Erməni məhəlləsi

Vikipediya, azad ensiklopediya
Jump to navigation Jump to search

Erməni məhəlləsi (ərəb. حارة الأرمن‎‎; ivr. הַרֹבַע הַאַרְמֶנִי‎‎) — Yerusəlimdə (Qüds) olan köhnə şəhərin dörd məhəlləsindən biri.[1]

Tarixi[redaktə | mənbəni redaktə et]

Zəmin[redaktə | mənbəni redaktə et]

Tarixçilərə görə, ermənilər IV əsrdə xristianlığı qəbul etdikdən sonra Yerusəlim şəhərinə gəlmiş və orada erməni məhəlləsi qurmuşdur. Erməni məhəlləsi şəhər ilə birlikdə müxtəlif dövrlərdə Bizans, Xilafət, Osmanlı, Britaniya və başqa imperiyaların hakimiyyəti altında qalmışdır. Buna baxmayaraq, 1948-ci ildə baş tutan Ərəb-İsrail müharibəsi nəticəsində şəhər 2 hissəyə bölünmüşdür. Erməni məhəlləsinin də yerləşdiyi Şərqi Yerusəlim nəticədə İordaniyanın nəzarətinə keçmişdir. 1967-ci ildə baş tutmuş Altı günlük müharibə nəticəsində İsrail qüvvələri Şərqi Yerusəlimi ələ keçirmişdir. Ermənilərin böyük əksəriyyəti İsrail vətəndaşlığını qəbul etsə də, ərəb ökələrinə səyahət şanslarını itirməmək üçün hələ də İordaniya pasportlarını saxlamaqla erməni məhəlləsində yaşayırlar.[2]

İndiki dövrdə[redaktə | mənbəni redaktə et]

Erməni məhəlləsi ağlama divarına gedən əsas yollardan biri üzərində yerləşir. Buna görə də burada mütəmadi olaraq etnik-dini zəmində qarşıdurmalar müşahidə olunur. Bu qarşıdurmalar, əsasən, milli və ya etnik kimliyini digərlərindən üstün tutan müəyyən qruplar arasında baş verir.[2]

2019-cu ilin iyununda erməni məhəlləsində təxminən 60 nəfər erməni gənc 3 yəhudiyə hücum etmişdir. Hücuma səbəb kimi yəhudilərin erməniləri təhqir etməsini iddia etmişdi. Buna baxmayaraq, İsrail polisi sonradan hücumu təşkil edən erməniləri həbs etmişdir.[3] 2021-ci ilin mayında üç İsrail yəhudisi Yerusəlimdəki bir erməni keşişinə hücum etmişdir. Yerusəlim Erməni Patriarxlığı polisə şikayət etmiş, nəticədə hücum edənlər saxlanılmışdır.[4]

İstinadlar[redaktə | mənbəni redaktə et]

  1. The Four Quarters of the Old City
  2. 1 2 Məmmədov, Elvin (28 iyul 2021). "Qüdsdə erməni problemi varmı?". Politicon.co (azərb.). Topçubaşov Mərkəzi. İstifadə tarixi: 14 sentyabr 2021. İbrahimi dinlərin ortaq müqəddəs şəhəri ...
  3. Yoel, Ari (18 iyun 2019). "לינץ' ברובע הארמני; 60 צעירים תקפו 3 יהודים". לסרוגים בע"מ (ivrit). İstifadə tarixi: 14 sentyabr 2021.
  4. "Three Arrested in Attack on Armenian Priest in Jerusalem". The Armenian Mirror-Spectator (ingilis). 20 may 2021. İstifadə tarixi: 14 sentyabr 2021.