Azərbaycan 2010 Yeniyetmələrin Yay Olimpiya Oyunlarında

Vikipediya, azad ensiklopediya
Jump to navigation Jump to search
Azərbaycan
2010 Yeniyetmələrin Yay Olimpiya Oyunlarında
Flag of Azerbaijan.svg
BOK KoduAZE
MOKAzərbaycan Milli Olimpiya Komitəsi
SinqapurSinqapur Sinqapur
14 avqust 2010 – 26 avqust 2010
İdmançı sayı12 idmançı (7 idman növündə)
BayraqdarŞaban Şahpələngov (Açılış mərasimi)
Medallar
Yer: 11
Qızıl Gümüş Bürünc Ümumi
5 3 0 8
Yeniyetmələrin Yay Olimpiya Oyunları
2010, 2014, 2018

Azərbaycan 2010-cu ildə Sinqapurda baş tutan Yeniyetmələrin I Yay Olimpiya Oyunlarında. 14-26 avqust tarixləri arasında Sinqapurda baş tutan Yeniyetmələrin I Yay Olimpiya Oyunlarında Azərbaycan 12 idmançı ilə 7 idman növündə təmsil olundu. Azərbaycan Sinqapurdan vətənə 8 medalla (5 qızıl, 3 gümüş) qayıtdı. Qızıl medalları Azərbaycana güləşçilər Murad Bazarov, Elman Muxtarov, Patimat Baqomedova, Əli Məhəmmədəbirov və ağır atlet Nicat Rəhimov qazandırdı.

Ümumi nəticədə Azərbaycan medal sıralanmasında 205 dövlət arasında 11-ci yeri tutdu. Azərbaycan həmçinin 51 Avropa dövlətləri sırasında 6-cı yeri, 15 sabiq Sovet İttifaqı dövlətləri sırasında yalnızca RusiyaUkraynadan geri qalaraq 3-cü yeri və 62 İslam dövlətləri sırasında isə birinci yeri tutdu.

Medalçıların siyahısı[redaktə | əsas redaktə]

Azərbaycan Yeniyetmələrin I Yay Olimpiya Oyunlarında 8 medal qazandı. (5 qızıl, 3 gümüş).[1]

Medal Medalçı İdman növü Yarış növü Tarix
Gold medal olympic.svg
Murad Bazarov Wrestling pictogram.svg Güləş Oğlanlar, Yunan-Roma, 42 kq. 15 avqust
Gold medal olympic.svg
Elman Muxtarov Wrestling pictogram.svg Güləş Oğlanlar, Yunan-Roma, 50 kq.
Gold medal olympic.svg
Patimat Baqomedova Wrestling pictogram.svg Güləş Qızlar, Sərbəst, 52 kq. 16 avqust
Gold medal olympic.svg
Nicat Rəhimov Weightlifting pictogram.svg Ağır atletika Oğlanlar, 69 kq. 17 avqust
Gold medal olympic.svg
Əli Məhəmmədəbirov Wrestling pictogram.svg Güləş Oğlanlar, Sərbəst, 100 kq.
Silver medal olympic.svg
Kənan Quliyev Wrestling pictogram.svg Güləş Oğlanlar, Sərbəst, 54 kq.
Silver medal olympic.svg
Salman Əlizadə Boxing pictogram.svg Boks Oğlanlar, 48 kq. 25 avqust
Silver medal olympic.svg
Elvin İsayev Boxing pictogram.svg Boks Oğlanlar, 57 kq.

Ümumi məlumat[redaktə | əsas redaktə]

Azərbaycan 2010-cu ildə Sinqapurda keçirilən Yeniyetmələrin I Yay Olimpiya Oyunlarında 12 idmançı ilə 7 idman növündə təmsil olundu. 12 avqust tarixində Azərbaycan yığmasının yolasalma mərasimi baş tutdu. Azərbaycan Milli Olimpiya Komitəsinin inzibati binasında keçirilən mərasimə, Milli Olimpiya Komitəsinin rəsmi şəxsləri, Gənclər və İdman Nazirliyinin nümayəndələri, müxtəlif idman növləri üzrə federasiyalarının nümayəndələri və idmançıların valideynləri qatıldı.[2]

Daha sonra 12 idmançı və 7 məşqçidən ibarət nümayəndə heyəti Heydər Əliyev adına Beynəlxalq Hava Limanından Sinqapura yollandı.

Sıra İdman növü Oğlan Qız Cəmi
1 Weightlifting pictogram.svg Ağır atletika 1 0 1
2 Boxing pictogram.svg Boks 3 0 3
3 link=https://az.wikipedia.org/wiki/%C5%9E%C9%99kil:Judo pictogram.svg Cüdo 1 0 1
4 link=https://az.wikipedia.org/wiki/%C5%9E%C9%99kil:Wrestling pictogram.svg Güləş 4 1 5
5 Canoeing (slalom) pictogram.svg Kanoe Slalom 1* 0 1
6 Canoeing (flatwater) pictogram.svg Kanoe Sprint 1* 0 1
7 Taekwondo pictogram.svg Taekvondo 1 0 1
Ümumi 11 1 12

* — Radoslav Kutsev Azərbaycanı 2 idman (kanoe slalom və kanoe sprint) növündə təmsil etdi.

