Behbud ağa Şahtaxtinski

Behbud ağa Şahtaxtinski
Zaqafqaziya Ali Arbitraj Komissiyasının üzvü
Vəzifədədir
1923-cü ildən
Naxçıvan SSR Xalq Komissarları Şurasının sədri
yanvar 1922 – 3 mart 1922
Əvvəlki	Abbas Qədimov
Sonrakı	Teymur Əliyev
Azərbaycan SSR Xalq Komissarları Sovetinin sədr müavini
Noyabr 1921 – ?
Azərbaycan SSR xalq fəhlə-kəndli müfəttişliyi komissarı
21 iyun 1920 – ?
Əvvəlki	Dadaş Bünyadzadə
Azərbaycan SSR-in RSFSR-dəki fövqəladə və səlahiyyətli nümayəndəsi
15 iyul 1920 – ?
Azərbaycan SSR xalq ədliyyə və əmək komissarı
12 iyun 1920 – 21 iyun 1920
Əvvəlki	Əliheydər Qarayev
Sonrakı	Vəzifə ləğv edildi.
Naxçıvan Qaçqınlar Komitəsinin sədri
Dekabr 1918 – İyun 1920
Hümmət Partiyası (bolşeviklər) Mərkəzi Komitəsinin sədri
11 iyun 1918 – Sentyabr 1918
Hümmət Partiyası (bolşeviklər) Mərkəzi Komitəsinin sədr müavini
7 yanvar 1918 – 11 iyun 1918
Şəxsi məlumatlar
Doğum tarixi	1881(1881)
Doğum yeri	Şahtaxtı, Naxçıvan qəzası, İrəvan quberniyası, Rusiya imperiyası və ya İrəvan quberniyası, Rusiya imperiyası
Vəfat tarixi	30 may 1924(1924-05-30) (42–43 yaşında)
Vəfat yeri	Tiflis, Tiflis qəzası, Gürcüstan Sovet Sosialist Respublikası[d], ZSFSR, SSRİ
Dəfn yeri	Görkəmli Azərbaycanlılar panteonu
Fəaliyyəti	diplomat, siyasətçi
Vikianbarda əlaqəli mediafayllar

Behbud ağa Şahtaxtinski (1881, Şahtaxtı, Naxçıvan qəzası və ya İrəvan quberniyası – 30 may 1924, Tiflis) — Azərbaycan ictimai-siyasi xadimi və diplomat.

Haqqında

Behbud ağa Şahtaxtinski 1905–1907-ci illərdə Bakıda kontor qulluqçuları ittifaqının yaradılmasında və fəaliyyətində iştirak etmişdir. 1917–1918-ci illərdə Bakı Soveti İcraiyyə Komitəsinin, Bakı Xalq Komissarları Soveti fövqəladə komissiyasının üzvü, Hümmət Partiyası Mərkəzi Komitəsinin sədri olmuşdur.

Behbud ağa Şahtaxtinski 1918-ci ilin mayında Bakı qəzası kəndli deputatları sovetlərinin qurultayında 15 nəfərdən ibarət İcraiyyə Komitəsinin heyətinə daxil edilmiş və şəxsən kəndlərdə yaranan hakimiyyət orqanlarının işinin düzgün təşkilinə ciddi səy göstərərək, kəndli sovetlərinin canlanıb qüvvətlənməsində yaxından iştirak etmişdir. 1918-ci ilin avqust-sentyabr aylarında Bakıda Sentrokaspi Diktaturası hakimiyyət uğrunda mübarizə apararkən Bakını müdafi edən Behbud ağa Şahtaxtinski həbs olunmuş, bir neçə vaxtdan sonra Bakıdan Gəncəyə göndərilmiş və 3 ay həbsdə qaldıqdan sonra azad olunub Naxçıvana gəlmişdir.

1920-ci ildə Azərbaycanda sovet hakimiyyəti qurulandan sonra xalq ədliyyə komissarı, eyni zamanda Azərbaycan SSR-in RSFSR-də fövqəladə nümayəndəsi idi. 1920-ci ilin iyul-sentyabrında Azərbaycan haqqında, habelə Qafqaz, Türkiyə və İrandakı vəziyyətlə əlaqədar Vladimir Leninə ətraflı məruzə təqdim etmişdi. RSFSR ilə Azərbaycan SSR arasında hərbi-iqtisadi ittifaq haqqında müqaviləni Vladimir Lenin və Behbud ağa Şahtaxtinski 1920-ci ilin 30 sentyabr tarixində imzalamışdılar.

Kommunist İnternasionalın 2-ci konqresinə nümayəndə seçilmişdi.

Behbud ağa Şahtaxtinski 1921–1924-cü illərdə Naxçıvan İnqilab Komitəsinin, Naxçıvan Muxtar Sovet Sosialist Respublikası Xalq Komissarları Sovetinin sədri, Azərbaycan SSR Xalq FKM komissarı, Xalq Komissarları Soveti sədrinin müavini və s. kimi vəzifələrdə çalışmışdır.

Moskva və Qars müqavilələrinin bağlanmasında Şahtaxtinskinin böyük xidməti olmuşdur. Qars müqaviləsini Azərbaycan SSR adından Behbud ağa Şahtaxtınski imzalamışdır.

1924-cü ildə Tiflisdə vəfat etmişdir və köhnə müsəlman qəbiristanlığında (hazırda Görkəmli Azərbaycanlılar panteonu ərazisi) dəfn olunmuşdur.

Həmçinin bax

• Şahtaxtinskilər

Xarici keçidlər

• Sevda İsmayıllı. "«Qars müqaviləsi» belə imzalandı və ya Beriyanın güllələdiyi adam" (az.). azadliq.org. 13 oktyabr 2014. İstifadə tarixi: 20 oktyabr 2014.