Hüseynağa Sadıqov (diplomat)
| Hüseynağa Sadıqov Hüseynağa Musa oğlu Sadıqov |
||||
 |
||||
|
||||
|---|---|---|---|---|
| 18 oktyabr 1991 — 29 may 1992 | ||||
| Sələfi: | vəzifə təsis edilib | |||
| Xələfi: | Tofiq Qasımov | |||
|
||||
| 23 yanvar 1988 — 18 oktyabr 1991 | ||||
| Sələfi: | Elmira Qafarova | |||
| Xələfi: | vəzifə ləğv edilib | |||
| Doğum tarixi: | 14 mart 1940 | |||
| Doğum yeri: | Bakı,  Azərbaycan SSR |
|||
Sadıqov Hüseynağa Musa oğlu — Azərbaycan Xarici İşlər naziri (23.01.1988 - 29.05.1992).
Həyatı[redaktə | əsas redaktə]
Hüseynağa Sadıqov 1940-cı ilin mart ayının 14-də Bakı şəhərində anadan olmuşdur.
1958‐ci ildə Bakı şəhər 132№‐li orta məktəbi bitirmişdir.[1]
1963-cü ildə M. F. Axundov adına Azərbaycan Xarici Dillər İnstitutunun Avropa dilləri fakültəsini bitirmişdir. İnstitutun nəzdində aspiranturada oxumuşdur. Eyni zamanda Ümumittifaq İnturist Səhmdarlar Cəmiyyətinin Azərbaycan şöbəsində tərcüməçi, direktor müavini, tikilməkdə olan Azərbaycan mehmanxana kompleksinin direktoru vəzifələrində işləmişdir.
1962‐ci ildən «İnturist»də işlər idarəsinin müavini, 1970‐ci ildən Azərbaycan KP MK xarici əlaqələr şöbəsində təlimatçı işləmişdir.
1968-ci ildə Moskvada SSRİ Nazirlər Sovetinin nəzdində Ali Xarici Turizm kurslarını bitirmişdir.
1971-ci ildən Azərbaycan SSR Nazirlər Sovetinində və Azərbaycan kommunist Partiyasının Mərkəzi Komitəsində məsul vəzifələrdə çalışmışdır.
1974-cü ildən diplomatik xidmətdədir. Həmin ildən Almaniya Demokratik Respublikasının Leypsiq şəhərində SSRİ konsulluğunda vitse‐ konsul, 1980‐ci ildən ADR‐in Rostok şəhərində SSRİ konsulluğunda konsul olmuşdur. SSRİ-nin Almaniya Demokratik Respublikasındakı Baş Konsulluğunda və Berlindəki səfirliyində diplomatik vəzifələrdə çalışmışdır.
1988-1991-ci illərdə Azərbaycan SSR-nin Xarici İşlər naziri vəzifəsində çalışmışdı.
1991-ci ildə Azərbaycan Respublikasının Xarici İşlər Naziri vəzifəsinə təsdiq edilmişdir.
1989-cu ildə ona SSRİ-nin I dərəcəli Fövqəladə və Səlahiyyətli Elçi-Müşaviri, 1992-ci ildə isə Azərbaycan Respublikasının Fövqəladə və Səlahiyyətli Səfiri diplomatik dərəcələri verilmişdir.
1992-ci ildə Azərbaycan Respublikasının Almaniya, İsveçrə, Belçika, Niderland, Lüksemburq və Avstriyadakı Fövqəladə və Səlahiyyətli Səfiri vəzifəsinə təyin olunmuşdur.
H.Sadıqov Almaniya, İsveç, Hollandiya və Lüksemburqda Azərbaycan diasporasının formalaşmasına səylər etmişdir.
Azərbaycan və Almaniya mətbuatında beynəlxalq siyasət sahəsində 50-dən artıq məqalə və yazıların müəllifidir. 2 övladı var.
Alman, ərəb, türk və rus dillərini bilir.
İstinadlar[redaktə | əsas redaktə]
- ↑ Qasımlı M., Hüseynova E. (2003). "AZƏRBAYCANIN XARİCİ İŞLƏR NAZİRLƏRİ " (az).
Mənbə[redaktə | əsas redaktə]
 Azərbaycanın xarici işlər nazirləri  |
|
|---|---|
| Azərbaycan Xalq Cümhuriyyəti (1918-1920) |
Məmmədhəsən Hacınski (28 may 1918 – 6 oktyabr 1918) • Əlimərdan bəy Topçubaşov (6 oktyabr 1918 – 7 dekabr 1918) • Fətəli xan Xoyski (26 dekabr 1918 – 14 mart 1919) • Məmməd Yusif Cəfərov (14 mart 1919 – 22 dekabr 1919) • Fətəli xan Xoyski (24 dekabr 1919 – 1 aprel 1920) |
| Azərbaycan Sovet Sosialist Respublikası (1920-1991) |
Nəriman Nərimanov (aprel 1920 – may 1921) • Mirzə Davud Hüseynov (may 1921 – dekabr 1921) • Mahmud Əliyev (1944–1958) • Tahirə Tahirova (1959–1983) • Elmira Qafarova (1983–1987) • Hüseynağa Sadıqov (23 yanvar 1988 – 18 oktyabr 1991) |
| Azərbaycan Respublikası (1991-dən sonra) |
Hüseynağa Sadıqov (18 oktyabr 1991 – 29 may 1992) • Tofiq Qasımov (4 iyul 1992 – 26 iyun 1993) • Həsən Həsənov (2 sentyabr 1993 – 16 fevral 1998) • Tofiq Zülfüqarov (5 mart 1998 – 26 oktyabr 1999) • Vilayət Quliyev (26 oktyabr 1999 – 2 aprel 2004) • Elmar Məmmədyarov (2 aprel 2004 – indiyə kimi) |
- 14 martda doğulanlar
- 1940-cı ildə doğulanlar
- Bakıda doğulanlar
- Azərbaycanın xarici işlər nazirləri
- Azərbaycanın Almaniyadakı səfirləri
- Azərbaycanın İsveçrədəki səfirləri
- Azərbaycanın Belçikadakı səfirləri
- Azərbaycanın Niderlanddakı səfirləri
- Azərbaycanın Lüksemburqdakı səfirləri
- Azərbaycanın Avstriyadakı səfirləri