Nəticələri[redaktə | əsas redaktə]

Weightlifting pictogram.svg Ağır atletiкa[redaktə | əsas redaktə]

Yeniyetmələrin I Yay Olimpiya Oyunlarında ağır atletika idman növü üzrə yarışlar 15-19 avqust tarixləri arasında "Toa Payoh" İdman Zalında keçirildi. Azərbaycan bu idman növündə bir idmançı ilə təmsil olundu. Nicat Rəhimov 2010-cu ilin may ayında İspaniyanın Valensiya şəhərində baş tutan Gənclərin Avropa Çempionatında 290 kq. nəticə göstərdi və qızıl medal qazanaraq Sinqapur Olimpiadasına vəsiqəni təmin etdi.[3]

Oğlanlar

Nicat Rəhimov Sinqapur Olimpiadasında mübarizəyə 16 avqust tarixində qoşuldu. Nizami Paşayevin rəhbərliyi altında mübarizə aparan Nicat Rəhimov birdən qaldırma yarışlarında 125, 130 və 134 kq. ram etməyi bacardı. Bütün üç cəhdində ştanqı ram edən Nicat Rəhimov birdən qaldırma yarışlarını birinci yerdə başa vurdu. Daha sonra təkanla qaldırma yarışlarında qüvvəsini sınayan Nicat Rəhimov 154 və 161 kq. ştanqı məharətlə ram etməyi bacardı. Sonuncu cəhdində 166 kq. ştanqı ram edə bilməsədə bu heçnəyi dəyişdirmədi və Nicat Rəhimov Yeniyetmələrin I Yay Olimpiya Oyunlarının çempionu oldu. Gümüş medalı Çin Xalq Respublikasının nümayəndəsi Gong Xingbin, bürünc medalı isə Kuba idmançısı Ediel Marquez Ona qazandı.[4] Bu medal Sinqapur Olimpiadasında Azərbaycanın qazandığı sayca 4-cü medal idi.

İdmançı Yarış Birdən qaldırma Təkanla qaldırma Cəmi Sıra Medal
Nicat Rəhimov 69 kq. 125 130 134 154 161 166 295 1 Gold medal olympic.svg

Boxing pictogram.svg Boкs[redaktə | əsas redaktə]

Yeniyetmələrin I Yay Olimpiya Oyunlarında boks idman növü üzrə yarışlar 21-25 avqust tarixləri arasında "Suntec Sinqapur" Beynəlxalq İdman Mərkəzində keçirildi. Azərbaycan bu idman növündə üç idmançı ilə təmsil olundu. Salman ƏlizadəŞaban Şahpələngov 2010-cu ilin may ayında Bakı şəhərində baş tutan Gəcnlərin Dünya Çempionatında qızıl medal qazanaraq Sinqapur Olimpiadasına vəsiqə qazandı.[5] Həmçinin bürünc medal qazanan Elvin İsayevdə Sinqapur Olimpiadasına vəsiqəni təmin etdi.[6]

Oğlanlar

Azərbaycan idmançıları Sinqapur Olimpiadasında mübarizəyə Şamil Əlimcanovun rəhbərliyi altında 21 avqust tarixində qoşuldu. Həmin gün 1/4 final mərhələsində çərçivəsində rinqə Şaban ŞahpələngovElvin İsayev çıxdı.

51 kq. çəki dərəcəsində yarışan Şaban Şahpələngov Misir idmançısı, 2010-cu ildə Gənclər arasında Dünya Çempionatında bürünc medal qazanan Heşam Abdelaal üz-üzə gəldi. Bu görüşdə Azərbaycan idmançısı rinqdən məğlub ayrıldı. Şaban Şahpələngov 4-8 hesabı ilə məğlub oldu və Sinqapur Olimpiadasında mübarizəni erkən dayandırdı.[7]

Şaban Şahpələngovdan fərqli olaraq isə 57 kq. çəki dərəcəsində mübarizə aparan Elvin İsayev rinqdən qələbə ilə ayrıldı. Azərbaycan təmsilçisinin rəqibi Monqolustan boksçusu Anand Daşdorj idi. Həmin görüşdə Elvin İsayev rəqibindən açıq-aydın üstün olaraq (13-2), Yeniyetmələrin I Yay Olimpiya Oyunlarının finalına adladı.[8][9]

Bir gün sonra, 22 avqust tarixində Yeniyetmələrin I Yay Olimpiya Oyunlarında yarım-final görüşləri baş tutdu. Həmin gün rinqə yenə iki Azərbaycan idmançısı çıxdı. 48 kq. çəki dərəcəsində Salman Əlizadə və 57 kq. çəki dərəcəsində Elvin İsayev Sinqapur Olimpiadasının finalına vəsiqə qazanmağ üçün müvafiq olaraq SinqapurVenesuela boksçuları ilə qarşılaşdı.

Salman Əlizadənin yarım-finalda rəqibi yerli idmançı Mohd Hamid idi. Zəif rəqibi ilə qarşılaşmada Azərbaycan idmançısı rinqdən qələbə ilə ayrıldı. Salman Əlizadənin 8 dəqiqə zərbəsinə, Sinqapur idmançısı yalnızca 1 dəfə cavab verə bildi. Bununla da Azərbaycan boksçusu Salman Əlizadə Yeniyetmələrin I Yay Olimpiya Oyunlarının finalına vəsiqə qazandı. Onun həlledici görüşdə rəqibi Bakıda Gənclər arasında Dünya Çempionatının finalına məğlub etdiyi İrlandiya boksçusu Ryan Burnett oldu.

