Şamil Xudiyev

Vikipediya, azad ensiklopediya
Jump to navigation Jump to search
Şamil Xudiyev
Şamil Yusif oğlu Хudiyev
Şamil Xudiyev.jpg
Doğum tarixi
Doğum yeri Babaylı, Zəngilan rayonu,Azərbaycan SSR, SSRİ
Vəfat tarixi (70 yaşında)
Dəfn yeri Bakı şəhəri
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elm sahəsi İqtisadiyyat
Elmi dərəcəsi iqtisad elmləri doktoru (1989)
Elmi adı Professor
İş yeri Azərbaycan Dövlət İqtisad Universiteti
Təhsili Хalq Təsərrüfatı İnstitutu
Elmi rəhbəri Q.Miller

Şamil Xudiyev (azərb. Xudiyev Şamil Yusif oğlu;28 dekabr 1928(1928-12-28), Zəngilan rayonu1 avqust 1999(1999-08-01)) — iqtisad elmləri doktoru(1989), professor.

Həyatı və təhsili[redaktə | əsas redaktə]

Şamil Yusif oğlu Хudiyev 28 dekabr 1928-ci ildə Zəngilan rayonunun Babaylı kəndində anadan olmuşdur. Məmmədbəyli kənd orta məktəbini bitirmişdir. 1944-1949-cu illərdə ildə Хalq Təsərrüfatı İnstitutundə təhsil almışdır.

Vəfatı[redaktə | əsas redaktə]

1 avqust 1999-cu ildə Bakı şəhərində vəfat etmişdir.

Fəaliyyəti[redaktə | əsas redaktə]

Əmək fəaliyyəti[redaktə | əsas redaktə]

Ali təhsilini iqtisadçı kimi Zəngilana qayıdaraq 10 ilə yaxın bir müddətdə rayonun müxtəlif idarə və təşkilatlarında mühasib, baş mühasib vəzifələrində işləmişdir.

Elmi fəaliyyəti[redaktə | əsas redaktə]

1959-cu ildə Bakıya köçmüşdür. Azərbaycan Milli Elimlər Akademiyasının İqtisad İnstitutunda kiçik elmi işçi kimi çalışmışdır. Azərbaycan Neft-Kimya İnstitutundaAzərbaycan Dövlət İqtisad İnstitutunun Elmi—Tədqiqat İnstitutunda şöbə müdiri işləmişdir. 1964-cü ildə iqtisad elmləri namizədi alimlik dərəcəsi, 1989-cu ildə dünya şöhrətli iqtisad elmləri doktoru Q.Millerin oppenetliyi ilə "Mütəfiq respublikada əhalinin real gəlirlərinin və xalq istehsalı quruluşunun planlaşdırılmasının təkmilləşdirilməsi problemləri mövzusunda dissertasiya müdafiə etmişdir.

SSRİ Nazirlər Soveti yanında Ali Attestasiya Komissiyasının 10 noyabr 1989-cu il tarixli qərarı ilə ona iqtisad elmləri doktoru alimlik dərəcəsi verilmişdir.

Ticarətin təşkili və birliklərinin hesabatı və əhalinin pul gəlirləri və xalq istehlakı və quruluşunun dəyişdirilməsi metodu, Beynəlxalq İqtisadi münasibətlər fənni, uçot və hesabatın beynəlxalq sistemi standartları fənni üzrə proqram hazırlamışdır. Onun son illərdə ən böyük arzusu "Beynəlxalq uçot" kafedrası açılması olub. İqtisad Universitetinin müvafiq fakultələrində bu fənnin tədrisini reallaşdırmaq idi. Bu məqsədlə Respublika Beynəlxalq uçot fənninin tədrisi proqramını Təhsil Nazirliyinin qrifi ilə nəşr etmiş, ancaq həyata keçirə bilməmişdir. Vəfatından sonra "Beynəlxalq uçot" fənninin tədrisi məsələsinə Milli Məclis səviyyəsində də baxılmışdır.

Kitabları[redaktə | əsas redaktə]

Bir neçə dərs vəsaitinin 300-dən çoх elmi məqalənin, monoqrafiya və tədris proqramlarının müəllifi idi.

1998-ci ildə nəşr etdirdiyi ZəngəzurGöyçə mahallarının tariхinə və iqtisadiyyatına həsr edilmiş "İtirilmiş torpaqlar, itirilmiş sərvətlər" adlı kitabı gərgin aхtarışların məhsulu olub. Kitabı qızı, iqtisad elmləri namizədi, dosent Fəridə Əmirova[1] ilə birlikdə yazmışdır.

Mənbə[redaktə | əsas redaktə]

  • Mütəllim Həsənov, “Məmmədbəyli məktəbinin yetirmələri” məqaləsi, "Qərib məzarlar" kitabı, Bakı, «Nurlan».

İstinadlar[redaktə | əsas redaktə]