Dedpul (film, 2016)

Vikipediya, açıq ensiklopediya
Jump to navigation Jump to search
Dedpul
Deadpool poster.jpg
Orijinal ad: Deadpool
Rejissor: Tim Miller
Əsərin müəllifi: Fabian Nikenza
Rob Lifild
Prodüser: Louren Şoler Donner
Simon Kinberq
Rayan Reynolds
Rollarda: Rayan Reynolds
Morena Bakkarin
Ed Skreyn
Ti Cey Miller
Cina Karano
Brayan Hildbrend
Andre Trisoto
Lesli Uqqams
İlk baxış tarixi: 12 fevral 2016
Dil: ingilis
Ölkə: ABŞ
İstehsalçı qurum: 20th Century Fox
Filmin növü: super qəhrəmanlıq
fantastika
Rəng: rəngli
İl: 2016

Dedpul (ing. Deadpool) — 2016-cı ildə tamamlanacaq ABŞ istehsalı super qəhrəman filmi. Film eyniadlı Marvel Comics personajının sərgüzəştlərindən bəhs edir. 20th Century Fox tərəfindən çəkilən "İks-adamlar" seriyasının 8-ci filmidir. Tim Millerin rejissoru olduğu filmin baş rollarında Rayan Reynolds, Morena Bakkarin, Ed Skreyn, Ti Cey Miller, Cina Karano, Brayan Hildbrend, Andre Trisoto və Lesli Uqqams oynayır. Filmin çəkilişləri 2015-ci ilin yayında başlayıb. Filmin mövzusuna görə filmin baş qəhrəmanı Dedpul üzərində dəhşətli təcrübələr apararaq onun həyatını məhv edən insanları ovlayır.

Film üzərində ilk işlər 2004-cü ilin fevralında New Line Cinema tərəfindən başladılmışdır. 2005-ci ilin fevralında 20th Century Fox bu layihə ilə maraqlanmışdır. 2009-cu ilin mayında film üçün ssenari yazılmağa başlanmış, 2011-ci ilin aprelində isə Tim Miller filmin rejissoru olmuşdur. Filmin set dövrü Kanadanın Vankuver şəhərində 2015-ci ilin martında başlayıb mayında bitmişdir.

"Dedpul" filmi Şimali Amerikada 12 fevral 2016-cı ildən kinoteatrlarda göstərilib.

Məzmun[redaktə | əsas redaktə]

Filmdəki hekayələr Marvel Comics personajı Dedpulun başına gələn hekayələr əsasında yazılmışdır. Ueyd Uilsonun üzərində dəhşətli təcrübələr aparılır, onun psixikası korlanır, tam bir manyaka çevrilir. Bundan əlavə tez sağalma qabiliyyəti və çeviklik qazanır. Dedpul adını alaraq onun həyatını məhv edən insanların dalınca düşür. Filmdə Dedpulun baş düşməni Ayaksdır.

Rollarda[redaktə | əsas redaktə]

Aktyor Rol
Rayan Reynolds Ueyd Uilson / Dedpul[1] Ueyd Uilson / Dedpul[1]
Morena Bakkarin Vanessa / Kopiket[2] Vanessa / Kopiket[2]
Ed Skreyn Fransis / Ayaks[3] Fransis / Ayaks[3]
Ti Cey Miller Cek Hammer / Gəlincik[4] Cek Hammer / Gəlincik[4]
Cina Karano Anhel Dast Anhel Dast
Brayan Hidlbrend Elli Fimister / Negasonic Teenage Warhead[5] Elli Fimister / Negasonic Teenage Warhead[5]
Andre Trisoto Pyotr Rasputin / Koloss Pyotr Rasputin / Koloss
Lesli Uqqams Blind Ol[6] Blind Ol[6]

Marvel Comicsin məşhur komiksçisi Sten Li[7]Dedpul personajının yaradıcısı Rob Lifildin filmdə kameo görüntüsü olacaqdır.[8]

Hazırlanması[redaktə | əsas redaktə]

Filmdən bir səhnə

2000-ci ilin mayında Artisan Entertainment Marvel Comicslə ortaq Dedpul filminin çəkiləcəyini bildirsə də, bu layihə baş tutmamışdır. 2004-cü ilin fevralında Devid Qoyerin rejissoru olduğu və baş rolunda Rayan Reynoldsun oynadığı bir Dedpul filminin çəkilməsi layihəsinə girişdi. Amma avqust ayında Qoyer bu layihədən imtina etdi. 2005-ci ilin martında 20th Century Fox bu layihə ilə maraqlanmağa başladı. İlk addım olaraq 20th Century Fox 2009-cu ildə çəkdiyi "İks-adamlar: Başlanğıc. Rosomaxa" filmində sadəcə Ueyd Uilson personajına yer verdi, Dedpula aid mesaj verdi. Filmin produsseri Louren Şoler Donner bildirmişdi ki, Dedpulun tez-tez komikslərdə 4-cü divarı sındırması filmdə problem yarada bilərdi. 2010-cu ilin yanvarında Ret Riz və Pol Vernik film üçün ssenari yazmağa başladılar. 2011-ci ilin aprelində Tim Miller filmin rejissoru təyin olundu. 2014-cü ilin sentyabrında filmin 2016-cı ilin 12 fevralında kinoteatrlarda göstəriləcəyi açıqlanmışdır.

Aktyor seçimi[redaktə | əsas redaktə]

2014-cü ilin dekabrında Rayan Reynolds Dedpul rolu üçün seçilmişdir. 2015-ci ilin yanvarında Tim Miller Ed Skeyn ilə filmdə oynaması üçün danışmışdır. Fevral ayında Cina Karano Anhel Drast rolu üçün, Miller və Morena Bakkarin isə hələlik rolları bəlli olmadan filmin aktyor heyətinə daxil edilmişdirlər. Bakkarinin rolu üçün Teylor Şillinq, Kristal Rid, Rebekka Rettenhauz, Sara Qrin və Cessika De Qou da namizəd olmuşdu. Bir aydan sonra Brayan Hidlbrendin Negasonic Teenage Warhead rolunu oynayacağı məlum olmuşdur. Aprel ayında Ed Skeynə Ayaks rolu verilmişdir. İyul ayında isə Lesli Uqaamsın Blind Ol rolunu oynacağı təsdiqlənmişdir. Koloss rolunu əvvəlki İks-adamlar filmlərində ifa edən Daniel Kudmorun əvəzinə Andre Tristo bu rolu candıracaqdır.

Gələcək[redaktə | əsas redaktə]

Tim Miller gələcəkdə 2-ci Dedpul filminin çəkilməsi halında filmdə Kabel personajının yer ala biləcəyini bildirmişdir.[9]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Dedpul (film, 2016) ilə əlaqəli mediafayllar var.