Antonina Nejdanova

Vikipediya, açıq ensiklopediya
Jump to navigation Jump to search
Antonina Nejdanova
rus. Антонина Васильевна Нежданова
Nezhdanova 2.jpg
Sənətçi məlumatları
Doğum tarixi 16 iyun 1873(1873-06-16)
Doğum yeri Krivaya Balka, Odessa yaxınlığı, Odessa qəzası, Xerson quberniyası, Rusiya imperiyası
Vəfat tarixi 26 iyun 1950 (77 yaşında)
Vəfat yeri Moskva, SSRİ
Dəfn yeri Novodeviçye qəbiristanlığı, Moskva
Vətəndaşlığı Flag of the Russian Empire (black-yellow-white).svg Rusiya imperiyası
Flag of the Soviet Union.svg SSRİ
Peşələri kamera müğənnisi
opera müğənnisi
pedaqoq

Üslub klassik musiqi
Musiqi aləti vokal
Səs tembri soprano
Təhsili
Mükafatları "Lenin" ordeni  — 1937 "Lenin" ordeni "Qırmızı Əmək Bayrağı" ordeni (SSRİ) "1941-1945-ci illər Böyük Vətən müharibəsində rəşadətli əməyinə görə" medalı
"Moskvanın 800 illik yubileyi xatirəsinə" medalı
"SSRİ xalq artisti" fəxri adı — 1973 Stalin mükafatı "RSFSR xalq artisti" fəxri adı "RSFSR əməkdar artisti" fəxri adı
Commons-logo.svg Vikianbarda əlaqəli mediafayllar

Antonina Vasilyevna Nejdanova (16 iyun 1873 (Yulian təqvimi: 4 iyun)[1][2]26 iyun 1950) — sovet və rus opera müğənnisi (lirik-koloratura soprano), pedaqoq. SSRİ xalq artisti (1936). Birinci dərəcəli Stalin mükafatı laureatı (1943). Sənətşünaslıq elmləri doktoru (1944).

Həyatı[redaktə | əsas redaktə]

Antonina Nejdanova, 4 (16) iyun 1873-cü il tarixində (digər mənbələrdə 17 (29) iyul 1873-cü il) Ukraynanın Odessa şəhəri yaxınlığındakı Krivaya Balka kəndində anadan olmuşdur.[3] Onun valideynləri, kənd müəllimləri idi. Uşaqlıqda kilsə xorunda ifa etmişdi. 18831891-ci illərdə, Odessa Mariinski Gimnaziyasında təhsil almışdır (indiki Antonina Nejdanova adına Odessa Milli Musiqi Akademiyası). O, 1899-cu ildə Moskva Dövlət Konservatoriyasına daxil olmuşdur. Konservatoriyada Umberto Mazettinin sinfini bitirdikdən sonra qısa müddət ərzində aparıcı soprano olduğu Böyük Teatra qoşulmuşdur. O, tez-tez Sankt-Peterburqdakı Mariinski Teatrında, eləcə də Kiyevdə və Odessada oxuyurdu. Paris, Antonina Nejdanovanın səsini 1912-ci ildə dahi tenor Enriko Karuzo və onun bariton həmkarı Titta Ruffo ilə birlikdə səhnəyə çıxanda eşitmişdir. Belə ki, o Cüzeppe Verdinin "Riqoletto" operasında Cildanın partiyasını ifa etmişdi.

Nejdanova, Sergey Kusevitskinin dirijorluğu ilə sopranoorkestr üzrə tərtibatın ilk ifaçısı idi.[4] O, çoxlu sayda opera rolu yaratmışdır. Məsələn: Lyudmila ("Ruslan və Lyudmila" Mixail Qlinka), Tatyana ("Yevgeni Onegin" Pyotr Çaykovski), Rozina ("Sevilya bərbəri" Coakkino Rossini), Lakme (Leo Delibin eyniadlı operası), Snequroçka, Volkova ("Sadko" Nikolay Rimski-Korsakov), Şamaxı çariçası ("Qızıl xoruz" Nikolay Rimski-Korsakov) və s. Mixail Qlinkanın "Çar üçün həyat" operasında AntonidaNikolay Rimski-Korsakovun "Çar gəlini" operasında isə Marfa obrazları ona böyük şöhrət gətirmişdir. Opera rollarından əlavə, Nejdanova Nikolay Qolovanov ilə eyni ansamblda kamera vokal əsərlərini də ifa etmişdir. Onun geniş repertuarında rus, ukraynabelarus xalqlarının mahnıları üstünlük təşkil edirdi. 1917-ci ildə baş vermiş Rusiya inqilabından sonra öz doğma ölkələrini tərk edərək Qərbə mühacirət edən opera müğənnilərindən fərqli olaraq, Böyük Teatrda qalmışdı. 1936-cı ildə, o Moskvada Böyük Teatrın opera studiyasında, Konstantin Stanislavski adına Opera studiyasında pedaqoji fəaliyyətə başlamış və 1943-cü ildə Moskva Dövlət Konservatoriyasında professor təyin olunmuşdur. O, konservatoriyada vəfatına qədər fəaliyyət göstərmişdir.

O, dirijor Nikolay Qolovanov ilə evli olmuşdur.

Nejdanova, səsinin gözəlliyini, elastikliyini və texnikasının üstünlüyünü göstərən çoxlu sayda səsyazmalar hazırlamışdır. O, opera tarixçiləri və tənqidçiləri tərəfindən XX əsrin ən yaxşı sopranolarından biri hesab edilir.

Antonina Nejdanova, 26 iyun 1950-ci il tarixində vəfat etmişdir. O, Novodeviçye qəbiristanlığında dəfn olunmuşdur.

Mükafatları və fəxri adları[redaktə | əsas redaktə]

A.Nejdanovanın C.Meyerberin "Quqenotlar" operasındakı çıxışı

Maraqlı faktlar[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]