Salman Əlizadənin ardından növbəti Azərbaycan idmançısı rinqə çıxdı. 57 kq. çəki dərəcəsində yarışan Elvin İsayev yarım-final görüşündə Venesuela nümayəndəsi Fradimil Macayo ilə üz-üzə gəldi. Gərgin idman mübarizəsi şəraətində keçən görüşdə Azərbaycan boksçusu qələbə qazandı. 10-6 hesabı ilə Venesuelalı rəqibində üstün olan Elvin İsayev Yeniyetmələrin I Yay Olimpiya Oyunlarının finalına vəsiqə qazandı. Onun finalda rəqibi Bakı keçirilən Gənclərin Dünya Çempionatında qızıl medal qazanan Almaniya boksçusu Artur Bril oldu.[9]

23 avqust tarixində Sinqapur Olimpiadasında 5-ci yer uğrunda görüşlər baş tutdu. 1/4 final mərhələsində Misir idmançısına uduzaraq mübarizəni dayandıran Şaban Şahpələngov, 5-ci yer uğrunda görüşdə Rusiya boksçusu Vasili Vetkin ilə üz-üzə gəldi. Gərgin idman mübarizəsində keçən görüşdə Rusiya idmançısı Vasili Vetkin, Azərbaycan nümayəndəsi Şaban Şahpələngov üzərində 11-8 hesablı qələbə qazanaraq Yeniyetmələrin I Yay Olimpiya Oyunlarını 5-ci yerdə başa vurdu. Şaban Şahpələngov isə Sinqapur Olimpiadasında 6-cı yeri tutdu.[10]

24 avqust tarixində isə Sinqapur Olimpiadasında boks idman növü üzrə çempionlar müəyyənləşdi. Rinqə birinci olaraq 48 kq. çəki dərəcəsində yarışan Salman Əlizadə çıxdı. Onun rəqibi İrlandiya Respublikasını təmsil edən Ryann Burnett idi. Güclü rəqibi ilə görüşdən Salman Əlizadə məğlubiyyətlə ayrıldı. Ryan Burnettin altı dəqiq zərbəsinə Salman Əlizadə yalnızca üç dəfə cavab verə bildi və Yeniyetmələrin I Yay Olimpiya Oyunlarının gümüş medalını qazandı.[11]

Həmin gün rinqə digər Azərbaycan boksçusu Elvin İsayev çıxdı. Onun da rəqibi güclü boksçu idi. Elvin İsayev bu boksçusu həmin il Bakıda keçirilən Gənclərin Dünya Çempionatından yaxşı tanıyırdı. Almaniya boksçusu Artur Bril Bakıda Dünya Çempionatının qalibi olmuşdu. Güclü rəqibi ilə görüşdə Elvin İsayev çətinlik çəkdi və rəqibinə 4-11 hesabı ilə məğlub olaraq Yeniyetmələrin I Yay Olimpiya Oyunlarının gümüş medalını qazandı.

Sinqapur Olimpiadasında 2 gümüş medal qazanan Azərbaycan yığması medal sıralanmasında 9-cu yeri tutdu.

İdmançı Yarış 1/4 final 1/2 final 5-ci yer oyunu Final Yer Medal
Salman Əlizadə 48 kq. yoxdur
Sinqapur Mohd Hamid
Q 8-1
yoxdur
İrlandiya Ryan Burnett
M 3:6
2 Silver medal olympic.svg
Şaban Şahpələngov 51 kq.
Misir Heşam Abdelaal
M 4:8
mübarizəni dayandırdı
Rusiya Vasili Vetkin
M 8-11
mübarizəni dayandırdı 6
Elvin İsayev 57 kq.
Monqolustan Anand Daşdorj
Q 13:2
Venesuela Fradimil Macayo
Q 10:6
yoxdur
Almaniya Artur Bril
M 4:11
2 Silver medal olympic.svg

Judo pictogram.svg Cüdo[redaktə | əsas redaktə]

Sinqapur Olimpiadasında cüdo idman növü üzrə yarışlar 21-25 avqust tarixləri arasında baş tutdu. Azərbaycan yığması Sinqapurda bir cüdoçu ilə mübarizə apardı. Azərbaycanın idman şərəfini bir il əvvəl Finlandiyanın Tampere şəhərində baş tutan Avropa Olimpiya Festivalının qalib olaraq Sinqapura vəsiqə qazanan (-66 kq. çəki dərəcəsində mübarizə aparan) Cəlil Cəlilov qorudu.[12][13][14]

Oğlanlar

Rəşad Məmmədovun rəhbərliyi altında Cəlil Cəlilov -66 kq. çəki dərəcəsində mübarizəyə 21 avqust tarixində qoşuldu. Onun 1/8 final mərhələsində rəqibi Andorra cüdoçusu Patric Martins idi. Zəif rəqibinə Cəlil Cəlilov ipponla qalib gəldi və növbəti mərhələyə vəsiqə qazandı. 1/4 final mərhələsində o Amerika Birləşmiş Ştatlarının nümayəndəsi Maxamillian Şneiderlə üz-üzə gəldi. Güclü və təcrübəli rəqibi ilə görüşdən Cəlil Cəlilov məğlubiyyətlə ayrıldı. Qeyd edək ki Sinqapur Olimpiadasının qızıl medalını elə Maxamillian Şneider qazandı. Bu məğlubiyyətə baxmayaraq Cəlil Cəlilov təsəlliverici qrupda bürünc medal uğrunda mübarizə apardı. O üçüncü mərhələnin oyununda Danimarka cüdoçusu ilə qarşılaşdı. Fuc Kai ilə görüşdən məğlubiyyətlə ayrılan Cəlil Cəlilov Yeniyetmələrin I Yay Olimpiya Oyunlarında mübarizəni medalsız başa vurdu.[15]

İdmançı Yarış 1/8 final 1/4 final 1/2 final Təsəlliverici qrup Final Yer
Oyun 1 Oyun 2 Oyun 3 Oyun 4 Oyun 5
Cəlil Cəlilov -66 kq.
Andorra Patric Martins
Q 100:000
ABŞ Maxamillian Şneider
M 000:111
mübarizəni dayandırdı yoxdur
Danimarka Fuc Kai
M 000:010
mübarizəni dayandırdı 9

Wrestling pictogram.svg Güləş[redaktə | əsas redaktə]

