Azər Kərimov (Fəzi oğlu)

Vikipediya, açıq ensiklopediya
Jump to navigation Jump to search
Azər Kərimov
Kərimov Azər Fəzi oğlu
Azər Kərimov.jpg
Doğum tarixi 29 dekabr 1951 (1951-12-29) (67 yaş)
Doğum yeri Daşkənd kəndi, Basarkeçər rayonu
Qərbi Azərbaycan
Flag of the Armenian Soviet Socialist Republic.svg Ermənistan SSR
Flag of the Soviet Union.svg SSRİ
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Elm sahəsi texniki elmlər
İş yeri Maraviya Texniki Universiteti
Elmi dərəcəsi Texnika elmləri doktoru (1994)
Elmi adı Professor (1995)
Tanınır texniki elmlər üzrə ilk laureat
Mükafatları Lenin komsomolu mükafatı
Commons-logo.svg Vikianbarda əlaqəli mediafayllar

Kərimov Azər Fəzi oğlu (29 dekabr 1951, Daşkənd, Ermənistan) — Çexiya-Azərbaycan Mədəni Əlaqələr Mərkəzinin sədri[1], təhsil əlaqələndiricisi[1], Beynəlxalq Diaspor Mərkəzinin Avropa təmsilçisi, texnika elmləri doktoru (1994), professor (1995).

Həyatı[redaktə | əsas redaktə]

Azər Kərimov 29 dekabr 1951-ci ildə Qərbi Azərbaycanın Göyçə mahalının Basarkeçər rayonunun Daşkənd kəndində el şairi Qəmgin Fəzinin ailəsində anadan olub. 1953-cü ildə ermənilərin mənfur siyasəti nəticəsində doğma yurddan ailəsi ilə birlikdə Bərdə rayonuna deportasiya olunmuşdur[2].

1968-ci ildə Bərdə rayonu Yeni Daşkənd kənd orta məktəbini bitirmişdir.[3]

1968-ci ildə Azərbaycan Politexnik İnstitutunun İnşaat fakültəsinə qəbul olmuş və 1973-cü ildə həmin institutun tikintinin iqtisadiyyatı ixtisasını fərqlənmə diplomu ilə bitirmiş, təhsil aldığı institututda müəllim vəzifəsini tutması məsləhət görülmüşdür.[2]

Moskvada aspiranturada təhsil aldıqdan sonra dissertasiya işini müdafiə edərək elmlər namizədi adını alıb. Və Bakıya qayıdaraq pedaqoji fəaliyyətini davam etdirib. Səmərəli müəllimlik fəaliyyətinə görə Ümumittifaq Ali Attestasiya Komissiyası tərəfindən dosent elmi vəzifəsinə layiq görülüb. Moskvada elmi işinin nəticələrinin tətbiq olunması üzrə "Elm texnika" sahəsində Azərbaycan SSR Lenin Komsomolu mükafatına layiq görülüb. Qeyd edək ki, bu mükafata institutut müəllimi kimi layiq görülən yeganə ziyalıdır.

Azər Kərimovun elmi işinin əhəmiyyəti hələ sovetlər dönəmində xaricilərin marağını cəlb edib və 1985-1987-ci illərdə Moskva şəhərində xarici dil kursu keçdikdən sonra 1987-ci ildə Azərbaycan SSR Təhsil Nazirliyi və Xarici İşlər Nazirliyinin təqdimatı ilə müsabiqədə 20 nəfər namizəd arasında qalib gələrək pedaqoji fəaliyyətini davam etdirmək üçün Çexoslovakiyaya göndərilib. Slovakiya Texniki Universitetinin rektoru, tanınmış elm xadimi Anton Blaje onun sənədlərinin qəbul olunmasına xüsusi diqqət ayırıb. Ona ayrılan vaxtın başa çatmasına baxmayaraq Çexoslovakiya Texniki Universitetinin rəhbərliyi SSRİ tərəfinə Azər Kərimovun daha bir neçə il bu ölkədə qalması xahişi ilə müraciət edib.[3]

1994-cü ildə Slovakiyada doktorluq dissertasiyasını müdafiə etmişdir. Bundan altı ay müddətində pedaqoji və elmi fəaliyyətinə, nəşr etdirdiyi kitablara, metodiki göstərişlərə görə professor elmi adını almışdır. Hazırda Çexiya Universitetlərində dərs deyən yeganə azərbaycanlı müəllimdir.

