Gülnur Mahmud
Gülnur Mahmud | |
---|---|
Gülnur Yaqub qızı Mahmud | |
Doğum tarixi | 28 oktyabr 1974 (49 yaş) |
Doğum yeri | |
Vətəndaşlığı |
SSRİ→ Azərbaycan |
Atası | Yaqub Mahmudov |
Elm sahəsi | şərqşünaslıq |
Elmi dərəcəsi | filologiya üzrə fəlsəfə doktoru |
Elmi adı | dosent |
İş yeri | Bakı Dövlət Universiteti |
Təhsili | BDU-nun Şərqşünaslıq fakültəsi |
Elmi rəhbəri | Vasim Məmmədəliyev |
Mükafatları | |
Vikianbarda əlaqəli mediafayllar |
Gülnur Yaqub qızı Mahmud (28 oktyabr 1974, Bakı) — şərqşünas, filologiya üzrə fəlsəfə doktoru, dosent.[1]
Həyatı
1974-cü il oktyabrın 28-də Bakıda anadan olub. 1991-ci ildə Bakı şəhəri 175 saylı orta məktəbi bitirib. 1991-1996-cı illərdə Bakı Dövlət Universitetinin şərqşünaslıq fakültəsinin ərəb filologiyası şöbəsində Mirzə Kazımbəy adına təqaüdlə oxuyub. G.Mahmud daha sonra 1997-2002-ci illərdə Azərbaycan Dillər Universitetinin İngilis dili fakültəsində ikinci ali təhsil alıb. 1996-2000-ci illərdə Azərbaycan Universitetinin Dillər kafedrasında müəllim və baş müəllim vəzifələrində işləyib. 2000-ci ildən BDU-da çalışır.
G.Mahmud 2008-ci ildən BDU-nun Şərqşünaslıq fakültəsində Ərəb filologiyası kafedrasının dosentidir.
O, 2005-ci ildə “Ərəb ədəbi dilində sinonimlik” adlı dissertasiya işi müdafiə edərək, filologiya üzrə fəlsəfə doktoru elmi dərəcəsi alıb. Qahirə Universiteti (Misir), Əmman Universiteti (İordaniya), Dəməşq Universiteti (Suriya), Beyrut Ərəb Universiteti (Livan) və Tunis əl-Manar Universitetində (Tunis) elmi məzuniyyətdə olub.
Tədqiqat sahəsinə Ərəb dili və ərəb ədəbi dilinin leksik problemləri, əl-iştiqaq daxildir.
G.Mahmud 50 elmi məqalə, 25 tezis, bir metodik vəsait, 8 fənn proqramı və “Ərəb ədəbi dilində sinonimlik” kitabının müəllifi, “Qarabağ: real tarix, faktlar, sənədlər”, “İrəvan xanlığı: Rusiya işğalı və ermənilərin Şimali Azərbaycan torpaqlarına köçürülməsi”, “İrəvan xanlığı: Erməni vandallarının yox etdiyi Xan Sarayı”, “İrəvan xanlığı: Erməni vandallarının yox etdiyi İrəvan məscidləri”, “İrəvan xanlığı: İrəvan qalası - qəhrəmanlıq qalası” və “Çuxursəd hakimləri və İrəvan xanları” kitablarının isə tərcümə müəllifidir. Ailəlidir, üç övladı var.[2]
2019-cu ildə “Bakı Dövlət Universitetinin 100 illiyi (1919-2019)” Azərbaycan Respublikasının yubiley medalı ilə təltif olunub.
Kitabları
- Qarabağ: real tarix, faktlar, sənədlər. Bakı, 2006 (ərəb dilində - tərcüməçi).
- Ərəb ədəbi dilinin qeyri-ərəb şöbələrində tədrisi. Şərqşünaslıq fakültəsi tələbələri üçün metodik vəsait. Bakı, 2010.
- Ərəb ədəbi dilində sinonimlik. Bakı, 2011.
- Mətnşünaslıq fənninin tədrisinə dair proqram (Azərbaycan dilində), Bakı, 2014.
- Mətnşünaslıq fənninin tədrisinə dair proqram (rus dilində), Bakı, 2014.
- Tərcümə nəzəriyyəsı fənninin tədrisinə dair proqram (rus dilində), Bakı, 2014.
- Tərcümə nəzəriyyəsı fənninin tədrisinə dair proqram (Azərbaycan dilində), Bakı, 2014.
- Çuxursəd hakimləri və İrəvan xanları. Bakı, 2016 (ərəb dilində - tərcüməçi).
- İrəvan xanlığı: Rusiya işğalı və ermənilərin Şimali Azərbaycan torpaqlarına köçürülməsi. Bakı-Qahirə, 2016 (ərəb dilində - tərcüməçi).
- Ölkəşünaslıq fənninin tədrisinə dair proqram (Azərbaycan dilində). Bakı, 2016.
- Ölkəşünaslıq fənninin tədrisinə dair proqram (rus dilində). Bakı, 2016.
- Mənbəşünaslıq fənninin tədrisinə dair proqram (Azərbaycan dilində). Bakı, 2016.
- Mənbəşünaslıq fənninin tədrisinə dair proqram (Azərbaycan dilində). Bakı, 2016.
- İrəvan xanlığı: Erməni vandallarının yox etdiyi İrəvan məscidləri. Bakı, 2017 (ərəb dilində - tərcüməçi).
- İrəvan xanlığı: İrəvan qalası - qəhrəmanlıq qalası. Bakı, 2017 (ərəb dilində - tərcüməçi).
- İrəvan xanlığı: Erməni vandallarının yox etdiyi Xan Sarayı. Bakı, 2018 (ərəb dilində - tərcüməçi).[1]
Xarici keçidlər
- ""İrəvan xanlığı" kitabının ərəb dilində nəşrinin təqdimat mərasimi keçirilib" (az.). azertag.az. 2016-11-06. 2016-11-07 tarixində arxivləşdirilib. İstifadə tarixi: 2023-04-08.
- Tarixçi-alim Güntəkin Nəcəfli. "Azərbaycan həqiqətləri Küveytdə" (az.). azerbaijan-news.az. 2019-11-17. 2023-04-08 tarixində arxivləşdirilib. İstifadə tarixi: 2023-04-09.
Həmçinin bax
- Yaqub Mahmudov (atası)
- Aida İmanquliyeva
- Sara Aşurbəyli
- Səbinə Nemətzadə
- Ələddin Məlikov
- Mirəli Seyidov
- Mirzə Ənsərli
İstinadlar
- ↑ 1 2 "Gülnur Yaqub qızı Mahmud" (az.). orient.bsu.edu.az. 2023-04-07 tarixində arxivləşdirilib. İstifadə tarixi: 2023-04-08.
- ↑ A.Qorxmaz. "Məşhurların övladları: Yaqub Mahmudovun şərqşünas qızı - FOTOLAR" (az.). modern.az. 2016-10-26. 2023-04-07 tarixində arxivləşdirilib. İstifadə tarixi: 2023-04-08.