Rasim Gənzəli

Vikipediya, açıq ensiklopediya
Jump to navigation Jump to search
Rasim Gənzəli
Rasim Gənzəli 2016-cı ildə. Rasim Gənzəli 2016-cı ildə.
Doğum tarixi 9 fevral 1962(1962-02-09)
Doğum yeri Gənzə, Ordubad rayonu, Naxçıvan MSSR, Azərbaycan SSR, SSRİ
Vəfatı 12 avqust 2018 (56 yaşında)
Vəfat yeri Bakı, Azərbaycan
Təhsili

Rasim Gənzəli (tam adı: Rasim Qulu oğlu Məmmədli; d. 9 fevral 1962, Gənzə, Ordubad rayonu, Naxçıvan MSSR, Azərbaycan SSR, SSRİö. 12 avqust 2018, Bakı, Azərbaycan) — Azərbaycan yazıçısı[1], jurnalisti, Azərbaycan Yazıçılar Birliyinin üzvü[2], Milli Dirçəliş Hərəkatı Partiyasının sədrinin humanitar məsələlər üzrə müşaviri[3], “Beynəlxalq Əlillər Cəmiyyəti”nin İdarə Heyəti üzvü[4]

Bioqrafiya[redaktə | əsas redaktə]

Rasim Qulu oğlu Məmmədli 9 fevral 1962-ci ildə Naxçıvan MSSR-nin Ordubad rayonunun Gənzə kəndində anadan olmuşdur.[5] Uşaqlıqdan əlildir, yeriyə bilmir. Evdə fərdi surətdə orta, daha sonra isə ali təhsil almışdır. Naxçıvan Dövlət Universitetinin tarix-filologiya fakultəsinin kitabxanaçılıq və biblioqrafiya ixtisasını bitirmişdir.[6]

Gənc yaşlarından publisistik və bədii yaradıcılıqla məşğul olmuşdur. Ordubadda çap olunan "Yeni Ordubad" və "El həyatı" qəzetlərində ştatdankənar müxbir kimi fəaliyyət göstərib. Respublikanın dövri mətbuatında 600-ə yaxın məqalə və publisistik yazıları dərc olunub. 2001-ci ildən Azərbaycan Yazıçılar Birliyinin üzvüdür.[5][6]

"Ədəbiyyat sahəsində xidmətlərinə görə Prezident mükafatı"[2], "Qızıl qələm", "Vətən", "Yaddaş"[7], "Türk ədəbiyyatına xidmət", BMT-nin ədəbiyyat üzrə Avropa ordeni ilə təltif edilmişdir.[5][6]

Bütün kitablarının adları “Q” hərfi ilə başlayır. Səbəbini özündən soruşduqda belə cavab verib: “İki kitabım nəşr olunmuşdu. Bir gün qardaşım qızı gəldi ki, əmi, bəs fikir vermisənmi, sənin kitablarının adı “Q” hərfi ilə başlayır? Doğrusu, özüm diqqət etməmişdim. O gündən sonra yazdığım kitablarıma “Q” hərfi ilə başlayan adlar seçdim”.[8]

2012-ci ildə Bakıda Mahmud Allahmanlının "Elm və təhsil" nəşriyyatında Rasim Gənzəlinin yaradıcılığının təhlil olunduğu, hekayələrinin, povestlərinin, romanlarının mövzu istiqamətləri, problematikası elmi-nəzəri şərh edildiyi "Rasim Gənzəlinin bədii nəsri" əsəri çap edilib.[9]

2018-ci ilin fevral ayında Azərbaycan Yazıçılar Birliyinin Natəvan klubunda yazıçı-publisist Rasim Gənzəlinin 55 illiyi münasibətilə tədbir keçirilib. Görüşdə həmçinin oxuculara yazıçının yenicə çapdan çıxmış “Qərib gecələr” kitabı da təqdim olunub.[10]

12 avqust 2018-ci ildə Bakı şəhərində vəfat etmişdir.[11][12]

Ailəli idi. Həyat yoldaşı olmuş Kamilə Dönməz də şairədir, Azərbaycan Yazıçılar Birliyinin üzvüdür.[5][6]

Kitabları[redaktə | əsas redaktə]