1998-ci ildə Azər Kərimovun səyi və rəhbərliyi nəticəsində Maraviya Texniki Universitetinin nəzdində Çexiya-Azərbaycan Mədəni Əlaqələr Mərkəzi yaradılmışdır. Burada çex, macar, rus, polyak, belarus, ukraynalı alimlər tədqiqat işləri aparır, elmi məqalələr yazır və problemləri birgə həll edirlər.[1].

Fəaliyyəti[redaktə | əsas redaktə]

Azər Kərimov Beynəlxalq Diaspor Mərkəzinin Avropada təmsilçisi kimi Azərbaycanın problemlərini, ermənilərin işğalçılıq siyasətini dünya ölkələrinin nəzərinə çatdırmaqla böyük ictimai-siyasi fəallıq göstərir. Geniş elmi və ictimai-siyasi fəaliyyətlə məşğul olub ölkəmizlə bağlı həqiqətləri dünya ictimaiyyətinə çatdırır. Altı dildə sərbəst danışır.[4]

20 ildən çoxdur (1990-cı ildən) ki, Çexiyanın qədim elm ocağı, 110 ildən artıq tarixi olan Maraviya Texniki Universitetində müəllim işləyir. Maraviya Təhsil Komitəsinin qərarı ilə Azər Kərimov Çexiya dövlət təhsil müəssisələri ilə MDB dövlətləri universitetlərinin əlaqəsini tənzimləyən koordinator-kuratordur.

Avropada və dünyada Azərbaycan lobbiçiliyinin möhkəmlənməsi işində də o hərətərəfli fəaliyyət göstərir.

İvan Meznik, Azər Kərimov və Zakir Kərimov

Azər Kərimovun səyi nəticəsində tanınmış şərqşünas alim, çexiyalı professor İvan Meznik və professor Frantişek Çapka Azərbaycanda olmuş, Azərbaycan mədəniyyəti və tarixi ilə yaxından tanış olmuşdur.[5][6]

Azərbaycan–Çexiya münasibətlərindəki aktiv fəaliyyətinə görə Çexiya prezidentləri Vatslav Klaus, Miloş Zeman və Azərbaycan prezidenti İlham Əliyev tərəfindən minnətdarlıq məktubu almışdır.[7]

Dünya Azərbaycanlılarını əlaqələndirmə şurasının üzvüdür.[8]

3-4 iyun 2016-cı ildə keçirilən Dünya Azərbaycanlılarının IV Qurultayında iştirak etmişdir.

Məqalələri[redaktə | əsas redaktə]

İstinadlar[redaktə | əsas redaktə]

Ədəbiyyat[redaktə | əsas redaktə]

  • S.Nəcəfov. “Əldə etdiyim uğurlarımı vətənimə həsr etmişəm”, “Kaspi” qəzeti, 30 sentyabr 2006-cı il.
  • Araz Yaquboğlu, "Kəndimizin ilk professoru", "Ömrün şəhidlik zirvəsi", Bakı, “Elm və təhsil”, 2012. səh.152-154.
  • Nadir AZƏRİ, "Dünya azərbaycanlılarının birliyinin və həmrəyliyinin əsasını azərbaycançılıq ideyası təşkil edir", "Yeni Azərbaycan" qəzeti. - 2011. - 25 yanvar. - Səh.5.

Xarici keçidlər[redaktə | əsas redaktə]

Vikianbarda Azər Kərimov (Fəzi oğlu) ilə əlaqəli mediafayllar var.