Maqsud Əli Təbrizi
| Maqsud Əli Təbrizi | |
|---|---|
| Doğum tarixi | XVI əsr |
| Doğum yeri | Təbriz, Səfəvi imperiyası |
| Vəfat tarixi | XVII əsr |
| Vəfat yeri | Böyük Moğol imperiyası |
| Milliyyəti | azərbaycanlı |
| Elm sahəsi | Tibb Fizika Fəlsəfə |
| İş yeri | Moğol sarayı |
Maqsud Əli Təbrizi (XVI əsr, Təbriz – XVII əsr, Böyük Moğol imperiyası) - Təbrizdə anadan olmuş fizik, tərcüməçi və həkim.[1][2]
Həyatı
[redaktə | mənbəni redaktə et]Maqsud Əli Təbrizi, Təbriz şəhərində anadan olmuşdur. Doğulma tarixi və vəfat tarixi dəqiq bilinmir. Hindistanda, Böyük Moğol imperiyasınnı hökmdarı Sultan Cahangirin sarayında çalışmışdır. Hindistana Əkbər şahın hakimiyyəti illərində getmişdir. Bu illərdə Sultan Cahangirin vəliəahd şahzadəsi Səlim tərəfindən himayə olunmuşdur.[3]
Fəaliyyəti
[redaktə | mənbəni redaktə et]Moğol imperatoru Sultan Cahangirin sarayında 1605-ci ildən 1627-ci ilə qədər fəaliyyət göstərmişdir.
O, əsasən ərəb dilində olan elmi əsərlərin fars dilinə tərcüməsi ilə məşğul olmuşdur.
ABŞ Milli Tibb Kitabxanasında Maqsud Əli Təbrizinin əsərinin bir nüsxəsi vardır. Bu nüsxədəki məlumata görə o, bu Şəmsəddin Şəhrəzurinin Tarixə-əl Hukama əsərini 1602-ci ildə tərcümə etməyə başlamışdır, lakin digər mənbələrin verdiyi məlumata görə isə o, bu işə 1605-ci ildə Sultan Cahangirin istəyi ilə başlamışdır.[2] Bu əsərin əsli 1288-ci ildə yazılmışdır və filosofların tarixlərindən bəhs edir. Maqsud Əli Təbrizi tərcümə etdiyi əsərə Tarjümah-i-Tarikhul-Hükama adı vermişdir.[3]
Sonrakı tərcümə etdiyi Nuzhat ul-arwah wa Rauzat ul-afrah əsəridir. Bu əsərdə 34 İslamdan öncəki, 77 isə İslamdan sonrakı dövrün filosoflarının tarixindən bəhs edilir.[3]
Bəzi mənbələrin məlumatına görə Maqsud Əli Təbrizi Sufi alimi olmuş və Qucarat sarayında böyük nüfuza sahib olmuşdur. Lakin saray çəkişmələri nəticəsində uzun illər xidmət etiyi sarayda həbs edilərək Qvalyor qalasına göndərilmişdir.
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ "Maqsud Ali Tabrizi". 2023-07-27 tarixində arxivləşdirilib. İstifadə tarixi: 2018-11-12.
- ↑ 1 2 "Catalogue: Medical Monographs". 2022-01-13 tarixində arxivləşdirilib. İstifadə tarixi: 2018-11-12.
- ↑ 1 2 3 "Dictionary of Indo-Persian Literature". 2023-07-27 tarixində arxivləşdirilib. İstifadə tarixi: 2018-11-12.