Natiq Əliyev

Vikipediya, azad ensiklopediya
Jump to navigation Jump to search
Natiq Əliyev
Natiq Aliyev - World Economic Forum on the Middle East, North Africa and Eurasia 2012 crop.jpg
bayraqAzərbaycan Respublikasının
Energetika naziri
bayraq
22 oktyabr 2013 — 9 iyun 2017
Sələfi vəzifə təsis olunub
Xələfi Pərviz Şahbazov
bayraqAzərbaycan Respublikasının
Sənaye və Energetika naziri
bayraq
9 dekabr 2005 — 22 oktyabr 2013
Sələfi Məcid Kərimov
Xələfi vəzifə ləğv olunub
bayraqAzərbaycan Respublikası
Dövlət Neft Şirkətinin prezidenti
bayraq
9 avqust 1993 — 9 dekabr 2005
Sələfi vəzifə təsis olunub
Xələfi Rövnəq Abdullayev
Şəxsi məlumatlar
Partiya YAP-loqo.jpg Yeni Azərbaycan Partiyası
Təhsili
Doğum tarixi
Doğum yeri Bakı, Azərbaycan SSR, SSRİ
Vəfat tarixi (69 yaşında)
Vəfat yeri İstanbul, Türkiyə
Vəfat səbəbi ürək çatışmazlığı
Dəfn yeri II Fəxri Xiyaban
Vətəndaşlığı SSRİ SSRİ
Azərbaycan Azərbaycan
Təltifləri
"Şöhrət" ordeni — 2004 "Azərbaycan Dövlət Gömrük Komitəsinin 20 illiyi" yubiley medalı "Azərbaycan Dövlət Gömrük Komitəsinin 25 illiyi" yubiley medalı
"Fəxri Legion" ordeninin Zabit dərəcəsi "Polşaya xidmətlərə görə" ordeninin Komandor dərəcəsi "Şərəf" ordeni
"Kurmet" ordeni "Qazaxıstanın müstəqilliyinin 20 illiyi" medalı

"Azərbaycan Respublikasının Əməkdar mühəndisi" fəxri adı
Commons-logo.svg Vikianbarda əlaqəli mediafayllar

Natiq Ağaəmi oğlu Əliyev (23 noyabr 1947(1947-11-23), Bakı9 iyun 2017(2017-06-09), İstanbul) — dövlət xadimi, geoloq. Natiq Əliyev 1993–2005-ci illərdə Azərbaycan Respublikası Dövlət Neft Şirkətinin prezidenti olub.[1] 2005–2013-cü illərdə isə Azərbaycan Respublikasının Sənaye və Energetika naziri olan Natiq Əliyev 2013-cü ildən Azərbaycan Respublikasının Energetika naziri vəzifəsində çalışıb.[1]

Həyatı[redaktə | əsas redaktə]

Natiq Əliyev 23 noyabr 1947-ci ildə Bakı şəhərində anadan olub. 1965-ci ildə orta təhsilini bitirən Natiq Əliyev həmin ildən 1970-ci ilə qədər Məşədi Əzizbəyov adına Azərbaycan Neft və Kimya İnstitutunda dağ geoloqu ixtisası üzrə təhsil alıb. Ali təhsilini başa vurandan sonra Natiq Əliyev "Xəzərdənizneftqazsənaye" Ümumittifaq İstehsalat Birliyinin "Azərdənizneftkəşfiyyat" trestində, kompleks dəniz geoloji-kəşfiyyat konturunda çalışıb. O, 1979-cu ilə qədər bu vəzifədə işləyib.[1]

Natiq Əliyev 1971-ci ildən 1974-cü ilə qədər Azərbaycan Elmlər Akademiyasının Geologiya İnstitutunun aspiranturasında təhsil alıb.[1] 1974-cü ildən geologiya-mineralogiya elmləri namizədi olmuşdur.[1]

