Azərbaycan Sosial Rifah Partiyası

Azərbaycan Sosial Rifah Partiyası
Sədri	Əsli Kazımova
Qurucu	Xanhüseyn Kazımlı
Quruluş tarixi	4 avqust 1995
Qeydiyyat tarixi	4 avqust 1995
Dağılma tarixi	23 mart 2023
Baş qərargah	Təbriz 92, Nərimanov ray.
Üzvlüyü	Məşvərət Məclisi (1997-?)

Azərbaycan Sosial Rifah Partiyası və ya qısaca ASRP — Xanhüseyn Kazımlı tərəfindən qurulan və 1995-ci il avqustun 4-də dövlət qeydiyyatına alınmış, 23 mart 2023-cü ildə fəaliyyətini dayandırmış siyasi partiya. ASRP 2000–2020-ci illərdə Milli Məclisdə təmsil olunub. ASRP sədri 1995–2020-ci illərdə Xanhüseyn Kazımlı, 2020–2023-cü illərdə isə onun qızı Əsli Kazımova olmuşdur.

Tarixi

1994-cü ildən İqtisadiyyat Nazirliyi Baş Qiymətlər İdarəsinin rəisi olan Xanhüseyn Kazımlı qurucusu olduğu Azərbaycan Sosial Rifah Partiyası (ASRP) 1995-ci il avqustun 4-də Ədliyyə Nazirliyində dövlət qeydiyyatına alındı.

Yeni qurulan Azərbaycan Sosial Rifah Partiyası üç il sonra, 1998-ci ildə baş tutan prezident seçkilərində mübarizə apardı.^{[mənbə göstərilməlidir]} ASRP sədri Xanhüseyn Kazımlı, 8 254 səslə, yəni 0,30 %-lə altı namizəd sırasında sonuncu, 6-cı pillədə qərarlaşdı.

Azərbaycan Sosial Rifah Partiyası 2000-ci il noyabrın 11-də baş tutan parlament seçkilərində mübarizə apardı.^{[mənbə göstərilməlidir]} 58 saylı Biləsuvar dairəsindən namizədliyini irəli sürən ASRP sədri Xanhüseyn Kazımlı, qalib gəldi və Milli Məclisin deputatı seçildi.

Azərbaycan Sosial Rifah Partiyası 5 il sonra, 2005-ci il noyabrın 6-da baş tutan parlament seçkilərində də mübarizə apardı.^{[mənbə göstərilməlidir]} 66 saylı Biləsuvar dairəsindən namizədliyini irəli sürən ASRP sədri Xanhüseyn Kazımlı, növbəti dəfə qalib gəldi və Milli Məclisin deputatı seçildi.

ASRP sədri Xanhüseyn Kazımlı növbəti illərdə də, 2010-cu il noyabrın 7-da baş tutan və 2015-ci il noyabrın 1-də baş tutan parlament seçkilərində də qalib gəldi və 20 il Milli Məclisin deputatı oldu.

2020-ci il iyulun 15-də Azərbaycan Sosial Rifah Partiyasının IX Qurultayı baş tutdu. COVID-19 pandemiyasına görə online formada baş tutan qurultayda ASRP sədri, sədr müavinləri, Nəzarət və Təftiş Komissiyasının üzvləri seçildi. ASRP sədrinin qızı, ASRP sədrinin birinci müavini Əsli Kazımova, Azərbaycan Sosial Rifah Partiyasının 2-ci sədri seçildi.^{[mənbə göstərilməlidir]}

Azərbaycan Sosial Rifah Partiyası 23 mart 2023-cü ildə bəyanət yayaraq partiyanın özünü buraxdığını elan etmişdir.

Sədrləri

Sıra	Foto	Sədr	Səlahiyyət müddəti
			Başlama tarixi	Bitmə tarixi
1.		Xanhüseyn Kazımlı	4 avqust 1995	14 iyul 2020
2.		Əsli Kazımova	14 iyul 2020	23 mart 2023

Nəticələri

Parlament

Seçki	Sədr	Majoritar			Proporsional			Cəmi
		Səs	%	Mandat	Səs	%	Mandat
1995	Xanhüseyn Kazımlı			0 / 100	—	—	—	0 / 125
2000				1 / 100	—	—	—	1 / 125
2005				1 / 125	—	—	—	1 / 125
2010		18.074	0.76	1 / 125	—	—	—	1 / 125
2015		22 004	0.77	1 / 125	—	—	—	1 / 125
2020				0 / 125	—	—	—	0 / 125

Ara seçkilər

Seçki	Sədr	Nəticə
		Səs	%	Mandat
may 1999	Xanhüseyn Kazımlı	36 935	91.03	1 / 1

Bələdiyyə

Azərbaycan Sosial Rifah Partiyası yarandığı tarixdən etibarən bütün bələdiyyə seçkilərində iştirak etmişdir. 2019–2023-cü illərdə bir neçə bələdiyyədə üzvləri olmuşdur. Həmçinin Yevlax bələdiyyəsi və Balaxanı bələdiyyəsinin sədrləri Azərbaycan Sosial Rifah Partiyasının üzvləri olmuşdur.

Seçki	Sədr	Səs			Yer
		#	%	±
1999	Xanhüseyn Kazımlı
2004
2009					133 / 15.591
2014
2019

Ara bələdiyyə seçkiləri

Seçki	Sədr	Səs		Bələdiyyə üzvü
		#	%
2006	Xanhüseyn Kazımlı			9 / 1.901
2011

Qərargah

Azərbaycan Sosial Rifah Partiyasının qərargahı Nərimanov rayonunda Təbriz Küç. 92 ünvanında yerləşirdi.