Aslan Hüseynov (dövlət xadimi)

Aslan Hüseynov
Azərbaycan Kommunist Partiyası Naxçıvan Vilayət Komitəsinin birinci katibi
mart 1970 – 28 dekabr 1975
Əvvəlki	Hacıağa İbrahimov
Sonrakı	Kamran Rəhimov
Azərbaycan Kommunist Partiyası Salyan Rayon Komitəsinin birinci katibi
1961 – 1970
Əvvəlki	Səfər Verdiyev
Sonrakı	Nəriman Əliyev
Azərbaycan Kommunist Partiyası Yardımlı Rayon Komitəsinin birinci katibi
1957 – 1961
Şəxsi məlumatlar
Doğum tarixi	7 noyabr 1916(1916-11-07)
Doğum yeri	Salyan, Cavad qəzası, Bakı quberniyası, Rusiya imperiyası
Vəfat tarixi	19 avqust 1991(1991-08-19) (74 yaşında)
Partiya	Sovet İttifaqı Kommunist Partiyası (1943–1991)
Təhsili	Azərbaycan Texniki Universiteti
Fəaliyyəti	siyasətçi
Rütbəsi	podpolkovnik[d]
Təltifləri

Aslan Ağahüseyn oğlu Hüseynov (7 noyabr 1916, Salyan, Cavad qəzası – 19 avqust 1991) — Azərbaycan dövlət, siyasi və təsərrüfat xadimi, Salyan və Yardımlı Rayon Partiya Komitəsinin birinci katibi, Azərbaycan Kommunist Partiyası Naxçıvan Vilayət Komitəsinin 1-ci katibi. (1970–1975), SSRİ Ali Sovetinin VII, VIII və IX çağırış, Azərbaycan SSR Ali Sovetinin VI və X çağırış deputatı.

Həyatı

Aslan Hüseynov 1916-cı ildə fəhlə ailəsində anadan olmuşdur. Azərbaycan Politexnik İnstitutunda təhsil almışdır.

1931–1947-ci illərdə Salyan Rayon Prokurorluğunun nəzarət komitəsinin katibi, Salyan Rayon Xalq Deputatları Soveti İcraiyyə Komitəsinin məsul katibi olmuş, Sov. İKP yanında Ali Partiya Məktəbində təhsil almış və Sovet Ordusunda xidmət etmişdir.

1947–1949-cu illərdə Azərbaycan Kommunist Partiyası Salyan Rayon Komitəsinin inspektoru, şöbə müdiri, tikinti-quraşdırma təşkilatlarının siyasi şöbə rəisinin müavini və rəisi olmuşdur.

Siyasi fəaliyyəti

1957-ci ildə Azərbaycan Kommunist Partiyası Salyan Rayon Komitəsinin birinci katibi təyin olunmuşdur. 1961-ci ildə isə Azərbaycan Kommunist Partiyası Salyan Rayon Komitəsinin birinci katibi seçilmişdir. 1970-ci ildə isə Azərbaycan Kommunist Partiyası Naxçıvan Vilayət Komitəsinin birinci katibi təyin olunmuşdur.

Aslan Hüseynov 1976–1980-ci illərdə Azərbaycan Kommunist Partiyası Mərkəzi Komitəsinin yanında partiya komissiyasının sədri olmuşdur.

Aslan Hüseynov SSRİ Ali Sovetinin VII, VIII, IX və Azərbaycan SSR Ali Sovetinin VI, X çağırışlarının deputatı olmuşdur.

Təltifləri

• 2-ci dərəcəli "Vətən müharibəsi" ordeni (1944)
• "Qırmızı Ulduz" ordeni (1944)
• 1-ci dərəcəli "Vətən müharibəsi" ordeni (1945)
• "1941-1945-ci illər Böyük Vətən müharibəsində Almaniya üzərində qələbəyə görə" medalı (1945)
• "Belqradın azad edilməsinə görə" medalı (1945)
• "Vyananın alınmasına görə" medalı (1945)
• "Lenin" ordeni (30 aprel 1966)

Mənbə

• Аслан Ағаһүсејн оғлу Һүсејнов // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 420.