Qubad ibn Yəzid

Vikipediya, açıq ensiklopediya
(Qubad ibn Yezid səhifəsindən istiqamətləndirilmişdir)
Jump to navigation Jump to search
Qubad ibn Yəzid
Şirvanşahlar Dövlətinin XIII hökmdarı
1043 — 1049
Sələfi: Əbu Mənsur Əli ibn Yəzid
Xələfi: Buxtnassar Əli ibn Əhməd
 
Vəfat tarixi: 28 iyul, 1049
Vəfat yeri: Şamaxı
Sülalə: Kəsranilər
Atası: Yəzid ibn Əhməd

Qubad ibn YəzidŞirvanşahlar dövlətinin on üçüncü hökmdarı, Şirvanşah Yəzid ibn Əhmədin oğlu.

Fəaliyyəti[redaktə | əsas redaktə]

Şirvanşah Əbu Mənsur Əli ibn Yəzidin ölümündən (1043) sonra hakimiyyətə onun qardaşı Qubad ibn Yəzid gəlmişdir. Hələ Şirvanşah Əbu Mənsurun hökmranhğı dövründə Şirvanşahla hərbi rəislər arasında çəkişmələr davam edirdi. H.436 (1044)-cı ildə əl-Bab əmiri ilə hərbi rəislər arasında nifaq düşdü. Onlar əmirin üstünə hücum çəkdilər, onun arvadı Şəmkuyyəni ələ keçirib qardaşı Şirvanşah Qubadın yanına göndərdilər. Qubad Şəmkuyyəni qalaya saldı, lakin sonra azad etdi və h.437 (1045)-cı ildə ərinin yanına qaytardı. Elə həmin il Qubad türk oğuzların hücumundan qorxaraq paytaxtı Yəzidiyyənin ətrafına yonulmuş daşdan möhkəm qala divarı çəkdirdi və dəmir qapı qoydurdu. Qubad altı il səltənət sürüb h.441-cı il səfər ayının 24-də (28 iyul 1049) öldü. [1]

Ailəsi[redaktə | əsas redaktə]

Bir qızı var idi, Səlcuq əmiri Qaratəkin ilə evlənmişdi.