Abil İslam

Vikipediya, azad ensiklopediya
Jump to navigation Jump to search
Abil İslam
Abil Yolçu oğlu İslamov
Abil.İslam.jpg
Təxəllüsü İslam
Doğum tarixi (63 yaş)
Doğum yeri Alıkənd, Göyçay rayonu, Azərbaycan SSR
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Həyat yoldaşı Əminə İslamova
Uşaqları Ramilə, Röya, Gülnaz
Atası Yolçu İslamov
Anası Şövkət İslamova
Təhsili Bakı Maşınqayırma Texnikumu
İxtisası Texnik
Fəaliyyəti şair, jurnalist, fotomüxbir
Fəaliyyət illəri 1970–h.h.
Əsərlərinin dili azərbaycanca
Janr şeir
Mükafatları Azərbaycan Respublikası Prezidentinin fərdi təqaüdü
Həsən bəy Zərdabi diplomu

Abil İslam (19 noyabr 1958, Alıkənd, Göyçay rayonu) — azərbaycanlı şair, jurnalist, fotoreportyor, Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü.

Həyatı və fəaliyyəti[redaktə | mənbəni redaktə et]

İslamov Abil Yolçu oğlu (Abil İslam) 19 noyabr 1958-ci ildə Göyçay rayonunun Alıkənd kəndində doğulub.[1] O, 4 illik ibtidai təhsilini Alıkənd kəndindəki məktəbdə alıb (1966–1970). Həmin məktəbdə 4-cü sinfi bitirdikdən sonra Mırtı kənd Qasım Həsrətov adına orta məktəbdə təhsilini davam etdirərək, 1976-cı ildə həmin məktəbin 10-cu sinfini bitirib.[2] Sonra Bakıya gələrək əmək fəaliyyətinə başlayıb. Əmək fəaliyyətini davam etdirərək Bakı Maşınqayırma Texnikumunun "Metalların kəsməklə emalı" fakültəsini bitirərək texnik ixtisasına yiyələnib. Hərbi xidmətdən sonra təhsilini davam etdirmək üçün Ukraynanın Xarkov şəhərinə gedib və təhsilini Xarkov Kommunal Tikinti Mühəndisləri İnstitutunda davam etdirib.

Abil İslam "İnşaatçı" qəzetində müxbir,[3] fotomüxbir, poeziya şöbəsinin müdiri , "Bioloji Təbabət" Klinikasında mətbuat katibi və Bakı Sənaye-Pedaqoji Kollecində "ədəbi dram dərnəyinin rəhbəri" vəzifəsində işləyib.[4]

Abil İslam Bakının Nizami rayonu "Müharibə və Əmək veteranları" təşkilatının sədr müavinidir.[5] Hazırda İctimai Xəbər Agentliyinin direktor müavinidir.

Yaradıcılığı[redaktə | mənbəni redaktə et]

2001-ci ildə "Çıraq" Nəşriyyatı tərəfindən 204 səhifəlik "Bir bəlalı ömür olub taleyim" adlı şeirlər kitabı dərc olunub. 2005-ci ildə çıxan "Tələsmə hələ" Abil İslamın sayca ikinci kitabıdır.[6]

Müxtəlif bəstəkarlar tərəfindən sözlərinə 200-dən çox mahnılar bəstələnib. Mahnıları İslam Rzayev, Cavan Zeynallı, Aybəniz Haşımova, Zöhrə Abdullayeva, Əli Mirəliyev, Zümrüd Məmmədova, Nüşabə Ələsgərli kimi ifaçılar tərəfindən ifa olunub. Əksər mahnıları Azərbaycan Dövlət Radiosunun "Qızıl Fondu"nda saxlanılır.[7]

Xalq artisti Zümrüd Məmmədovanın ifasında, musiqisi bəstəkar Elşən Nicata məxsus "Tələsmə hələ" adlı mahnı tamaşaçıların ixtiyarına verildi.

İkinci Qarabağ müharibəsi şəhidlərinə həsr olunmuş, "Adın mübarək şəhid" adlı şeirinə bəstəkar Arif Səlimov tərəfindən musiqi bəstələnmiş və ifaçı Vüqar Muradov tərəfindən ifa edilmişdir.[8][9]

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. http://www.anl.az/down/meqale/525/2019/fevral/638280.htm
  2. https://aia.az/26566-yarasiqli-goycayim.html
  3. http://insaatci.az/boyuk-qayidis/
  4. http://sabunchu-ih.gov.az/news/203.html
  5. http://www.nizami-ih.gov.az/news/530.html
  6. "Arxivlənmiş surət". 2021-07-09 tarixində orijinalından arxivləşdirilib. İstifadə tarixi: 2021-07-07.
  7. http://ifadetv.com/1705-men-azerbaycanlyam.html
  8. https://www.ens.az/az/vuqar-muradov-sehid-qarabag
  9. https://m.sputnik.az/culture/20210120/426007856/Taninmis-mugenni-Susa-fatehine-mahni-hesr-edib.html

Xarici keçidlər[redaktə | mənbəni redaktə et]

Abil İslamın Facebook Hesabı

Abil İslamın İnstagram Hesabı