Nurlana Cəfərova (aparıcı)

Vikipediya, azad ensiklopediya
Jump to navigation Jump to search
Nurlana Cəfərova
azərb. Nurlana Sakit qızı Cəfərova
Nurlana Cəfərova (aparıcı).jpg
Doğum tarixi (32 yaş)
Doğum yeri Bakı, Azərbaycan
Vətəndaşlığı Azərbaycan Azərbaycan
Atası Sakit Cəfərov
Milliyyəti Azərbaycanlı
İxtisası filoloq
Commons-logo.svg Vikianbarda əlaqəli mediafayllar

Nurlana Cəfərova (tam adı: Cəfərova Nurlana Sakit qızı) — Azərbaycanlı aparıcı, tərcüməçi.[1]

Həyatı[redaktə | əsas redaktə]

Nurlana Cəfərova 1988-ci ilin 24 sentyabr tarixində Bakı şəhərində dünyaya göz açıb.

İxtisasca filoloq olan aparıcı ilk dəfə 2006-cı ilin iyun ayında Azad Azərbaycan televiziyasının elan etdiyi müsabiqədə iştirak edərək, müsabiqə qalibi kimi 106.3 FM radiosunda çalışmağa başlamışdır.[2] İlk radio efirinə Emin Müsəvi ilə birlikdə 2006-cı ilin 25 sentyabrında çıxmışdır. Həmin ilin sonu, şəxsi istəyi ilə eyni şirkətin 106 FM radiosunda işə davam edərək, 2007-ci ilin yanvar ayında ATV kanalında TOP 10 adlı ilk televiziya efirinə başlamışdır. Daha sonra, Azad Azərbaycan televiziyasının efirində , həm müəllifi olduğu gündəlik canlı efir yayımına çıxan ATV Club verilişini müğənni Azad Şabanovla birlikdə tamaşaçılara təqdim etmişdir. Ardınca , ATV Səhər və FreeZone verilişləri ilə efirdə olan aparıcı, paralel olaraq radio fəaliyyətini davam etdirmişdir. Nurlana Cəfərova aktrisa kimi ATV-nin "Qız Atası" və "Kişi Sözü" seriyallarında rol alıb.

Radioda çalışdığı dönəmdə, bir çox dünya ulduzları : Akcent, Morandi, Byanka, Thomas Nevergreen, Ferry Corsten, Hardwell, Boney M qrupu, 50 Cent və s. ilə müsahibələr etmişdir.

2016-cı il Formula 1 yarışının tədbir aparıcısı, 2017-ci il 4-cü İslam Həmrəyliyi Oyunlarının boks və zorxana oyunları üzrə ingilis dilində şərhçi aparıcısı kimi işləmişdir.

2016-cı ilin oktyabr ayından Azərbaycan Televiziya və Radiosu Qapalı Səhmdar Cəmiyyətində çalışmağa başlayan[3][4] Nurlana Cəfərova ilk olaraq Mədəniyyət Kanalının gündəlik proqramı olan Görüş Yeri verilişini tamaşaçılara təqdim edir.[5][6] Nurlana həm də İdman Azərbaycan kanalının Mərc Meydanı verilişinin aparıcısı olub. Hal-hazırda Azərbaycan Televiziyasının Bakı Gecələri verilişinin aparıcısıdır. 2017-ci ilin oktyabr ayından etibarən aparıcı, həm də Azərbaycan Televiziyasının Musiqi və Əyləncəli proqramlar redaksiyasının baş redaktoru vəzifəsində çalışır. Nurlana Cəfərova 2018-ci il Portuqaliyada keçirilən Avroviziya Mahnı Müsabiqəsinin Azərbaycan üzrə 5 münsif heyətindən biri seçilib. Aparıcıdan əlavə bu heyətdə xalq artistləri Mübariz Tağıyev, Faiq Ağayev, əməkdar artist İlahə Əfəndiyeva və caz ifaçısı Tünzalə Qəhrəman olub.[7]

Heydər Əliyev Fondunun dəstəyi ilə, Azərbaycan Mədəniyyət Fondununun layihəsi əsasında, Azərbaycan Televiziyasının təşkilatçılığı, Mədəniyyət Nazirliyinin iştirakı ilə keçirilən 7-ci Muğam Televiziya Müsabiqəsi 2019-un aparıcısı olub. Həmçinin 27 iyul 2019-cu il tarixində Avropa Gənclər Yay Olimpiya Festivalının Crystal Hall zalında keçirilən bağlanış mərasimini ingiliscə aparıb.