Rasim Gənzəlinin kitabları
  • 1. “Qanlı çay”. Povest və hekayələr. Bakı. Gənclik nəşriyyatı. 1999-cu il.
  • 2. “Qara sevda”. Roman. Bakı. Gənclik nəşriyyatı. 2000-ci il.
  • 3. “Qurdlar və manqurtlar”. Roman. Bakı. “Adiloğlu” nəşriyyatı. 2004-cü il.
  • 4. “Qaranlıq gündüzlər”. Povest və hekayələr. Bakı. “Vektor” nəşrlər evi. 2005-ci il.
  • 5. “Qəlbi asiman kimi”. Publisistika. Bakı. “Qanun” nəşriyyatı. 2007-ci il.
  • 6. “Qalib gələn adam”. Publisistika. Bakı. “Vektor” nəşrlər evi. 2008-ci il.
  • 7. “Qiyamət qopanda...”. Roman. Bakı. “Vektor” nəşrlər evi. 2010-cu il.[13]
  • 8. “Qərib gecələr”[10]
  • 9. "Qurdbəşər"

İstinadlar[redaktə | əsas redaktə]

  1. "Azərbaycan yazıçıları" (azərb.). aztc.gov.az. 21 aprel 2018 tarixində arxivləşdirilib. İstifadə tarixi: 3 dekabr 2018.
  2. 2,0 2,1 "3 Dekabr - Beynəlxalq Əlillər Günü ilə bağlı tədbir keçirilib" (azərb.). science.az (5 dekabr 2017). 13 noyabr 2018 tarixində arxivləşdirilib. İstifadə tarixi: 3 dekabr 2018.
  3. Fərəc Quliyev. "Fərəc Quliyev Rasim Gənzəlinin vəfatı ilə bağlı başsağlığı verdi". davam.az (13 avqust 2018). 13 sentyabr 2018 tarixində arxivləşdirilib. İstifadə tarixi: 3 dekabr 2018.
  4. "“Beynəlxalq Əlillər Cəmiyyəti”nin üzvləri MUĞAM-2017-nin yekun konsertində" (azərb.). mys.gov.az (13 iyun 2017). 20 iyun 2017 tarixində arxivləşdirilib. İstifadə tarixi: 13 noyabr 2018.
  5. 5,0 5,1 5,2 5,3 Xəyalə Məmmədova. ""Mən 14 yaşıma qədər dizlərim üstündə yerimişəm, ayaqlarım..."" (azərb.). metbuat.az (22 aprel 2017). 14 avqust 2017 tarixində arxivləşdirilib. İstifadə tarixi: 2 dekabr 2018.
  6. 6,0 6,1 6,2 6,3 "RASİM GƏNZƏLİ" (azərb.). qartal.org. 20 mart 2017 tarixində arxivləşdirilib. İstifadə tarixi: 2 dekabr 2018.
  7. "YAZIÇILAR BİRLİYİNİN MÜKAFATLARI TƏQDİM OLUNMUŞDUR" (azərb.). azertag.az (4 dekabr 2003). 3 dekabr 2018 tarixində arxivləşdirilib. İstifadə tarixi: 3 dekabr 2018.
  8. Nigar İsfəndiyarqızı. "“...bəxtimə yazılmışdı“" (azərb.). kaspi.az (28 avqust 2013). 2 dekabr 2018 tarixində arxivləşdirilib. İstifadə tarixi: 3 dekabr 2018.
  9. Mahmud Allahmanlı, Rasim Gənzəlinin bədii nəsri, Bakı, "Elm və təhsil", 2012, 188 səh.
  10. 10,0 10,1 Qiymət Məhərrəmli. "Əbədiləşən ədəbi sima–RASİM GƏNZƏLİ" (azərb.). edebiyyat-az.com (16 fevral 2017). 18 fevral 2017 tarixində arxivləşdirilib. İstifadə tarixi: 5 dekabr 2018.
  11. Səbinə Kərimova. "“Beynəlxalq Əlillər Cəmiyyəti”nə ağır itki üz verdi" (azərb.). sosialxeber.az (13 avqust 2018). 3 dekabr 2018 tarixində arxivləşdirilib. İstifadə tarixi: 3 dekabr 2018.
  12. ""Köçdü özünün əbədi diyarına..." - Aybəniz Haşımova bu xəbərlə sarsıldı - FOTO" (azərb.). shefeq.az (14 avqust 2018). 3 dekabr 2018 tarixində arxivləşdirilib. İstifadə tarixi: 3 dekabr 2018.
  13. "Qiyamət qopanda... (roman)" (azərb.). kitabklubu.org. 25 fevral 2018 tarixində arxivləşdirilib. İstifadə tarixi: 5 dekabr 2018.

Həmçinin bax[redaktə | əsas redaktə]

Xarici keçidlər[redaktə | əsas redaktə]