Patimat Bəhəmmədova
Patimat Bəhəmmədova | |
---|---|
![]() | |
Şəxsi məlumatlar | |
Tam adı | Patimat Bəhəmmədova |
Vətəndaşlığı |
![]() ![]() |
Doğum tarixi | |
Doğum yeri | Mahaçqala, Rusiya |
Boyu | 155 sm. (5 ft 6 in) |
İdman növü | Güləş |
Karyera illəri | 2003—2016 |
Məşqçisi | Məhəmməd Əliömərov |
Patimat Aydəmirməhəmmədovna Bəhəmmədova (6 avqust 1993, Mahaçqala) — Azərbaycanı təmsil edən qadın güləşçi.[1]
Karyerası
[redaktə | mənbəni redaktə et]Patimat Bəhəmmədova 2008-ci ildə Latviyanın Dauqavpils şəhərində yeniyetmələr arasında Avropa Çempionatını gümüş medalla başa vurdu.[1] 2010-cu ildə Azərbaycan Güləş Federasiyası (AGF) tərəfindən Patimat Bəhəmmədova qadın güləşi üzrə Azərbaycan yığmasının heyətinə cəlb edildi.[1]
Patimat Bəhəmmədova 2010-cu ildə Bolqarıstanda yeniyetmələr arasında Avropa Çempionatının bürünc medalına sahib oldu.[1] Həmin ilin avqustunda isə Patimat Bəhəmmədova Sinqapurda baş tutan Yeniyetmələrin I Yay Olimpiya Oyunlarında mübarizə apardı.[2] -52 Kq. turnirində mübarizə aparan Patimat Bəhəmmədova qrup mərhələsinin birinci görüşdə Əlcəzair nümayəndəsi Sabrina Azzuz ilə üz-üzə gəldi.[3] Həmin görüşdə Patimat Bəhəmmədova rəqibinə qalib gəldi — 2:0 (7:0, 6:0).[3] Növbəti görüşdə isə onun rəqibi Özbəkistan nümayəndəsi Nilüfər Qadayeva oldu.[3] Bu görüşdə Patimat Bəhəmmədova rəqibi üzərində təmiz qələbə qazandı.[3] Qrup mərhələsinin sonuncu görüşündə isə Patimat Bəhəmmədova Quam nümayəndəsi Arianna Estaquo ilə üz-üzə gəldi və rəqibinə 2:0 (6:0, 7:0) hesabı ilə qalib gəldi. Bununla da Patimat Bəhəmmədova qrup mərhələsini birinci pillədə başa vurdu və Sinqapur Olimpiadasının final görüşnə vəsiqə qazandı.[3] Həlledici görüşdə onun rəqibi Çin nümayəndəsi Yuan Yuan oldu.[3] Gərgin idman mübarizəsi şəraitində baş tutan final görüşündə də qalib gələn tərəf Patimat Bəhəmmədova oldu — 2:0 (4:2, 1:1).[3] Bununla da Patimat Bəhəmmədova Yeniyetmələrin I Yay Olimpiya Oyunlarının qızıl medalına sahib oldu.[1][3] Həmin ilin sentyabrında Patimat Bəhəmmədova Rusiyada Dünya Çempionatında mübarizə apardı və debüt Dünya Çempionatını beşinci pillədə başa vurdu.[1]
2011-ci ildə İsveçdə Klippan Lady Openi bürünc medalla, Serbiyada isə gənclər arasında Avropa Çempionatını gümüş medalla başa vuran Patimat Bəhəmmədova 2011-ci ilin sentyabrında İstanbul şəhərində baş tutan Dünya Çempionatının bürünc medalına sahib oldu.[1] 2012-ci ildə Kiyev şəhərində Kiyev Turnirinin qalibi, Almaniyada isə Almaniya Qran-Prisinin bürünc medalına sahib olan Patimat Bəhəmmədova iyunda Xorvatiyada gənclər arasında Avropa Çempionatını gümüş medalla başa vurdu.[1] Həmin ilin sentyabrında Patimat Bəhəmmədova həm də Kanadada Dünya Çempionatını beşinci pillədə başa vurdu.[1]