Yeniyetmələrin I Yay Olimpiya Oyunlarında güləş idman növü üzrə yarışlar 15-17 avqust tarixləri arasında "Suntec" İdman Mərkəzində keçirildi. Azərbaycan bu idman növündə 5 güləşçi ilə təmsil olundu. Yunan-Roma güləşçiləri Murad Bazarov, Elman Muxtarov, sərbəst güləşçilər Kənan Quliyev, Əli Məhəmmədəbirov və qadın güləşçisi Patimat Baqomedova[16] Azərbaycanın idman şərəfini qorudu. 5 güləşçi ilə Sinqapura yollanan Azərbaycan yığması Olimpiadanı 4 qızıl və 1 gümüş medalla başa vurdu. Güləş yarışlarının medal sıralanmasında Azərbaycan birinci yeri tutdu.[17]

Yunan-Roma güləşi[redaktə | əsas redaktə]

Oğlanlar

15 avqust tarixində Azərbaycanı təmsil edən güləşçilərdən birinci olaraq İlqar Abdulovun məşqçiliyi altında Murad Bazarov mübarizə apardı. Murad Bazarov "A" qrupunda yarışdı. Onun birinci rəqibi Ukrayna güləşçisi Aleksey Jabskiy oldu. Zəif rəqibi ilə qarşılaşmadan Murad Bazarov qələbə ilə ayrıldı. 1-ci hissədə Murad 7-0, 2-ci hissədə isə 4-0 hesablı qələbə qazandı. Qrup mərhələsində onun növbəti, sonuncu rəqibi Ekvador güləşçisi oldu. Henri Pilay ilə həlledici qarşılaşmadanda Murad Bazarov inamlı qələbə ilə ayrıldı. (1-ci hissə 1-0, 2-ci hissə 3-0). Finalda Azərbaycan güləçisinin rəqibi Kuba idmançısı oldu. Buna gədər Qazaxıstan, İranMisir güləşçiləri məğlub edən Pena Flores Murad Bazarovun rəqibi idi. Final isə gərginlilə diqqət çəkdi. Birinci hissədə Murad Bazarov rəqibindən iki xal aldı. 2-ci hissədə maraqlı idman mübarizəsi şəraətində keçdi. Bu səfər Murad Bazarov Kubalı rəqibindən bir xal aldı. Ümumi hesabda 2-0 hesabı ilə qalib gələn Murad Bazarov Yeniyetmələrin I Yay Olimpiya Oyunlarının çempionu oldu. Bu qızıl medal Azərbaycanın Yeniyetmələrin Yay Olimpiya Oyunlarında qazandığı birinci qızıl medal oldu.[18] Murad Bazarovun şərəfinə birinci dəfə Sinqapurda Azərbaycan Respublikasının Dövlət Himni səsləndirildi.

Elə həmin gün digər yunan-roma güləşçisi, Elman Muxtarovda mübarizəyə qoşuldu. Gənclərin Avropa Çempionatının qızıl medalçısı olan Elman Muxtarovdan qızıl medal gözləyənlərin sayı çox idi. O mübarizəni "A" qrupunda apardı. Elman Muxtarovun birinci rəqibi Belarus güləşçisi Andrey Pikuza oldu. Belaruslu rəqibi ilə qarşılaşmadan Elman Muxtarov asan qələbə ilə ayrıldı. (3-0, 3-0). Qrup mərhələsinin növbəti görüşündə həmin Belarus idmançısı Kubalı həmkarına məğlub oldu. Belə olan xalda turun son görüşü həlledici əhəmiyyət daşıdı. Elman Muxtarovla Rodrigez Banguelanın görüşü gərgin mübarizə şəraətində keçdi. Birinci hissədə Azərbaycan güləşçisi iki xal qazanaraq üstünlük əldə etdi. Sonuncu hissədə də üstün tərəf Elman Muxtarov oldu. Bununla Azərbaycan güləşçisi Yeniyetmələrin I Yay Olimpiya Oyunlarının finalına vəsiqə qazandı. Onun finalda rəqibi Özbəkistan idmançısı oldu. Nurbəy Haqqulov buna gədər Qırğızıstan, ƏlcəzairNorveç güləşçilərini məğlub edib. Finalda üstün tərəfsə Elman Muxtarov idi. Azərbaycan təmsilçisi birinci hissədə üç xal, ikinci hissədə isə dörd xal rəqibində aldı və görüşün qalibi olaraq,[1] Murad Bazarovdan sonra Yeniyetmələrin I Yay Olimpiya Oyunlarının çempionu olan ikinci Azərbaycanlı idmançı oldu.[1]

İdmançı Yarış Qrup mərhələsi Final Yer Medal
Murad Bazarov 42 kq.
Ukrayna Aleksey Jabskiy
Q 2:0
Ekvador Henri Pilay
Q 2:0
Kuba Pena Flores
Q 2:0
1 Gold medal olympic.svg
Elman Muxtarov 50 kq.
Belarus Andrey Pikuza
Q 2:0
Kuba Rodrigez Banguela
Q 2:0
Özbəkistan Nurbəy Haqqulov
Q 2:0
1 Gold medal olympic.svg

Sərbəst güləş[redaktə | əsas redaktə]

