Rövşən Nəcəf

Vikipediya, azad ensiklopediya
Jump to navigation Jump to search
Rövşən Nəcəf
Rövşən Çingiz oğlu Nəcəf
Doğum tarixi (38 yaş)
Doğum yeri Azərbaycan, Bakı
Vətəndaşlığı Azərbaycan Azərbaycan
Milliyyəti azərbaycanlı
Fəaliyyəti Azərbaycan İqtisadiyyat naziri Mikayıl Cabbarovun müavini

Rövşən Nəcəf Çingiz oğlu (1982-ci il 9 aprel, Bakı) – Azərbaycan Respublikasının İqtisadiyyat nazirinin müavini (11 fevral, 2020-ci ildən)[1], 3-cü dərəcəli dövlət müşaviridir.

Həyatı[redaktə | əsas redaktə]

Rövşən Nəcəf 1982-ci il 9 aprel tarixində Bakı şəhərində anadan olub.

Evlidir, 2 övladı var.

Təhsili[redaktə | əsas redaktə]

1997- 2001-ci illər – Azərbaycan Dövlət İqtisad Universitetində təhsil alıb və Beynəlxalq iqtisadi münasibətlər fakültəsini fərqlənmə diplomu ilə bitirib.

2001-2003-cü illər – Azərbaycan Dövlət İqtisad Universitetində təhsil alıb və Beynəlxalq iqtisadi münasibətlər fakültəsinin magistratura proqramını fərqlənmə diplomu ilə bitirib.

2007-2008-ci illər – ABŞ-ın Kolumbiya Universitetində təhsil alaraq İqtisadi Siyasətin İdarəedilməsi / Beynəlxalq Enerji Menecment və Siyasəti üzrə magistr proqramını uğurla bitirib.

İqtisadiyyat üzrə fəlsəfə doktorudur.

Əmək fəaliyyəti[redaktə | əsas redaktə]

2001-ci il –  Azərbaycan Dövlət İqtisad Universitetinin Beynəlxalq iqtisadi münasibətlər və marketinq kafedrasında laborant vəzifəsində çalışıb.

2003-2007-ci illər – Azərbaycan Respublikasının İqtisadi İnkişaf Nazirliyinin İnvestisiyalar və Beynəlxalq İqtisadi Əməkdaşlıq departamentinin İnvestisiya Siyasəti şöbəsində məsləhətçi və baş məsləhətçi vəzifəsində çalışıb.

2008-2009-cu illər – SOCAR-ın (ARDNŞ) Sərmayələr İdarəsinin Sərmayələr üzrə Kontraktlar şöbəsinin rəisi vəzifəsində işləyib.

2009-2010-cu illər – İqtisadi İnkişaf Nazirliyində Xarici İqtisadi Əlaqələr şöbəsinin müdiri və İqtisadi İnkişaf nazirinin köməkçisi olub.

2010-2018-ci illər – “Azərbaycan İnvestisiya Şirkəti” ASC-nin icraçı direktorunun müavini və icraçı direktoru vəzifələrində çalışıb.

2018-ci il 11 may– Azərbaycan Respublikası Prezidentinin Sərəncamı ilə Azərbaycan Respublikası Prezidentinin Administrasiyasının İnnovativ inkişaf və elektron hökumət məsələləri şöbəsinin müdiri təyin edilib.[2]

2019-cu il 28 avqust– Azərbaycan Respublikası Prezidentinin Sərəncamı ilə Azərbaycan Respublikasının Maliyyə Monitorinqi Xidmətinin İdarə Heyətinin sədri təyin edilib.

2020-ci il 11 fevral– Azərbaycan Respublikası Prezidentinin Sərəncamı ilə Azərbaycan Respublikasının İqtisadiyyat nazirinin müavini təyin edilib.

Azərbaycan İnvestisiya Holdinqinin İdarə heyətinin üzvü, "AzerGold" QSC-də və “Təmiz Şəhər” ASC-də Müşahidə Şurasının sədridir.

İstinadlar[redaktə | əsas redaktə]

  1. İqtisadiyyat Nazirliyində kadr təyinatları aparılıb
  2. Rövşən Nəcəf Prezident Administrasiyasının şöbə müdiri təyin edilib