Uran (repçi)

Vikipediya, azad ensiklopediya
Jump to navigation Jump to search
Uran
İbrahim İbrahimov
Uran foto.jpg
Ümumi məlumatlar
Ləqəbi Uran
Doğum tarixi (37 yaş)
Doğum yeri Xaçmaz, Azərbaycan SSR, SSRİ
Vətəndaşlığı Azərbaycan Azərbaycan
Milliyyəti Azərbaycanlı
Musiqiçi məlumatları
Fəaliyyəti Repçi
Fəaliyyət illəri 1996–
Janr Hip-hop
Təhsili Heydər Əliyev adına Azərbaycan Ali Hərbi Məktəbi

Uran (tam adı: İbrahim İbrahimov; d. 20 dekabr 1983, Xaçmaz, Azərbaycan SSR, SSRİ) — Azərbaycan repçisi.[1]

Uran müxtəlif dövrdə Cəza, Detsl, Diana Hacıyeva, Paster, ProMete və digər sənətkarlar ilə əməkdaşlıq edib.

Həyatı[redaktə | mənbəni redaktə et]

Erkən illəri[redaktə | mənbəni redaktə et]

Uran 1983-ci il dekabr ayının 20-də Xaçmazda dünyaya gəlmişdir.

Yaradıcılığı[redaktə | mənbəni redaktə et]

1996-ci ilin martın 9-da ilk rep mahnısını yazıb. Replə ilk tanışlığı Rusiya repçilərindən başlayıb. Sonrakı illərdə 2PacEminemdən təsirlənib.

Hip-hopda ilk təxəllüsü "Mr Ib" olub. 2001-ci ilin mart ayından M.T.Street qrupunun tərkibində söz yazarı kimi fəaliyyət göstərməyə başlayıb. O, ilk olaraq söz yaza bilməyən repçilərə mahnı mətnləri satmaq fikrində idi. Həmin ilin aprelində qrup "Mənim lomka həyatım" treki ilə Vətən diskotekasında keçirilən yeraltı (ing. underground) festivalda 4-cü yeri tutub. 2001-ci ilin sonunda M.S.Street qrupu dağılır və Mr.Ib müstəqil fəaliyyətini davam etdirir. Həmin ilin oktyabr ayının 19-da Bakı Slavyan Universitetinin akt zalında, universitetin Şən və Hazırcavablar Klubunun təqdimat gecəsində ilk çıxışını edir

2004-cü il yanvarın 11-də "Caspian Clan" rep qrupunun 8-ci üzvü olur. 2004-cü ildə qrup dağılır və repçi ləqəbini "Uran"a dəyişir. 2004-cü il oktyabrın 10-da Space TV-də "Mən Də Varam" telemüsabiqəsinə qatılır. O, telemüsabiqədə ikinci yeri tutur.

2006-cı il fevralın 2-də Uran British Council-in təşəbbüsü ilə "Urban Culture" adı altında keçirilən hip-hop şouda iştirak edir. Daha sonra şəxsi həyatında baş verən problemlərlə əlaqədar repdən bir müddət uzaqlaşır.

2007-ci ilin aprel ayında "Mən Də Varam 3" telemüsabiqəsinə yenidən qatılır və birinci yeri tutur. 2007-ci ilin avqust ayında Uran Azərbaycanın ilk rep leyblı olan "Da Streetz"in tərkibinə daxil olur.

2008-ci il aprel ayının 20-də "Rap Time" adlı radio verilişin aparıcılarından biri olur. Həmin ilin avqust ayında isə ANS ÇM-in keçirdiyi vətənpərvər musiqi müsabiqəsinə "Milli düşüncə və gənclər" mahnısı ilə birinci yerə layiq görülür.

2010-cu illər[redaktə | mənbəni redaktə et]

2010-cu il mayın 2-də Bakıda Türkiyə repçisi Cəza ilə birgə konsert verir. 2012-ci il iyunun 28-də Ceza və Uran ikinci dəfə Bakıda, Heydər Əliyev adına İdman Arenasında eyni səhnəni bölüşür.

2013-cü il Tofiq Bəhramov adına Respublika Stadionunda keçirilən Fanta Gənclik Festivalın aparıcısı olub.

Uran 2014-cü ilin avqust ayından 2016-cı il fevral ayına qədər Almaniyada yaşayıb.[2]

Şəxsi həyatı[redaktə | mənbəni redaktə et]

Ailəlidir. Bir qızı var.

2017-ci ildə Azad Azərbaycan TV-də yayımlanan "Maşın Şou" realiti verilişində iştirak edib.[3]

Diskoqrafiya[redaktə | mənbəni redaktə et]

Uranın diskoqrafiyasına 3 studiya albomu və bir miksteyp daxildir.

Studiya albomları
Ad İl Albomun üz qabığı Qeyd
Hörmətlə Uran 2005 Şəkil yoxdur.jpg
Mənasız şeylər 2009 Şəkil yoxdur.jpg
Açıq mikrofon 2013 Şəkil yoxdur.jpg
Miksteyp albomları
Ad İl Albomun üz qabığı Qeyd
Qaralama 2011 Şəkil yoxdur.jpg

İstinadlar[redaktə | mənbəni redaktə et]

  1. "Fransada yaşayan repçi Uran: "Yad ölkədə bir azəri"". www.bbc.com. www.bbc.com. İstifadə tarixi: 7 fevral 2019.
  2. "Məşhur repçi Uran Azərbaycana qayıdır". etatist.com. etatist.com. 2019-04-06 tarixində orijinalından arxivləşdirilib. İstifadə tarixi: 7 fevral 2019.
  3. "14-й день «Машын-шоу»: Мурад Дадашев и Гусейн Дарья vs. Эльшад Хосе - ФОТО". 1news.az. 1news.az. İstifadə tarixi: 3 aprel 2020.

Xarici keçidlər[redaktə | mənbəni redaktə et]