Oğlanlar

15 avqust tarixində sərbəst üsulla güləşən idmançılar mübarizə apardı. Azərbaycanın idman şərəfini Qurban Qurbanovun rəhbərliyi altında Kənan Quliyev (54 kq.) və Əli Məhəmmədəbirov (100 kq.) qorudu.[19] Kənan Quliyev Sinqapur Olimpiadasında "A" qrupunda mübarizə apardı. Onun birinci rəqibi Kolumbiya güləşçisi Yerzon Hernandez idi. Həmin görüşdə Kənan Quliyev asan qələbə qazandı. (1-ci hissə, 5-0. 2-ci hissə, 2-1). Daha sonra qrup mərhələsinin ikinci görüşündə Kənan Quliyev yerli güləşçi ilə mübarizə apardı. Sinqapur idmançı Kester Leunglada görüşdə Kənan Quliyev asan qələbə qazandı. (6-0, 7-0). Qrup mərhələsinin sonuncu, üçüncü turunda isə Kənan Quliyev Avstraliya idmançısı Jayden Lavrense ilə üz-üzə gəldi və rəqibinə birinci hissədəcə 7-1 hesabı ilə qalib gəldi. Bu qələbə ilə Kənan Quliyev Yeniyetmələrin I Yay Olimpiya Oyunlarının finalına vəsiqə qazandı. Onun finalda rəqibi Yaponiya güləşçisi Yuki Takahaşi idi. Qeyd edək ki güclü Yaponiya güləşçisi, finala gədər qrup mərhələsində Tunis, Dominikan Respublikası, KonqoTürkiyə güləşçilərinə xal vermədən qalib gəlib. Finalda da Yaponiya güləşçisi güclü tərəf idi. Yuki Takahaşi Kənan Quliyevlə görüşün birinci hissəsində dörd xal qazandı. Sonuncu, ikinci hissədə də dörd xal qazanan Tuki Takahaşi Sinqapur Olimpiadasının çempionu oldu.[20] Kənan Quliyev isə Yeniyetmələrin I Yay Olimpiya Oyunlarının gümüş medalçısı oldu.[21]

Elə həmin gün mübarizəyə Əli Məhəmmədəbirov qoşuldu. (100 kq.) çəki dərəcəsində yarışan Əli Məhəmmədəbirovun qrup mərhələsində birinci rəqibi Monqolustan güləşçisi Oyunbold Enxtugs idi. Həmin görüşdə Azərbaycan güləşçisi çətin qələbə qazandı. (1-ci hissə 1-0, 2-ci hissə 2-1). Qrup mərhələsinin növbəti, ikinci görüşündə Əli Məhəmmədəbirovun rəqibi güclü Gürcüstan güləşçisi Qeno Petriaşvili idi. Bu görüşdə də üstün tərəf Azərbaycan güləşçisi oldu. (2-0, 3-0). Qrup mərhələsinin sonuncu oyununda Əli Məhəmmədəbirov Amerika Samoasının nümayəndəsi Manuolefoaga Sualevai idi. Zəif rəqibinidə qalib gələn Azərbaycan güləşçisi Əli Məhəmmədəbirov, Sinqapur Olimpiadasının final görüşünə vəsiqə qazandı. Final görüşündə onun rəqibi Kuba güləşçisi Konyedo Ruano idi. Çətin və gərgin idman mübarizəsi şəraətində keçən görüşün finalında Əli Məhəmmədəbirov qalib gəldi. O birinci və ikinci hissələrdə bir xal qazandı və Yeniyetmələrin I Yay Olimpiya Oyunlarının qızıl medalını qazandı.[19] Bu medal Azərbaycanın Sinqapur Olimpiadasında beşinci qızıl medalı oldu.[21]

İdmançı Yarış Qrup mərhələsi Final Yer Medal
Kənan Quliyev 54 kq.
Kolumbiya Yerzon Hernandez
Q 2:0
Sinqapur Kester Leung
Q 3:0
Avstraliya Jayden Lavrense
Q 3:0
Yaponiya Yuki Takahaşi
M 0:2
2 Silver medal olympic.svg
Əli Məhəmmədəbirov 100 kq.
Monqolustan Oyunbold Enxtugs
Q 2:0
Gürcüstan Qeno Petriaşvili
Q 2:0
Amerika Samoası Manuolefoaga Sualevai
Q 3:0
Kuba Konyedo Ruano
Q 3:0
1 Gold medal olympic.svg

Qızlar

Patimat Baqomedova 52 kq. çəki dərəcəsində mübarizəyə 16 avqust tarixində "B" qrupunda qoşuldu. Qurban Qurbanovun rəhbərliyi altında Patimat Baqomedova birinci görüşündə Əlcəzair güləşçisi Sabrina Azzouz ilə üz-üzə gəldi. Həmin görüşün birinci hissəsində Patimat Baqomedova 7-0 hesablı qələbə qazandı. 2-ci hissədə isə 6-0 hesablı qələbə qazanan Patimat Baqomedova görüşdən qələbə ilə ayrıldı. Növbəti qarşılaşmada o Özbəkistanlı Nilüfər Qadayeva ilə qarşılaşdı. Özbəkistanlı rəqibilədə görüşdən Patimat Baqomedova qələbə ilə ayrıldı (3-0). Turun sonuncu görüşündə Patimat Baqomedova Quam idmançısı Arianna Eustaquio ilə üz-üzə gəldi. Zəif ada təmsilçisi ilə qarşılaşmadan Patimat Baqomedova tam qələbə ilə ayrıldı. (6-0, 7-0). Finala vəsiqə qazanan Patimat Baqomedovanın bu mərhələdə rəqibi Çin Xalq Respublikasının nümayəndəsi Yuan Yuan idi. Gərgin idman mübarizəsi şəraətində baş tutan görüşün birinci hissəsində Patimat Baqomedova 4-2 hesablı qələbə qazandı. 2-ci hissə isə daha gərgin alındı. Həmin hissədə qalib müəyyənləşməsədə (1-1), Patimat Baqomedova birinci hissədə əldə etdiyi üstünlük sayəsində Yeniyetmələrin I Yay Olimpiya Oyunlarının çempionu oldu.[22] Bu qızıl medal Azərbaycanın qazandığı sayca üçüncü qızıl medal idi. Onun şərəfinə Sinqapurda Azərbaycan Respublikasının Dövlət Himni səsləndirildi.[23]

