisinə görə dördüncü ən böyük ştatdır, hər hansı dənizə və Dünya okeanına heç bir çıxışı yoxdur. Şimalda Montana Kanadanın üç əyaləti Saskaçevan, Alberta və Britaniya Kolumbiyası ilə ümumilikdə 877 kilometr sərhədə malikdir.