Vera Mençik

Vikipediya, açıq ensiklopediya
Keçid et: naviqasiya, axtar
Vera Mençik
çex. Věra Menčíková; rus. Ве́ра Фра́нцевна Ме́нчик Vera Frantsevna Menčik
Vera Menchik.jpg
Ölkə: Flag of the Soviet Union.svg SSRİ
Flag of Czechoslovakia.svg ÇSR
Flag of England.svg İngiltərə
Doğum tarixi: 16 fevral 1906(1906-02-16)
Doğum yeri: Moskva
Vəfat tarixi: 27 iyun 1944 (38 yaşında)
Vəfat yeri: London
Dünya çempionluğu: 1927-44

Vera Mençik (çex. Věra Menčíková; rus. Ве́ра Фра́нцевна Ме́нчик Vera Frantsevna Menčik; 16 fevral 1906 — 27 iyun 1944)— qadınlar arasında şahmat üzrə ilk dünya çempionu (1927-1944).

Həyatı[redaktə]

Vera Mençik 1906-cı il fevralın 16-da Moskvada anadan olmuşdur. Milliyətcə çex olan atası 9 yaşında ikən ona şahmat oynamağı öyrətmişdir. Vera isə oxumağı, şəkil çəkməyi,teatra getməyi üstün tuturdu. Lakin məktəb birinciliyində iştirak etməsionun sonrakı şahmat taleyini həll etdi.

1921-ci ildə ailəsi şahmat ənənələri ilə məşhur olan Qastinqs şəhərinə köçür. Burada Vera Macarıstan qrossmeysteri Geza Marotsidən şahmatın sirlərini öyrənir.O, çox az müddətdə tərəqqiyə nail olur. 1923-1924-cü illərdə kişiləin Qastinqsdə keçirilən turnirində çıxış edərək, 7-8-ci yerləri bölüşdürür. Sonrakı illərdə o, bir sıra turnirlərdə, xüsusən kişilərin yarışlarında çıxış edərək,oyun texnikasını təkminləşdirmişdir.O,17 qrossmeysterlə və tanınmış ustalarla, o cümlədən Aleksandr Alexinlə 8, Xose Raul Kapablanka ilə 9, Maks Eyve ilə 4, Botvinniklə 2, Florla 10 dəfə görüşmüşdür.

Vera Mençik 1944-cü il iyunun 27-də Londonun bombardımanı zamanı faciəli surətdə həlak olmuşdur.

Dünya çempionluğu[redaktə]

1927-ci ildə 7 ölkənin 12 qadın şahmatçısı Londonda toplaşaraq, ilk dəfə olaraq qadınların dünya birinciliyində yarışdılar. 21 yaşlı Mençik bütün rəqiblərinə asanlıqla qalib gələrək, qadınlar arasında birinci dünya çempionu oldu.

Vera Mençik çempion adını müxtəlif turnirlərdə və iki dəfə dünya birinciliyinin yarışlarında müdafiə etmişdir. O, sonuncu dəfə 1942-ci ildə qrossmeyster Mizeslə görüşmüş və qalib gəlmişdir.[1]

İstinadlar[redaktə]

  1. Azər Zeynallı, Pərviz Əliyev, şahmat aləminə səyahət, səh.88 Bakı 1986.