2019-cu ilin noyabrında Eldar Qasımovun ifasında musiqisi Ülviyyə Bəbirliyə, sözləri Nurlana Cəfərovaya məxsus "Bax Uçuram" adlı ifa dinləyicilərə təqdim olunub. 17 dekabr 2019-cu ildə Nurlana Cəfərovanın "Hər İki Mən" adlı şerlər toplusu işıq üzü görmüşdür. Kitaba 60-dan çox şer daxildir. Kitabın təqdimatı 2020-ci ilə planlaşdırılıb.

Mükafatlar[redaktə | əsas redaktə]

  1. "Yaxşıların Yaxşısı" mükafatı - 2008-ci ilin ən yaxşı gənc aparıcısı – Bakı Şəhər Gənclər və İdman baş İdarəsi (tərəfindən)[8]
  2. İlin ən yaxşı tədbir aparıcısı 2010 - Mədəniyyət və Turizm nazirliyi
  3. İlin ən yaxşı radio aparıcısı 2011 - Gənclər və İdman nazirliyi

Apardığı tədbirlər[redaktə | əsas redaktə]

Azərbaycan Televiziyasının layihələri[redaktə | əsas redaktə]

  1. Elza İbrahimovanın 80 illik yubileyinə həsr olunmuş yubiley gecəsi
  2. Dan Ulduzu instrumental ansamblının konserti
  3. Ötən İllərin Nəğmələri adlı konsert proqramı
  4. Mübariz Tağıyevin 70 illik yubileyinə həsr olunmuş gecə
  5. Səid Rüstəmovun mahnılarından ibarət konsert
  6. Mobil Babayevin yaradıcılıq gecəsi
  7. Süleyman Ələsgərovun xatirə gecəsi
  8. Şövkət Ələkbərova 80
  9. Oqtay Kazıminin xatirə gecəsi

Digər Tədbirlər[redaktə | əsas redaktə]

  1. Fashion Show by Turkic countries
  2. Manchester United & Bakcell Partnership Event
  3. Gala Dinner for Paul W. Anderson
  4. Toyota Rav4 Corporate Event
  5. Access Bank`s 10 th Anniversary
  6. Youth Day 2 nd of February by the Ministry Youth and Sport
  7. World Series Boxing Finals Gala
  8. European Taekwondo Championships Opeaning Ceremony
  9. 1 st World Taekwondo Cadet Championships
  10. Emin`s concert Green Theatre 2015
  11. 2016 Formula1 Grand Prix of Europe Events
  12. 2017 4 th Islamic Solidarity Games
  13. World Ports Conference 2018

İstinadlar[redaktə | əsas redaktə]

  1. unique.az (may 14, 2018). "Nurlana Cəfərova" (azərb.). İstifadə tarixi: 2018-06-06.[ölü keçid]
  2. oxu.az (19 Yan 2017). "Aparıcı Nurlana Cəfərova ATV-dən getdi" (azərb.). İstifadə tarixi: 2018-06-06.
  3. aktual.az (19 Yan 2017). "Aparıcı Nurlana Cəfərova ATV-dən getdi" (azərb.). İstifadə tarixi: 2018-06-06.
  4. qafqazinfo.az (15.09.2017). "Nurlana Cəfərovaya Azərbaycan Televiziyasında (AzTV) vəzifə verilib" (azərb.). İstifadə tarixi: 2018-06-06.
  5. sia.az (18 Yan 2017). "Aparıcı Nurlana Cəfərova ATV-dən getdi?" (azərb.). İstifadə tarixi: 2018-06-06.
  6. axsam.az (18 Yan 2017). "Aparıcı Nurlana Cəfərova ATV-dən getdi" (azərb.). İstifadə tarixi: 2018-06-06.
  7. joy.az (4 May 2018). ""Eurovision-2018" – proqnozlar, favoritlər..." (azərb.). İstifadə tarixi: 2018-06-06.
  8. axsam.az (24.12.13). "Onlar "Yaxşıların yaxşısı" seçildilər" (azərb.). İstifadə tarixi: 2018-06-06.

Həmçinin bax[redaktə | əsas redaktə]