Antikomintern paktı

Vikipediya, azad ensiklopediya
Jump to navigation Jump to search
Antikomintern paktı
Anti-Comintern Pact signing 1936.jpg
Nasist Almaniyasında Yaponiya səfiri Kintomo Musakodzi və nasist Almaniyasının xarici işlər naziri İoahim fon Ribbentrop Antikomintern paktını imzalayırlar.
Hazırlanma tarixi 23 oktyabr 1936-cı il
İmzalanma tarixi 25 noyabr 1936-cı il
İmzalanma yeri Berlin
İmzalayanlar Almaniya, Yaponiya

Antikomintern paktı (alm. Antikominternpakt‎, yap. 日独防共協定) — 25 noyabr 1936-cı ildə kommunizmdən müdafiə olunmaq üçün bağlanmış Almaniya-Yaponiya razılaşması, müqavilənin bağlandığı yer - Berlin) - dünyada kommunist ideologiyasının daha da genişlənməsinin qarşısını almaq məqsədilə Kommunist İnternasionalı (Komintern-paktın adı buradan yaranmışdır) ölkələrinə qarşı Almaniya ilə Yaponiya arasında yaradılmış ikitərəfli ittifaq.

Tarixi[redaktə | mənbəni redaktə et]

1937-ci ilin noyabrında Benito Mussolininin şəxsində İtaliya da Antikomintern paktına qoşuldu. Sonralar hakimiyyətə yeni gələn və ideologiyaları alman nasionalizmi və italyan faşizmi ilə səsləşən bir sıra hökumətlərin və SSRİ-yə və bütövlükdə kommunizmə düşmən münasibət bəsləyən bir sıra dövlətlər də Antikommuntern paktına qoşuldular. 1939-cu ildə Almaniya ilə İtaliya arasında bağlanmış ikitərəfli "Polad pakt"ını və 1940-cı ildə Berlin paktını imzalayan dövlətlərlə birlikdə Antikomintern paktının üzvləri də hərbi ittifaqın üzvlərinə çevrildilər.

24 fevral 1939-cu ildə pakta Macarıstan və Mancjou-qo dövlətləri də qoşuldular.

26 mart 1939-cu ildə Almaniyanın təkriki ilə vətəndaş müharibəsi şəraitində olan general Franko hökuməti də Antikomintern paktını imzaladı.

25 noyabr 1941-ci ildə Antikomintern paktının müddəti 5 il müddətinə uzadıldı, elə həmin dövrdə bu pakta Finlandiya, Rumıniya, Bolqarıstan, həmçinin faşistlər tərəfindən işğal edilmiş ərazilərdə - Xorvatiyada, Danimarkada, Slovakiyada təşkil olunmuş marionet hökumətlər və yaponlar tərəfindən işğal olunmuş Çin ərazisində yaradılan Van Szin-veya hökuməti də daxil oldular.

Mənbə[redaktə | mənbəni redaktə et]

  • Command Decisions. Department of the Army. Под редакцией Kent Roberts Greenfield. Washington, DC, 1960. С. 18.

İstinadlar[redaktə | mənbəni redaktə et]

  1. 25 ноября Этот день в истории: Антикоминтерновский пакт