Ruhlarla sovrulanlar (cizgi filmi, 2001)

Vikipediya, açıq ensiklopediya
Keçid et: naviqasiya, axtar
Ruhlarla sovrulanlar
千と千尋の神隠し (Sen və Tihironun sirli yoxa çıxması)
千と千尋の神隠し (Sen və Tihironun sirli yoxa çıxması)
千と千尋の神隠し
Janr Fentezi
macəra
komediya
dram
məhəbbət
Tammetrajlı anime
Rejissor Hayao Miyazaki
Ssenarist Hayao Miyazaki
Prodüser Toşio Suzuki
Bəstəkar Dzö Hisaisi
Studiya Studio Ghibli[1]
İlk baxış 2001
Vaxt 125 dəqiqə

Ruhlarla sovrulanlar (yap. 千と千尋の神隠し – Sen To Chihiro no kamikakusi, Sen və Tihironun sirli yoxa çıxması; ing. Spirited Away) – 2001-ci ildə çəkilmiş tam metrajlı animedir. Animenin rejissoru Hayao Miyazakidir.[2] Animasiya filminin büdcəsi ABŞ dolları ilə 19 milyon, gəliri isə 274,925,095 milyon dollar olub.[3] Animasiya Yaponiya studiyası Studio Ghibli tərəfindən çəkilmişdir.[4] "Ruhlarla sovrulanlar" animasiyası böyük mükafatlar əldə etmiş ən yaxşı animasiya filmlərindəndir.[5] Animasiya tənqidçilər tərəfindən böyük reytinq əldə etmişdir.[6][7][8][9][10]

Məzmun[redaktə | əsas redaktə]

Akio və Yukonun qızı Çihiro Oqino qəribə xasiyyəti 10 yaşlı qızdır. Çihiro ailəsi ilə birlikdə yeni evə köçmək məqsədilə səfərə çıxırlar. Çixironun atası Akiro maşınını səhv döngəyə idarə edərək başqa yola çıxır. Bu yol ilə onlar meşədən keçərək böyük divarın qarşısına çıxırlar. Buranın qaranlıq tunelindən keçən zaman Çixiro buradan bərk qorxur. Onlar buradan çıxaraq vağzala bənzər şəhərcikdə restorana çatırlar. Bu restoranda heç kim yoxdur. Akio və həyat yoldaşı Yuko restoran stollarının birində yemək tapırlar və burada nahar etməyə başlayırlar. Çixiro isə restoranın ətrafında dolaşır və buranı diqqətlə seyr edir. Darvazaya çatan zaman Çixiro divarda yazılan "Abura-yanın hamamı" sözlərini oxuyur. Bu zaman Haku adında cavan oğlana peyda olur və ona buradan dərhal getmək lazım olduğunu deyir. Bu zaman Çixiro restorana qayıdır və valideynlərini bu barədə danışmaq istəyir. Amma artıq gecə yaxınlaşmışdır. Hər tərəfdən qara kölgələr peyda olur. Çixiro valideynlərinin yanına gələn zaman onların ev donuzuna döndüyünü görür və bundan bərk qorxur. Çixiro bura valideynləri gəldiyi körpüdən darvazaya tərəf qaçmaq istəyir. Lakin Çixiro bura qaçan zaman körpünün yerində böyük axan çayı görür.

Çixiro bu zaman Haku ilə rastlaşır və Haku onu hamama tərəf apararaq, ona burada baş verən hadisələri başa salır. Çixiro Hakunun sözlərindən başa düşür ki, onlar sehirli şəhərciyə düşüblər. Bu şəhərciyi isə cadugər Yubaba idarə edir. Burada yerləşən bütün restoran və hamamlar ona məxsusudur. Onun hamamına ruhlar, kabuslar və digər sehirli varlıqlar dincəlməyə gəlirlər. Yubaba işçiləri və şəxsi qonaqlarından başqa şəhərciyə gələn hər bir kəsi heyvana döndərir. Çixiro valideynlərini xilas etməsi üçün Yubabadan iş istəməlidir. Yubaba isə ondan iş istəyən hər bir kəsi qəbul edir. Çixiro yeni tanışlar Kamadzi baba və Rin sayəsində Yubabanın yanına gəlir. Yubaba onu işə qəbul edir və bu zaman Çixiroya "Sen" adı verir. Çixiro valideynləri insana çevirmək ümidi ilə hamamda işləməyə başlayır. Hamamda işləyən müddətdə Çixiro çoxlu çətinliklərnən qarşılaşır və bütün bunların öhdəsindən gəlməyi bacarır. Günlərin birində Çixiro əjdaha cildində olan Hakunun üzərinə vərəq formasında olan quşların hücum etdiyini görür. Çixiro Hakunun getdiyi yerə gələrəkən onu Yubabanın qarşısında görür. İfadələrdən aydın olur ki, Haku Yubabanın göstərişi ilə onun yaxşı cadugər olan əkiz-bacısı Dzenibdən ovsunlanmış vərəqi oğurlamış və bu zaman Haku lənətə düçar olmuşdu. Çixiro Kamadzi baba və çayın ruhu tərəfindən ona bağışlanılan "İsti şirniyyat" sayəsində Hakunun lənətini yox edərək, onu ölümdən həyata döndərməyi bacarır. Bu hadisədən sonra Çixiro Dzenibanın yanına gəlməyə qərar verir.

