Çeşməli (Tovuz)
| Kənd | |
| Çeşməli | |
|---|---|
| 40°41′43″ şm. e. 45°33′58″ ş. u. | |
| Ölkə |
 Azərbaycan |
| Region | [[Gəncə-Qazax iqtisadi rayonu]] |
| Rayon | [[Tovuz rayonu]] |
| Tarixi və coğrafiyası | |
| Mərkəzin hündürlüyü | 1 788 m |
| Saat qurşağı | UTC+4, yayda UTC+5 |
| Əhalisi | |
| Əhalisi |
|
| Milli tərkibi | Azərbaycanlılar |
| Rəsmi dili | Azərbaycan dili |
| Rəqəmsal identifikatorlar | |
| Poçt indeksi | AZ6021 |
|
| |
Çeşməli (digər tarixi adı Çirkinli) — Azərbaycan Respublikasının Tovuz rayonunun inzibati ərazi vahidində kənd.
Tarixi[redaktə | əsas redaktə]
Çeşməli — Tovuz rayonunun eyniadlı inzibati ərazi vahidində kənd. Dağlıq ərazidədir.
1959-cu ilədək adı Çirkinli olmuşdur. Çirkinli isə türk-monqol mənşəli bir tayfanın adından gəlir. Tayfanın monqolca adı Жирхин (Cirxin) olmuşdur, və bu tayfa kereit tayfa birliyinin bir boyu idi.[1][2] XIII əsrdə monqolların tərkibində Azərbaycana gəlmiş cirxin tayfası sonralar Səfəvilər dövründə qızılbaş hərbi ittifaqına girmişlər.
1959-cu ildən (kənd adının mənası Azərbaycan dilində pis hallandığından, "iyrənc" mənasındakı "çirkin" sözüylə omonim/səsdaş olduğuna görə)[3] kəndin ərazisindəki Çeşməli adlı bulağın adı ilə kənd rəsmiləşdirilmişdir. Çeşməli adı isə farsca "bulaq, qaynaq" mənasını verən "çeşmə"[4] sözündən gəlir (həmçinin farsca "göz" mənasını verən "çeşm"[5] sözüylə də səsdaşdır), "gözlü bulaq, bulaqlar" deməkdir.[6].
Mədəniyyəti[redaktə | əsas redaktə]
Kənddə şəhid Məstan Novruzov adına tam orta məktəbi təhsilin keyfiyyəti baxımından əhəmiyyətli yer tutur. Çeşməli kəndində 1 tibb məntəqəsi, telefon qovşağı, kənd bələdiyyəsi, Tovuz rayon icra hakimiyyəti nümayəndəliyi fəaliyyət göstərir. Kənddə şəhid Məstan Novruzov adına tam orta məktəbin qarşısında şəhidin xatirəsinə abidə ucaldılmışdır.
Coğrafiyası və iqlimi[redaktə | əsas redaktə]
Çeşməli kəndi, Tovuz rayonunun cənub hissəsində yerləşir. Kənd, dağ kəndi olduğu üçün qışı əsasən sərt soyuq, yayı isə mülayim isti keçir.
İqtisadiyyatı[redaktə | əsas redaktə]
Kənd əhalisi təsərrüfat, əkinçilik və maldarlıqla məşğuldur. Kənd təsərrüfatında əsasən kartof əkini ilə məşğul olan yerli əhali, məhsullarının satışını yerli bazarlar ilə yanaşı Rusiya və Ukrayna kimi ölkələrdə də edirlər. Əlverişli şərait və məhsuldar torpağın olması, əkinçilik sahəsində əhəmiyyətli yer tutur. Həmçinin arıçılıq və son illərdə tütünçülük kimi fəaliyyət növləri də kəndin iqtisadi yaşamında önəmli yer tutmaqdadır.
İstinadlar[redaktə | əsas redaktə]
- ↑ https://en.wikipedia.org/wiki/List_of_medieval_Mongol_tribes_and_clans#Keraites
- ↑ https://mn.wikipedia.org/wiki/%D0%94%D1%83%D0%BD%D0%B4%D0%B0%D0%B4_%D0%B7%D1%83%D1%83%D0%BD%D1%8B_%D0%BC%D0%BE%D0%BD%D0%B3%D0%BE%D0%BB_%D0%B0%D0%B9%D0%BC%D0%B3%D1%83%D1%83%D0%B4#%D0%A5%D1%8D%D1%80%D1%8D%D0%B9%D0%B4%D0%B8%D0%B9%D0%BD_%D1%85%D0%B0%D0%BD%D0%BB%D0%B8%D0%B3
- ↑ https://azerdict.com/izahli-luget/%C3%A7irkin
- ↑ https://azerdict.com/izahli-luget/%C3%A7e%C5%9Fm%C9%99
- ↑ https://azerdict.com/izahli-luget/%C3%A7e%C5%9Fm
- ↑ "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
|
Tovuz rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
|
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |