Müseyib Dadaşov

Müseyib Dadaşov
Müseyib Dadaşov
Azərbaycan Kommunist Partiyası Gədəbəy Rayon Komitəsinin birinci katibi
	193? – 1937
Azərbaycan Kommunist Partiyası Astara Rayon Komitəsinin birinci katibi
	193? – 193?
Azərbaycan Kommunist Partiyası Yardımlı Rayon Komitəsinin birinci katibi
	1933 – 193?
Şəxsi məlumatlar
Doğum tarixi	23 mart 1896
Doğum yeri	Balaxanı, Bakı qəzası, Bakı quberniyası, Rusiya imperiyası;
Vəfat tarixi	13 avqust 1981 (85 yaşında)
Vəfat yeri	Bakı, Azərbaycan SSR, SSRİ;
Dəfn yeri	Birinci Fəxri Xiyaban;
Partiya	Sovet İttifaqı Kommunist Partiyası (1918–1981),; Rusiya Sosial-Demokrat Fəhlə (bolşeviklər) Partiyası (1917–1918);
Fəaliyyəti	siyasətçi
Təltifləri

Müseyib Mirzə oğlu Dadaşov (23 mart 1896, Balaxanı, Bakı qəzası – 13 avqust 1981, Bakı) — Azərbaycan SSR Ali Sovetinin VII, VIII, IX, X deputatı, Azərbaycan Kommunist Partiyası Yardımlı Rayon, Astara Rayon və Gədəbəy Rayon komitələrinin birinci katibi.^[1]

Həyatı

Müseyib Dadaşov 1896-cı ildə Balaxanı kəndində fəhlə ailəsində anadan olmuşdur.^[1] Məktəbi 4-cü sinifdən tərk etmişdi.^[2] 1912-ci ildən Xəzər-Qara dəniz mexaniki emalatxanalarının çilingəri olaraq işləməyə başlamışdır.^[3]

1957-ci ildən ittifaq əhəmiyyətli fərdi təqaüdçü olmuşdur.

Müseyib Dadaşov 13 avqust 1981-ci ildə vəfat etmişdir. Vəfatı ilə bağlı "Kommunist" qəzetinin 14 avqust 1981-ci il tarixli nəşrinin 2-ci səhifəsində məlumat verilmiş, məlumatın sonunda Heydər Əliyev, Kamran Bağırov, Həsən Seyidov, Süleyman Tatlıyev, Lidiya Rəsulova, Ramiz Mehdiyev, Həsən Həsənov kimi dövlət xadimlərinin imzası əlavə olunmuş idi.^[3] O, Fəxri Xiyabanda dəfn olunmuşdur.

Siyasi fəaliyyəti

Müseyib Dadaşov 1914-cü ildə tətillərdə iştirak edildiyinə görə həbs edilmiş, Birinci Dünya Müharibəsi başladıqdan sonra azad edilmişdi.^[2]

22 mart 1917-ci ildə Rusiya Sosial Demokrat Fəhlə Partiyası (bolşeviklər) sıralarına daxil olmuşdur. Fevral inqilabından sonra Balaxanı Rayon Deputatları Sovetinin deputatı olmuşdur. Bakı Kommunası dövründə Müseyib Dadaşov Balaxanı Rayon Qızıl Qvardiya Qərargahının üzvü olmuşdur.^[3] Mart soyqırımı zamanı Nəcməddin Qotsinskinin dəstələrinə qarşı döyüşmüşdür.^[2] Bakı döyüşündən sonra Kürdəxanı kəndində Qafqaz İslam Ordusu tərəfindən ələ keçirilmişdi.^[2]

Aprel işğalından sonra aktiv siyasi fəaliyyətinə açıq şəkildə davam edən Müseyib Dadaşov Azərbaycan LKGİ-nin I Qurultayının təşkilatçılarından olmuş və Azərbaycan LKGİ Mərkəzi Komitəsinin üzvü seçilmişdir.^[3]

1921-ci ildə Müseyib Dadaşov Kommunist İnternasionalının III Konqresində iştirak etmişdir.^[3]

Müseyib Dadaşov 1933-cü ilədək Azərbaycan Kommunist Partiyası Nuxa, Şamaxı, Lənkəran qəza komitələrində çalışmış, 1933–1937-ci illərdə Azərbaycan Kommunist Partiyası Yardımlı, Astara və Gədəbəy rayon komitələrinin birinci katibi vəzifəsində çalışmışdır. 1938-ci ildən isə rəhbər təsərrüfat işində fəaliyyətə başlamışdır.

1948-ci ildən Azneft Birliyinin fəhlə təchizatı idarəsində rəhbər vəzifədə çalışmışdır.

1956-cı ildə təqaüdə çıxdıqdan sonra Azərbaycan LGKİ Respublika İnqilabi Şöhrət Şurasının sədri olmuşdur.^[2]

Müseyib Dadaşov Sovet İttifaqı Kommunist Partiyasının XXIII, XXIV, XXV qurultaylarının nümayəndəsi, Azərbaycan Kommunist Partiyası Mərkəzi Komitəsinin üzvü, Azərbaycan SSR Ali Sovetinin VII, VIII, IX, X deputatı olmuşdur.

Xatirəsi

Vaxtilə Vladimir Lenin ilə görüşüb, onunla söhbət etmiş Müseyib Dadaşovun bu görüşü haqda "İliçin döyünən qəlbi" filmində süjet verilmişdir.

1972-ci ildə isə Əhməd Abdullayevin rejissorluğu, Emil Ağayevin ssenaristliyi ilə Müseyib Dadaşovun həyat fəaliyyətini əks etdirən "O, Lenini görmüşdür" filmi çəkilmişdir.

Mənbə

İstinadlar

1 2 Мүсејиб Мирзә оғлу Дадашов // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 122.
1 2 3 4 5 Məmmədov, Ş. "Революции предан" [İnqilaba adanmış]. Bakinski raboçi (rus) (117). 21 may 1976: 2.
1 2 3 4 5 М.М.Дадашов // Коммунист. 14 август 1981-ҹи ил. С. 2.

Ədəbiyyat

Ə. Ə. Hacıyev. Müseyib Dadaşov. Bakı: Azərnəşr. 1971.
İltifat Əliyarlı. İstiqlal fədailəri – Azərbaycan Xalq Cümhuriyyətinin daxili işlər nazirləri və silahdaşları (1918–1920-ci illər). Bakı: Mütərcim. 2013.

[:1-1] 1 2 Мүсејиб Мирзә оғлу Дадашов // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 122.

[:2-2] 1 2 3 4 5 Məmmədov, Ş. "Революции предан" [İnqilaba adanmış]. Bakinski raboçi (rus) (117). 21 may 1976: 2.

[:0-3] 1 2 3 4 5 М.М.Дадашов // Коммунист. 14 август 1981-ҹи ил. С. 2.

[1]

[2]

[3]