Çingiz Axundov (tarixçi)

Çingiz Axundov
Çingiz Səməd bəy oğlu Axundov
Doğum tarixi	1932
Doğum yeri	Seyidli, Ağdam rayonu, Azərbaycan SSR, ZSFSR, SSRİ
Vəfat tarixi	1977
Vəfat yeri	Bakı, Azərbaycan SSR, SSRİ
Vətəndaşlığı	SSRİ
Elm sahəsi	tarix
Elmi dərəcəsi	tarix elmləri namizədi
Elmi adı	dosent
İş yeri	Azərbaycan Respublikasının Xalq Təsərrüfat İnstitutu
Təhsili	Azərbaycan Dövlət Universiteti

Çingiz Səməd bəy oğlu Axundov — tarix elmləri namizədi, dosent.

Həyatı

Çingiz Axundov 1932-ci ildə Ağdam şəhərində anadan olmuşdur. Seyidlinin Axundovlar nəslindəndir.

Çingiz Axundov 1939–1949 illərdə Ağdam şəhər 1 nömrəli orta məktəbdə oxumuş, 1949–1954 illərdə Azərbaycan Dövlət Universitetinin (indiki Bakı Dövlət Universiteti) Tarix fakültəsində ali təhsil almışdır.

Çingiz Axundov 1954–1958 illərdə Azərbaycan Elmlər Akademiyasının (indiki Azərbaycan Milli Elmlər Akademiyası) Tarix İnstitutunda işləmiş, aspiranturada oxumuşdur. O, Respublika Komsomol təşkilatının mərkəzi komitəsində şöbə müdiri (1958–1965), Azərbaycan Respublikası Nazirlər Sovetində şöbə müdiri (1965–1969), Azərbaycan Respublikasının Xalq Təsərrüfat İnstitutunda (indiki Azərbaycan Dövlət İqtisad Universiteti) müəllim, prorektor, partiya tarixi kafedrasının müdiri (1970–1977) vəzifələrində işləmişdir.

Çingiz Axundov 1977-ci ildə Bakıda vəfat etmişdir.

Elmi fəaliyyəti

Çingiz Axundov 1966-cı ildə dissertasiya müdafiə edərək, tarix elmləri namizədi alimlik dərəcəsi almışdır. O, 50-dən çox elmi əsərin müəllifi olmuşdur.

Mənbə

• Orxan Zakiroğlu (Baharlı). Qarabağın Seyidli oymağı. I kitab. Bakı, 2017

Həmçinin bax

• Seyidli kəndi
• Seyidli oymağı
• Axundovlar