İdmançı Yarış Qrup mərhələsi Final Yer Medal
Patimat Baqomedova 52 kq.
Əlcəzair Sabrina Azzouz
Q 3:0
Özbəkistan Nilüfər Qadayeva
Q 3:0
Quam Arianna Eustaquio
Q 3:0
Çin Yuan Yuan
Q 2:0
1 Gold medal olympic.svg

Canoeing (slalom) pictogram.svg Kanoe Slalom[redaktə | əsas redaktə]

Yeniyetmələrin I Yay Olimpiya Oyunlarında kanoe slalom idman növü üzrə yarışlar 25 avqust tarixləri arasında Sinqapurda yerləşən Marina gölündə keçirildi. Azərbaycanı bu idman növündə Radoslav Kutsev təmsil etdi.

Oğlanlar

Radoslav Kutsev Yohan Tsülkeninin məşqçiliyi altında Sinqapur Olimpiadasında mübarizəyə 25 avqust tarixində qoşuldu. O gediş yarışlarında 1.57.56 nəticə ilə 16 kanoeçi sırasında 7-ci yeri tutdu. Əsas mərhədə Radoslav Kutsevin birinci rəqibi Ermənistanlı Edgar Babayan idi. Edgar Babayanla görüşdən Azərbaycan təmsilçisi qələbə ilə ayrıldı.[24] Onun nəticəsi 1.45.31 oldu. 2-ci mərhələdə Azərbaycan kanoeçisi Radoslav Kutsev Polşa idmançısı Patrik Sokolla üz-üzə gəldi. Bu qarşılaşmadanda Radoslav Kutsev qələbə ilə ayrıldı və 1/4 final mərhələsinə (3-cü mərhələ) adladı.[25] Onun burada rəqibi güclü Ukrayna idmançısı Anatoli Melnik idi. Bu səfər Radoslav Kutsev uğurlu çıxışın ardını gətirə bilmədi və Anatoli Melnikə məğlub olaraq Sinqaur Olimpiadasında mübarizəni dayandırdı. Qeyd edək ki Ukrayna idmançısı Anatoli Melnik finalada Çin Xalq Respublikasının nümayəndəsinə məğlub olaraq bürünc medal qazandı.[26]

İdmançı Yarış Gediş 1 Mərhələ 2 Mərhələ 3 Mərhələ 4 Mərhələ Final Yer
Nəticə Yer
Radoslav Kutsev Bir nəfərlik slalom 1.57.56 7
Ermənistan Edgar Babayan
Q 1.54.31-2.06.43
Polşa Patrik Sokol
Q 1.53.53-1.56.59
Ukrayna Anatoli Melnik
M 1.59.31-1.48.36
mübarizəni dayandırdı 6

Canoeing (flatwater) pictogram.svg Kanoe Sprint[redaktə | əsas redaktə]

Yeniyetmələrin I Yay Olimpiya Oyunlarında kanoe sprint idman növü üzrə yarışlar 22 avqust tarixləri arasında Sinqapurda yerləşən Marina gölündə keçirildi. Azərbaycanı bu idman növündə Radoslav Kutsev təmsil etdi.

Oğlanlar

Radoslav Kutsev Yohan Tsülkeninin rəhbərliyi altında mübarizəyə 22 avqust tarixində qoşuldu.[27] Radoslav Kutsev gediş yarışlarında 1.49.89 nəticə ilə 16 idmançı sırasında 9-cu yeri tutdu. Daha sonra o əsas mərhələdə (1-ci mərhələdə) Moldova idmançısı Alexandru Tiganu ilə üz-üzə gəldi. Moldovalı rəqibi ilə qarşılaşmada Radoslav Kutsev finişə daha tez çatdı (1.48.33). Növbəti 2-ci mərhələyə vəsiqə qazanan Radoslav Kutsevin bu mərhələdə rəqibi Meksika nümayəndəsi Pedro Kastaneda idi. Bu səfər Azərbaycan idmançısı uğurun ardını gətirə bilmədi. O Meksika idmançından 5.52 saniyə gəri qalaraq məğlub oldu. Bu məğlubiyyətə baxmayaraq o ən yaxşı 8 idmançı sırasında adını yazdırdı və növbəti mərhələ vəsiqə qazandı.[28][29] Növbəti mərhələdə isə onun rəqibi Kubanı təmsil edən Osvaldo Kardenas idi.[30] Güclü Kuba idmançı ilə qarşılaşmadan Radoslav Kutsev 5.08 saniyə fərqlə məğlub ayrıldı və Sinqapur Olimpiadasında mübarizəni dayandırdı. Qeyd edək ki Sinqapur Olimpiadasında qızıl medalı elə Kuba idmançısı Osvaldo Kardenas qazandı.

