Elşən Səmədov

Elşən Səmədov
Elşən Səlim oğlu Səmədov
Doğum tarixi	20 iyul 1997(1997-07-20)
Doğum yeri	Şamaxı, Azərbaycan
Vəfat tarixi	2 aprel 2016 (18 yaşında)
Vəfat yeri	Azərbaycan
Vətəndaşlığı	Azərbaycan
Mənsubiyyəti	A.R. Silahlı Qüvvələri
Qoşun növü	A. R. Quru Qoşunları
Rütbə	Əsgər
Təltifləri

Elşən Səlim oğlu Səmədov (d. 20 iyul 1997; Şamaxı, Azərbaycan - ö. 2 aprel 2016; Azərbaycan) — Azərbaycan Silahlı Qüvvələrinin əsgəri. O, 2016-cı ildə Aprel döyüşləri zamanı şəhid olub və ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.

Həyatı

Elşən Səmədov 1997-ci il 20 iyulda Şamaxı rayonunun Göylər qəsəbəsində anadan olub.

Hərbi xidməti

Əsgər Elşən Səmədov, 2016-cı ilin aprel ayında Azərbaycan-Ermənistan təmas xəttində baş verən döyüşlər zamanı qəhrəmancasına şəhid oldu.

Aprelin 9-da isə Elşən Səmədov, doğulduğu Şamaxı rayonunun Göylər qəsəbəsində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və əsgər Elşən Səmədov uğrunda şəhid olduğu torpağa tapşırıldı.

Elşən Səmədov ölümündən sonra göstərdiyi qəhrəmanlığa görə Azərbaycan Prezidenti İlham Əliyevin Sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.