Portal:İstanbul/Seçilmiş bioqrafiya
II Mehmed — 7-ci Osmanlı padşahı. 21 yaşında İstanbulu fəth edərək 1000 illik Bizans imperiyasına son qoymuş və bu hadisə bir çox tarixçi tərəfindən Orta əsrin sonu Yeni əsrin başlanğıcı olaraq qəbul edilmişdir. Fəthdən sonra Fəthin Atası mənasını verən "Əbül-Fəth", daha sonrakı dövrlərdə isə "Çağ Açan Hökmdar" və "Kayser-i Rum" ünvanları ilə anılmışdır. Fateh, İslam Peyğəmbəri Məhəmmədin bir hədisinə nail olduğu üçün indiki vaxtda Türkiyə və İslam dünyasının geniş bir hissəsində "qəhrəman" olaraq qəbul edilməkdədir. Fateh Sultan Mehmed Osmanlı türkcəsi, latınca və slavyanca olmaqla 3 dil bilirdi. Çağdaşı olan ərəb mənbələrində “üləmaya qarşı yaxınlıq göstərən, onlarla görüşərkən təzim edən, kafirləri dəf etmək yolunda atasından geri qalmayan” olaraq qeyd olunur. İstanbulun fəthindən sonra Aya Sofya başda olmaqla şəhərdəki 8 kilsəni məscidə çevirdi. 1470-ci ildə öz məscidinin ətrafında məşhur "Sahn-ı Səman" mədrəsələrini inşa etdirdi. Bundan başqa Sultan Mehmedin 1461-ci ildən bəri öz portretini hazırlaması üçün İtaliyadan rəssam gətirtmək istədiyi bilinir. Nəhayət, məşhur Venesiyalı rəssam Bellinini İstanbula dəvət etdi. Bellini bundan başqa Topqapı sarayının divarlarını Renesans üslublu freskolarla bəzəmişdir.