Patimat Bəhəmmədova 2013-cü ildə ərzində Bolqarıstanda D. Kolov - N. Petrov Turnirinin və KYRM-da gənclər arasında Avropa Çempionatının qızıl medallarına sahib oldu.[1] Həmin il Patimat Bəhəmmədova həm də Tbilisi şəhərində (Gürcüstan) baş tutan Avropa Çempionatını bürünc medalla, Kazan şəhərində (Rusiya) baş tutan Universiada Oyunlarını isə gümüş medalla başa vurdu.[1]
2014-2016-cı illərdə beynəlxalq turnirlərdə ciddi uğurlara imza ata bilməyən Patimat Bəhəmmədova 2016-cı ildə idmanla vidalaşdı.[1]
Nəticələri
[redaktə | mənbəni redaktə et]![]() | ||||
Yeniyetmələrin Avropa Çempionatı | ![]() |
|||
![]() | ||||
Gənclərin Avropa Çempionatı | ![]() |
|||
Yeniyetmələrin Olimpiya Oyunları | ![]() |
|||
Dünya Çempionatı | ![]() |
|||
Klippan Lady Open | ![]() |
|||
Gənclərin Avropa Çempionatı | ![]() |
|||
Gənclərin Dünya Çempionatı | ![]() |
|||
Dünya Çempionatı | ![]() |
|||
Kiyev Turniri | ![]() |
|||
Avropa Çempionatı | ![]() |
|||
Almaniya Qran-Prisi | ![]() |
|||
Gənclərin Avropa Çempionatı | ![]() |
|||
Gənclərin Dünya Çempionatı | ![]() |
|||
Dünya Çempionatı | ![]() |
|||
D. Kolov - N. Petrov Turniri | ![]() |
|||
A. Medvedv Turniri | ![]() |
|||
Avropa Çempionatı | ![]() |
|||
Gənclərin Avropa Çempionatı | ![]() |
|||
Universiada Oyunları | ![]() |
|||
Gənclərin Dünya Çempionatı | ![]() |
|||
Klippan Lady Open | ![]() |
|||
Avropa Çempionatı | ![]() |
|||
Qızıl Qran-Pri | ![]() |
|||
U23 Avropa Çempionatı | ![]() |
|||
Qızıl Qran-Pri | ![]() |
İstinadlar
[redaktə | mənbəni redaktə et]- ↑ 1 2 3 4 5 6 7 8 9 10 11 12 International Wrestling Database. "PATIMAT BAGOMEDOVA". www.iat.uni-leipzig.de (ingilis). 2022-08-04. 2022-05-15 tarixində arxivləşdirilib. İstifadə tarixi: 04.08.2022.
- ↑ Azerisport.com idman portalı. "Патимат Багомедова начнет с алжирки". www.azerisport.com ( (rus.)). 01.11.2022. 2022-10-31 tarixində arxivləşdirilib. İstifadə tarixi: 01.11.2022.
- ↑ 1 2 3 4 5 6 7 8 Azerisport.com idman portalı. "Патимат Багомедова приносит Азербайджану третье «золото» Олимпиады (ОБНОВЛЕНО)". www.azerisport.com ( (rus.)). 01.11.2022. 2022-10-31 tarixində arxivləşdirilib. İstifadə tarixi: 01.11.2022.
- Yaşayan insanlar
- 6 avqustda doğulanlar
- 1993-cü ildə doğulanlar
- Əlifba sırasına görə idmançılar
- Mahaçqalada doğulanlar
- Azərbaycanın qadın güləşçiləri
- 2010 Yeniyetmələrin Yay Olimpiya Oyunlarında güləşçilər
- 2010 Yeniyetmələrin Yay Olimpiya Oyunlarında medal qazananlar
- Yeniyetmələrin Olimpiya medalına sahib Azərbaycan idmançıları
- Güləş üzrə Dünya Çempionatının medalçıları
- Güləş üzrə Avropa Çempionatının medalçıları
- Azərbaycanın Rusiyadan milliləşdirilən idmançıları