Nizami Məmmədov (icra başçısı)

Vikipediya, azad ensiklopediya
Jump to navigation Jump to search
Nizami Muradoğlu
Məmmədov Nizami Murad oğlu
Nizami Muradoğlu.jpg
bayraqNaxçıvan Muxtar Respublikası Ordubad rayonu İcra Hakimiyyətinin başçısıbayraq
 — 11.3.2002
Şəxsi məlumatlar
Təhsili
Doğum tarixi (66 yaş)
Doğum yeri Naxçıvan MR, Ordubad rayonu, Əylis kəndi

Nizami Muradoğlu (tam adı: Məmmədov Nizami Murad oğlu) — (1996-2002)Naxçıvan Muxtar Respublikası Ordubad rayonu İcra Hakimiyyətinin başçısı[1], AMEA Folklor İnstitutunun dossenti.[2]

Həyatı[redaktə | mənbəni redaktə et]

Məmmədov Nizami Murad oğlu 1955-ci il aprel ayının 2-də Naxçıvan MR-nın Ordubad rayonunun Əylis kəndində anadan olmuşdur. 1962-1972-ci illərdə Əylis kənd orta məktəbində oxumuşdur. 1972-1976-cı illərdə akademik Y.Məmmədəliyev adına Naxçıvan Dövlət Pedaqoji İnstitunun tarix-ədəbiyyat fakültəsində Azərbaycan diliədəbiyyatı ixtisası üzrə təhsil almışdır. İnstitutu orta məktəbdə Azərbaycan dili və ədəbiyyatı müəllimi ixtisası üzrə bitirmişdir.

1976-1977-ci illərdə hərbi xidmət keçmişdir.

Ailəli, üç övlad sahibidir.

Əmək fəaliyyəti[redaktə | mənbəni redaktə et]

1978-1986-cı illərdə Naxçıvan MR-da komsomol təşkilatlarında, 1987-1994-cü illərdə təhsil sahəsində çalışmışdır.

1994-cü ilin may ayından 1996-cı ilin noyabr ayınadək Naxçıvan Muxtar Respublikası Ordubad rayonu icra hakimiyyətində icra başçısının müavini, 1996-cı ilin noyabr ayından 2002-ci ilin aprel ayınadək İcra hakimiyyətinin başçısı vəzifəsində işləmişdir[1]. O, bu vəzifədən 11 mart 2002-ci ildə azad edilmişdir[1].

Elmi fəaliyyəti[redaktə | mənbəni redaktə et]

2010-cu ilin noyabr ayından AMEA Folklor İnstitutuna elmi işçi vəzifəsinə qəbul edilmişdir. 2011-ci ildən “Məmməd Araz yaradıcılığında folklor motivləri” üzrə dissertant kimi çalışmağa başlamışdır. 2013-cü ildə müdafiə edib, 16 aprel 2014-cü ildə AAK-ın 11- nömrəli qərarı ilə filologiya üzrə fəlsəfə doktoru adı almışdır.[3]

AMEA Folklor İnstitutu Elmi Şurasının 17 0ktyabr 2014-cü il tarixli 6 saylı qərarı ilə elmlər doktoru proqramı üzrə dissertanturaya qəbul edilmişdir. Dissertasiya mövzusu “Müstəqillik dövrü Azərbaycan şeiri və folklor” adı ilə təsdiq edilmişdir.[4]

Azərbaycan Respublikasının Prezidenti Yanında AAK-ın 16 iyun 2016-cı il tarixli (protokol nömrə 15 - k) qərarı ilə ona folklorşünaslıq ixtisası üzrə dosent elmi adı verilmişdir.[5]

Azərbaycan Respublikasının Prezidenti Yanında Ali Attestasiya Komissiyasının 02 iyul 2019 - cu il tarixli (protokol № 07 - R) qərarı ilə Nizami Murad oğlu Məmmədova filologiya elmləri doktoru elmi dərəcəsi verilmişdir.

Hazırda Folklor İnstitutunda baş elmi işçidir, Azərbaycan YazıçılarJurnalistlər birliklərinin üzvüdür. 20 kitab, 100-dən artıq elmi məqalə müəllifidir.

“Qızıl qələm”, “Vətən-media”, “Həsən bəy Zərdabi” mükafatları laureatıdır.

Əsərləri[redaktə | mənbəni redaktə et]

  • Qayıda bilmirəm,Bakı,1989, 50 s.;
  • Dayan, əsən külək. Bakı, 192 s.;
  • Vətən dərdi, Bakı, 2005, 240 s.;
  • Sabaha açılan qapılar, Bakı,164 s.;
  • Bu dünyanın məzarları ağlamaz, Bakı, 2010, 96 s.;
  • Yaşayan Cavidlər, Bakı, 2012, 200 s.;
  • Sözün Məmməd Araz zirvəsi, Bakı, 2013, 272 s.;
  • Baba ocağı, Bakı, 2014, 248 s.;
  • Mamed Araz i narodnoe nvorçestvo, Qermaniya, 2014, 240 s.;
  • Seçilmiş əsərləri, Bakı, 2015, 248 s.;
  • "Kitabi-Dədə Qorqud” və müasir Azərbaycan poeziyası, Bakı, 2016, 72 s.;
  • Hüseyn Cavid, Bakı, 2016, 100 s.;
  • Çağdaş Azərbaycan poeziyasında folklor ənənələri, Bakı, 2017,256 s.:
  • Zülmətdə nur, Bakı,2018,120 s.;
  • Qədim türk yurdu Naxçıvan, Bakı,2019, 256 s.;
  • Kanlı taş, Türkiye, 2019, 220 s.;
  • Qılınc oğlu, Bakı, 2020,104 s.;
  • Eşq bir sirdir, Bakı,2020, 264 s.;
  • Çağdaş poeziya və folklor, Bakı,2021,292 s.
  • Alp Ərdoğan, Sultan Ərdoğan, Bakı, 2021,122 s.

İstinadlar[redaktə | mənbəni redaktə et]