Natiq Əliyev 1979-cu ildə "Xəzərdənizneftqazsənaye" Ümumittifaq İstehsalat Birliyinin kompleks dəniz geoloji-kəşfiyyat konturunda geologiya şöbəsinin rəisi vəzifəsinə təyin olunub. 1984-cü ildən Azərbaycan Respublikası Kommunist Partiyası Mərkəzi Komitəsinin aparatında neft və kimya şöbəsində təlimatçı, daha sonra isə sosial-iqtisadi inkişaf şöbəsinin bölmə müdiri vəzifəsində çalışıb. 9 avqust 1993-cü ildən Dövlət Neft Şirkətinin prezidenti və direktorlar şurasının sədri olmuşdur. O həm də 1994-cü ildən Azəri-Çıraq-Günəşli yataqlarının işlənməsi üzrə layihənin Rəhbər Komitəsinin sədri, 2002-ci ildən isə Bakı-Tbilisi-Ceyhan Şirkətinin Direktorlar Şurasının sədri vəzifələrində çalışıb.[1]

Natiq Əliyev 18 sentyabr 2004-cü ildə beynəlxalq aləmdə Əsrin müqaviləsi adlandırılan Sazişin həyata keçirilməsindəki nailiyyətlərinə və Azərbaycan neft və qaz sənayesinin inkişafındakı xidmətlərinə görə Azərbaycan Respublikası Prezidenti İlham Əliyevin fərmanına əsasən "Şöhrət" ordeni ilə təltif edilmişdir.[1]

2005-ci il 9 dekabrda dövlət başçısı İlham Əliyevin sərəncamı ilə Natiq Əliyev Azərbaycan Respublikası Dövlət Neft Şirkətinin prezidenti postundan azad edilərək Azərbaycan Respublikası Sənaye və Energetika naziri vəzifəsinə təyin olundu.[1] Həmin ildə o həm də Azərbaycan Neftçilər Konqresinin prezidenti seçildi.[1]

2009-cu ildə Polşa Respublikasının Prezidenti Lex Kaçinski Natiq Əliyevi Azərbaycan–Polşa münasibətlərinin inkişafında göstərdiyi xidmətə görə "Polşaya xidmətlərə görə" ordeninin Komandor dərəcəsi ilə təltif etdi.[1]

2013-cü il 22 oktyabrda Prezident İlham Əliyevin sərəncamı ilə Azərbaycan Respublikası Sənaye və Energetika Nazirliyi ləğv edilmiş, əvəzinə isə Azərbaycan Respublikası Energetika Nazirliyi yaradılmışdır.[1] Həmin qurumunun naziri isə Natiq Əliyev təyin olunmuşdur.[1]

Natiq Əliyev 2017-ci il iyunun 8-i Türkiyənin İstanbul şəhərində müalicə olunduğu xəstəxanada ömrünün 69-cu yaşında vəfat etmişdir.

Təltifləri[redaktə | əsas redaktə]

  • "Şöhrət" ordeni (Azərbaycan)
  • "Azərbaycan Dövlət Gömrük Komitəsinin 20 illiyi" yubiley medalı (Azərbaycan)
  • "Azərbaycan Dövlət Gömrük Komitəsinin 25 illiyi" yubiley medalı (Azərbaycan)
  • "Fəxri Legion" ordeninin Zabit dərəcəsi (Fransa)
  • "Polşaya xidmətlərə görə" ordeninin Komandor dərəcəsi (Polşa)
  • "Şərəf" ordeni (Gürcüstan)
  • "Kurmet" ordeni (Qazaxıstan)
  • "Qazaxıstanın müstəqilliyinin 20 illiyi" medalı (Qazaxıstan)

Şəxsi həyatı[redaktə | əsas redaktə]

Natiq Əliyev ailəli olmuş, bir övladı və iki nəvəsi var idi.

  • Oğlu — Fərhad Əliyev (d. 1978) iki dəfə ailəli olub. Dizayner Sara Əliyeva ilə olan birinci nigahdan Aliyə adında bir qız, müğənni Səfurə Əlizadə ilə olan ikinci nigahdan isə İsgəndər (d. 2014) adında bir oğlu, Ayşə adında bir qızı (d. 2017) və Natiq (d. 2019) adında bir oğlu var.

İstinadlar[redaktə | əsas redaktə]

  1. 1 2 3 4 5 6 7 8 9 10 11 12 "Azərbaycan Respublikası Energetika Nazirliyinin rəsmi saytında Natiq Əliyevin profili". www.minenergy.gov.az (Azərbaycan Respublikası Energetika Nazirliyinin rəsmi saytı). 2017-06-11 tarixində arxivləşdirilib. İstifadə tarixi: 11 iyun 2017.