İdmançı Yarış Gediş 1 Mərhələ 2 Mərhələ 3 Mərhələ 4 Mərhələ Final Yer
Nəticə Yer
Radoslav Kutsev Bir nəfərlik sprint 1.49.89 9
Moldova Alexandru Tiganu
Q 1.48.33-1.51.08
Meksika Pedro Kastaneda
M 1.54.97-1.49.45
Kuba Osvaldo Kardenas
M 1.52.31-1.47.23
mübarizəni dayandırdı 6

Taekwondo pictogram.svg Taeкvondo[redaktə | əsas redaktə]

Yeniyetmələrin I Yay Olimpiya Oyunlarında taekvondo idman növü üzrə yarışlar 15-19 avqust tarixləri arasında "Suntec Sinqapur" Beynəlxalq İdman Mərkəzində keçirildi. Azərbaycan bu idman növündə bir idmançı ilə təmsil olundu. Səbuhi İsmayılzadə 2010-cu ilin mart ayında Meksikanın Tixuan şəhərində baş tutan Dünya Olimpiya Təsnifat turnirində uğurlu çıxış etdi və Sinqapur Olimpiadasına vəsiqəni təmin etdi.[31][32]

Oğlanlar

Səbuhi İsmayılzadə Sinqapur Olimpiadasında mübarizəyə 18 avqust tarixində qoşuldu. Səbuhi Zülfüqarovun rəhbərliyi altında Səbuhi İsmayılzadə (-73 kq.) çəki dərəcəsində mübarizəyə 1/8 final mərhələsində qoşuldu. Onun rəqibi Surinam idmançısı Toş van Dijk idi. Səbuhi İsmayılzadə Surinamlı rəqibinə bir xal fərqlə uduzdu (6-7) və mübarizəni erkən dayandırdı.[33]

İdmançı Yarış 1/8 final 1/4 final 1/2 final Final Yer
Səbuhi İsmayılzadə -73 kq.
Surinam Toş van Dijk
M 6:7
mübarizəni dayandırdı 9

Yarışlardan sonra[redaktə | əsas redaktə]

Sinqapur Olimpiadasında bağlanış mərasimindən sonra, 28 avqust tarixində Azərbaycan nümayəndə heyəti vətənə döndü. Azərbaycan xalqı Sinqapurdan 5 qızıl və 3 gümüş medal qazanan Azərbaycan idmançılarını Heydər Əliyev Beynəlxalq Hava Limanında izdihamla qarşıladı. Qarşılanma mərasiminə Azərbaycan Milli Olimpiya Komitəsi, Gənclər və İdman Nazirliyinin rəsmi şəxsləri də qatıldı. Qarşılanma mərasmindən sonra nümayəndə heyəti Azərbaycan xalqının ümummilli lideri Heydər Əliyevin abidəsini ziyarət etdi.[34][35]

2 gün sonra isə, 30 avqust tarixində Yeniyetmələrin I Yay Olimpiya Oyunlarına qatılan Azərbaycan yığmasını Azərbaycan Respublikasının Prezidenti İlham Əliyev qəbul etdi. İlham Əliyev Azərbaycanın 204 ölkə sırasında 11-ci yeri tutmasını böyük qələbə kimi qiymətləndirdi.[36] Daha sonra yunan-roma güləşi üzrə məşqçi İlqar Abdulov və qızıl medal qazanan ağır atlet Nicat Rəhimov İlham Əliyevə Azərbaycan idmanına göstərdiyi qayğı və diqqətə görə minnətdarlığı bildirdi.[37][38]

