ABD Malik

Vikipediya, azad ensiklopediya
Jump to navigation Jump to search
ABD Malik
azərb. Kələntərli Malik Xəyyam oğlu
Sənətçi məlumatları
Doğum tarixi 27 yanvar 1978 (1978-01-27) (42 yaş)
Doğum yeri Bakı, Azərbaycan SSR
Vətəndaşlığı Azərbaycan Azərbaycan
Peşələri Müğənni, aktyor, parfümer

Üslub R&B, CazRep
Ləqəbi ABD Malik
Musiqi aləti Vokal
Fəaliyyət illəri 1996 - günümüz.
Əlaqələri Dəyirman

ABD Malik (27 yanvar 1978(1978-01-27), Bakı) — Azərbaycanlı müğənni, repçi, aktyor və parfümer. ABD Malik XXI əsrin əvvəllərində Azərbaycan rep musiqisində özünə məxsus yeri olan Dəyirman qrupunun üzvlərindən olmuşdur. 2017-ci ildə Fransada yerləşən parfümeriya məktəbini bitirib, selektiv parfümer diplomu alıb və RUSH RUSH 31 parfümeriya brendini yaradıb. Bu brend ABDMALİKPARFUMS loqosu altında yaradılır və satışa buraxılır.

Həyatı[redaktə | əsas redaktə]

Kələntərli Malik Xəyyam oğlu, 27 yanvar 1978-ci ildə Bakı şəhərində anadan olub. Atası Xəyyam Kələntərli Məlik oğlu Azərbaycan Dövlət Akademik Opera və Balet Teatrının quruluşçu rejissor vəzifəsində çalışıb. Anası Səidə Cavadova İman qulu qızı Azərbaycan Memarlıq və İnşaat Universitetində fəlsəfə və tarix üzrə müəllim vəzifəsində çalışır. Ailənin tək övladıdır.

Uşaqlıqdan kütlə düşüncəsindən uzaq olmağa çalışıb, bunu onun geyim və qulaq asdığı musiqi tərzi də göstərirdi. Bakı şəhəri 207 nömrəli tam orta məktəbdə təhsil alıb, məktəbdə diskotekalarda və tədbirlərdə DJ-lik və aparıcılıq edib. 1995-ci ildə Azərbaycan Memarlıq və İnşaat Universitetinin İnşaat İqtisadiyyatı fakültəsinə daxil olub.

Orada Miri Yusiflə bir qrupda təhsil alıb və yaxın dostluq münasibətləri qurub. Ardıcılıqla həmən ildə gələcək Dəyirman qrupunun başqa solistləri ilə tanış olub. 1999-2002 ilə qədər ANS Şirkətlər Qrupunda VVS şirkətində səs rejissoru kimi çalışıb. 1996-cı ildən 2007-ci ilə kimi Dəyirman rep qrupunun üzvü olub.

2001-ci ildə Azərbaycan Memarlıq və İnşaat Universitetini magistr diplomu ilə bitirsə də, ixtisası üzrə heç vaxt işləməyib. 2001-ci ildə ildə hərbi xidmətə yollanıb. 2003-cü ildən etibarən reklam agentliklərinin birində yaradıcı direktor vəzifəsində çalışmaqdadır. Ailəlidir, iki övladı var.


Karyera[redaktə | əsas redaktə]

Musiqi karyerasına 1996-cı ildə Dəyirman qrupunun tərkibində başlayıb. Dəyirman bir-birini öncədən tanıyan və yaxın dostlar tərəfindən yaradılmışdır. Dəyirman - Azərbaycanda fəaliyyət göstərən ilk rep qruplarından sayılır. Əvvəlcə qrup GGG-ailəsi adlandırılsa da, sonralar onun adı Dəyirman olaraq dəyişdirilmişdir. Qrupun məşhurluq qazanması, müğənni Leyla ilə birlikdə Sarı gəlin xalq mahnısına çəkilmiş klipdən sonra baş vermişdir.

Qrup, bəzi Azərbaycan xalq və uşaq mahnılarını rep üslubunda remiks etmişdir. Dəyirmanın ən uğurlu ifalarından biri də, Qarabağ müharibəsi mövzusuna həsr olunmuş Ya Qarabağ, ya ölüm ! parçası sayılır.

ABD Malik solo karyerasına başlayan zaman üslubunu R&B və Soul musiqisinə uyğunlaşdırmışdır. Bu dəyişikliyin səbəbi isə Dəyirman qrupunun məşhurluq qazanmağa başladığı dövrlərdə, bu üslubların Azərbaycanda da, tanınmağa və geniş kütlə tərəfindən sevilməyə başlanılması ilə bağlı olmuşdur.

ABD Malik bir necə müdddət, müxtəlif telekanallarda da aparıcı kimi çalışmışdır. Hal-hazırda musiqidə solo karyerası ilə yanaşı parfümeriya brendinin yaradıcısıdır. 2017-ci ildə ABD Malik Fransada yerləşən parfümeriya məktəbini bitirib, selektiv parfümer diplomu alıb və RUSH RUSH 31 parfümeriya brendini yaradıb. Bu brend ABDMALİKPARFUMS loqosu altında yaradılır və satışa buraxılır.

Musiqi üslubu[redaktə | əsas redaktə]

Hip Hop, R&B və Rep

Diskoqrafiya[redaktə | əsas redaktə]

2018 Çata bilim

İstinadlar[redaktə | əsas redaktə]

http://boutique.az/view/12944

https://media.az/culture/1067720972/abd-malik-ot-gruppy-deyirman-do-nishevoy-parfyumerii-intervyu-s-populyarnym-pevcom-kotoryy-stal-parfyumerom/

https://ru.wikipedia.org/wiki/Дайирман

https://www.trend.az/life/culture/1985136.html

http://1news.az/news/abd-malik-rasskazal-o-dedushke-prinimavshem-uchastie-vo-vzyatii-berlina---foto

http://www.1news.az/news/prem-era-klipa-abd-malik-skazat---video

http://nargismagazine.az/58011

http://www.muz-tv.az/musahibe_n20981.html

https://bax.tv/video/77615.html

https://metbuat.az/news/618759/kecmisden-partlayis-miri-yusif-ve-abd-malik-21-il-evvel---fo.html

https://oxu.az/showbiz/48714

https://adda.az/news/abd-malik-kuri-molchi/

https://www.moderator.az/news/291450.html

https://www.azadliq.az/xeber/17843/abd-malik-men-masinda-cox-uzler-gordum/

https://aze.az/news_zvezdy_azerbaydzhana_v_118715.html

https://news.milli.az/showbiz/59830.html

http://www.star.life.az/index.php?newsid=3095

Xarici keçidlər[redaktə | əsas redaktə]

https://az-az.facebook.com/malikabd/

https://www.instagram.com/thisisabdmalik/