Angilya

Vikipediya, açıq ensiklopediya
Keçid et: naviqasiya, axtar
Anguilla
Angilya
bayrağı gerbi
Bayrağı Gerbi
– xəritədə yeri
Paytaxt Valli
Böyük şəhərlər Valli
Rəsmi dil İngilis
İdarəetmə forması konstitusiya monarxiyası, Britaniyanın sahəsi
Kraliçə II Elizabet
Qubernator Alister Harrison (aprel 2009-)
Baş nazir Hyubert Hyus (fevral 2010-)
Ərazi
• Ümumi

102 (bəzi mənbə. 96) km²
Əhali
• Təxmini sayı (2013)
• Siyahıyaalma (may 2011)
Əhali sıxlığı

15 min nəfər (220)
13 542 nəfər
164 nəfər/km²
ÜDM (AQP)
  • Cəmi (2009)
  • Adam başına

$175 mln $  (220 yer)
$12 200 $  (105 yer)
Pul vahidi Şərqi-Karib dolları (XCD)
İnternet domeni .ai
Telefon kodu +1-264

Angilya, Anquilla (Anguilla)Böyük Britaniyanın Karib dənizində mülkü.

Ümumi məlumat[redaktə | əsas redaktə]

Kiçik Antil adaları arxipelaqının şimal qurtaracağında, Küləktutan adalar qrupunda yerləşən Angilya adasını (sah. 91 km²) və əhalisi olmayan kiçik adalar qrupunu (Skrab, Doq, Sombrero, Prikli-Pir-Keys, Sil və s.) əhatə edir. İnzibati mərkəzi Valli şəhəridir. Rəsmi dili ingilis dili, pul vahidi şərqi Karib dollarıdır. Əhəngdaşlardan təşkil olunmuş adalar mərcan rifləri ilə əhatələnmişdir. Angilya adasının xırda təpəlikli səthi nisbətən hamardır, ən yüksək nöqtəsi 65 m-dir (Krokus-Hill d.). İqlimi tropik passatdır. Havanın orta aylıq temperaturu 18 24°C, illik yağıntının miqdarı 700–1200 mm-dir. Yağış suyundan içmək üçün istifadə olunur. Bitkisi seyrək, törəmə savanna tipli alçaq kolluqlardır. Sahil zonasında hindqozu palması və üzüm yetişdirilir. Çoxsaylı şor göllərdə 80 növdən çox su quşları var. İqtisadiyyatının əsasını (ÜDM-un 78%-i) xarici turistlərə xidmət sahəsi təşkil edir. Duz hasil olunur, balıq ovlanır, tərəvəz becərilir; qoyun, keçi, donuz saxlanılır. Dəmiryolları yoxdur. Avtomobil yollarının uzunluğu 105 km-dir. Dəniz portu (Blouinq-Poynt) və Vallidə kiçik beynəlxalq aeroport (Uollbleyk) var. [1]

İstinadlar[redaktə | əsas redaktə]

  1. Angilya // Azərbaycan Milli Ensiklopediyası  : [25 cilddə] / baş red. M. K. Kərimov. — Bakı: “Azərbaycan Milli Ensiklopediyası” Elmi Mərkəzi, 2009. — I  cild. — Səhifələrin sayı:  608. — Səh.: 497. — 10 000 nüsx. — ISBN 978-9952-441-02-4.

Xarici keçidlər[redaktə | əsas redaktə]

Həmçinin bax[redaktə | əsas redaktə]