Xarici кeçidlər[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 3 "Azərbaycan yığması Sinqapur Olimpiadasını 5 qızıl, 3 gümüş medalla başa vurdu". www.arxiv.az. İstifadə tarixi: 25 avqust 2010.
  2. "Azərbaycan idmançıları Yeniyetmələrin 1-ci Yay Olimpiya Oyunlarında qatılmağ üçün Sinqapura yola düşdü". www.azertag.az. İstifadə tarixi: 12 avqust 2010.
  3. "Nicat Rəhimov Gənclər arasında Avropa çempionu oldu". www.arxiv.az. İstifadə tarixi: 21 may 2010.
  4. "Nicat Rəhimov Sinqapurda Yeniyetmələrin I Yay Olimpiya Oyunlarının çempionudur". www.aaaf.net. İstifadə tarixi: 16 avqust 2010.
  5. "Bakıda Boks üzrə Gənclərin Dünya Çempionatı: iki boksçumuz qızıl medal qazandı". www.news.milli.az. İstifadə tarixi: 3 may 2010.
  6. "Bakıda Boks üzrə Gənclər arasında Dünya Çempionatı: iki boksçumuz qızıl medal qazandı". www.arxiv.az. İstifadə tarixi: 3 may 2010.
  7. "Azərbaycan boksçusu Salman Əlizadə Sinqapurda Yeniyetmələrin Yay Olimpiya Oyunlarının finalına vəsiqə qazandı". www.arxiv.az. İstifadə tarixi: 22 avqust 2010.
  8. "Yeniyetmələrin I Yay Olimpiya Oyunlarının növbəti günü başa çatdı". www.azertag.az. İstifadə tarixi: 21 avqust 2010.
  9. 1 2 "Elvin İsayev Yeniyetmələrin I Yay Olimpiya Oyunlarının yarım-final mərhələsinə vəsiqə qazandı". www.azertag.az. İstifadə tarixi: 21 avqust 2010.
  10. "Şaban Şahpələngov Sinqapur Olimpiadasında altıncı yeri tutdu". www.azerispirt.com. İstifadə tarixi: 23 avqust 2010.
  11. "Azərbaycanlı boksçu Salman Əlizadə Yeniyetmələrin I Yay Olimpiya Oyunlarının finalına vəsiqə qazandı". www.xeber.azeri.net. İstifadə tarixi: 22 avqust 2010.
  12. "Cüdoçu Cəlil Cəlilov Avropa Olimpiya Festivalının qalibi oldu". www.arxiv.az. İstifadə tarixi: 23 iyul 2009.
  13. "Cüdoçu Cəlil Cəlilov Avropa Olimpiya Festivalının qalibi oldu". www.azertag.az. İstifadə tarixi: 23 iyul 2009.
  14. "Cəlil Cəlilov Sinqapur Olimpiadasına vəsiqə qazandı". www.azertag.az. İstifadə tarixi: 5 avqust 2010.
  15. "Cəlil Cəlilov Sinqapur Olimpiadasında bürünc medalı əldən verdi". www.arxiv.az. İstifadə tarixi: 21 avqust 2010.
  16. "Azərbayca güləşçisi Patimat Baqomedova Sinqapur Olimpiya Oyunlarına lisenziya qazandı". www.azertag.az. İstifadə tarixi: 24 may 2010.
  17. "Azərbaycan Sinqapur Olimpiadasında beş güləşçi ilə təmsil olunacaq". www.azertag.az. İstifadə tarixi: 12 avqust 2010.
  18. "Azərbaycan güləşçisi Murad Bazarov Sinqapur Olimpiya Oyunlarının birinci qızıl medalını qazandı". www.azertag.az. İstifadə tarixi: 15 avqust 2010.
  19. 1 2 "Kənan Quliyev və Əli Məhəmmədəbirov Yeniyetmələrin Yay Olimpiya Oyunlarının finalına vəsiqə qazandı". www.azertag.az. İstifadə tarixi: 17 avqust 2010.
  20. "Kənan Quliyev Yeniyetmələrin Yay Olimpiya Oyunlarının gümüş medalını qazandı". www.azertag.az. İstifadə tarixi: 17 avqust 2010.
  21. 1 2 "Kənan Quliyev Yeniyetmələrin Yay Olimpiya Oyunlarının gümüş medalını qazandı". www.arxiv.az. İstifadə tarixi: 17 avqust 2010.
  22. "Patimat Baqomedova Sinqapurda keçirilən Olimpiya Oyunlarının finalına vəsiqə qazandı". www.arxiv.az. İstifadə tarixi: 16 avqust 2010.
  23. "Patimat Baqomedova Sinqapurda keçirilən Yeniyetmələrin Yay Olimpiya Oyunlarında qızıl medal qazandı". www.azertag.az. İstifadə tarixi: 15 avqust 2010.
  24. "Radoslav Kutsev Sinqapurda baş tutan Yeniyetmələrin Yay Olimpiya Oyunlarında kanoe slalom növündə 1/4 final mərhələsinə vəsiqə qazandı. Azərbaycan idmançısının üstələdiyi rəqiblər arasında Ermənistan təmsilçisi də var". www.azertag.az. İstifadə tarixi: 24 avqust 2010.
  25. "Azərbaycan kanoeçisi Yeniyetmələrin Yay Olimpiya Oyunlarının 1/4 final mərhələsinə vəsiqə qazandı". www.trend.az. İstifadə tarixi: 24 avqust 2010.
  26. "Azərbaycan idmançısı Sinqapurda Yeniyetmələrin I Yay Olimpiya Oyunlarında 1/4 final mərhələsinə adladı". www.news.milli.az. İstifadə tarixi: 24 avqust 2010.
  27. "21 avqust tarixində Yeniyetmələrin I Yay Olimpiya Oyunlarında beş Azərbaycan idmançısı mübarizəyə qoşulacaq". www.azertag.az. İstifadə tarixi: 20 avqust 2010.
  28. "Azərbaycan kanoeçisi Sinqapurda baş tutan Yeniyetmələrin Yay Olimpiya Oyunlarının iki mərhələsini geridə qoydu". www.azertag.az. İstifadə tarixi: 21 avqust 2010.
  29. "Azərbaycan kanoeçisi Sinqapurda Yeniyetmələrin Yay Olimpiya Oyunlarında tarix yazdı, Radoslav Kutsev 1/4 final mərhələsinə vəsiqə qazandı". www.azertag.az. İstifadə tarixi: 21 avqust 2010.
  30. "Azərbaycan kanoeçisi Radoslav Kutsev Sinqapur Olimpiadasında 1/4 final mərhələsinə vəsiqə qazandı". www.azerisport.com. İstifadə tarixi: 21 avqust 2010.
  31. "Azərbaycanlı taekvondoçu Yeniyetmələrin Yay Olimpiya Oyunlarına lisenziya qazandı". www.anspress.com. İstifadə tarixi: 4 mart 2010.
  32. "Azərbaycanlı taekvondoçu Olimpiya Oyunlarına lisenziya qazandı". www.anspress.com. İstifadə tarixi: 4 mart 2010.
  33. "Azərbaycan taekvondoçusu Yeniyetmələrin Yay Olimpiya Oyunlarının medalı uğrunda mübarizəni dayandırdı". www.azertag.az. İstifadə tarixi: 18 avqust 2010.
  34. "Sinqapur Olimpiadasında çıxış edən Azərbaycan idmançıları və nümayəndə heyəti Bakıya qayıtdı". www.xalqqazeti.com. İstifadə tarixi: 29 avqust 2010.
  35. "Azad Rəhimov: Azərbaycan idmançılarının Sinqapur Olimpiadasında uğurları Azərbaycanda uşaq idmanının inkişafını təsdiq etdi". www.trend.az. İstifadə tarixi: 28 avqust 2010.
  36. "İlham Əliyev Yeniyetmələrin I Yay Olimpiya Oyunlarında çıxış edən idmançıları və mütəxəssisləri qəbul etdi". www.prezident.az. İstifadə tarixi: 30 avqust 2010.
  37. "Prezident İlham Əliyev Sinqapurda keçirilən Yeniyetmələrin I Yay Olimpiya Oyunlarında çıxış edən idmançıları və mütəxəssisləri qəbul etdi". www.azertag.az. İstifadə tarixi: 30 avqust 2010.
  38. "Prezident İlham Əliyev: "Sinqapurda keçirilən Yeniyetmələrin I Yay Olimpiya Oyunlarında qazanılan inamlı qələbə Azərbaycan idmanının təntənəsidir"". www.arxiv.az. İstifadə tarixi: 30 avqust 2010.