Çixiro bunun üçün sehirli qatar stansiyasına gəlir. Qatarda olan zaman Çixiro Dzenibanın ovsunu sayəsində kiçik quşa çevrilmiş Yubabanın Bo adında az yaşlı uşağını götürmüşdür. Çixiroya Simasız qara paltarlı ruh da qatılmış və onlar birlikdə qatarla yola düşmüşlər. Bu müddətdə Hakunun halı yaxşılaşmış və Yubabanın yanına gələrək, ondan Çixironun valideynlərini azad etməsini istəyir. Bu zaman Çixiro Dzenibadan Hakunu bağışlamasını istəyir və Dzeniba onunla razılaşır. Çixiro Dzenibanın evini tərk istəyən zaman Hakunu görür və onunla birlikdə geri qayıdır. Səfərdə Çixiro Hakunun əvvəlki adını yadına salır və ona deyir. Bu zaman Haku keçmişini xatırlayır və Yubabaya kömək etməkdən imtina edir. Geri qayıdan zaman Yubaba Çixironu sonuncu dəfə sınaqdan keçirir. Çixiro qarşısında peyda olan dozunlardan valideynlərini tapmalıdır. Amma Çixiro onların arasında valideynlərinin olmadığını görür və bu cavabı Yubabaya söyləyir. Çixironun cavabı düz olduğundan Yubaba bundan heyrətlənir. Bu cavabdan sonra Çixiro ilə Yubaba arasında imzalanmış müqavilə yox olur. Yubaba Çixironu və onun valideynlərini azad edir. Haku Çixironu yola salarkən ondan gedən zaman arxaya çönməməsini istəyir və işlərini qurtaran kimi onunla real həyatda görüşəcəyini bildirir. Vağzala bənzər darvazaya gələn Çixiro burada valideynləri görür. Çixiro qaranlıq tuneldən çıxan artıq buradan əvvəlki kimi qorxmur. Çixiro ailəsi ilə birlikdə buranı tərk edirlər.

Rolları səsləndirənlər[redaktə | əsas redaktə]

Personaj Orijinal ad Səsləndirən
Tixiro Oqen (Sen) Chihiro Ogino (荻野 千尋 Ogino Chihiro?) Xiiraqi Rumi
Haku Nigihayami Kohaku «Haku» Nushi (ニギハヤミコハクヌシ?) İrino Miyu
Kamadzi baba Kamaji (釜爺 lit. Caldera?) Natsuki Mari
Simasız Sin Cara (カオナシ Kaonashi?) Qasuin Tatsuya
Rin Lin (リン Rin?) Tamay Yumi
Bo ( ?) Kamiki Remosuke
Akio Oqino Akihiko Ogino (荻野 明彦 Ogino Akihiko?) Nayto Takaşi
Yuki Oqino Yumiko Ogino (荻野 悠美子 Ogino Yūmiko?) Savaquti Yasuko
Titi-Yaku Titi-Yaku (父役 Yaku-Titi?) Kamidzo Sumehiko
Ani-Yaku Aniyaku (兄役?) Ono Takexiko
Ao-Qaero Ao-Gaero (青蛙 Gaero-Ao?) Qasuin Tatsuya
Banday-Qaero Bandai-Gaero (番台蛙 Gaero-Bandai?) Oydzumi Yo
Yubaba Yubaba (湯婆婆 Yubaaba?, lit. Bathhouse witch) Natsuki Mari
Zeniba Zeniba (銭婆 Zeniiba?) Natsuki Mari

Yaradılması[redaktə | əsas redaktə]

Mən tamaşaçılar tərəfindən rəğbət bəslənilən sadə qız qəhrəmanı yaratmışam. Bu xarakterlərin böyüdüyü hekayə deyildir, ancaq hekayə onların daxillərində konkret hadisələrdən gələn spesifik vəziyyətdir. Mən istəyirəm ki, mənim dostlarım belə yaşasın və mən fikirləşirəm ki, onlarda da belə arzu vardır.
— Hayao Miyazaki[11]

Yaponiya ölkəsi animasiya filminin ən inkişaf etmiş ölkələrindən biridir. Hayoa Miyazakinin adı isə Yaponiyada animasiya mövzusunda bir əfsanə olaraq tanınır. Hayoa Miyazaki son animasiya filmi "Şahzadə Mononoke" (ing. Princess Mononoke) animasiyasından sonra kino karyerasına sona çatdırmağa qərar vermişdi. "Ruhlarla sovrulanlar" (yap. Sen To Chihiro No Kamikakushi) animasiya filmi ilə bu qərarından imtina edən Miyazaki film karyerasını taclandırmağa nail olmuşdur. Hayoa Miyazaki ailəsi və beş qız dostu ilə tətildə olan zaman dostları üçün yeni animasiya hazırlamaq qərarına gəlir. Miyazako müxtəlif jurnallardan ilhamlanaraq bu animasiyanın bünövrəsini qoyur. "Ruhlarla sovrulanlar" animasiyası böyük büdcə ilə çəkilmişdir. Miyazaki bu animasiyanı yaratmaq üçün müxtəlif məzmunlar yaratmışdır. Lakin yazdıqlarından ikisi studiya tərəfindən qəbul edilməmişdir. Onun tərəfindən hazırlanan üçüncü mövzusu "Ruhlarla sovrulanlar" hekayəsi ilə bağlıdır. Bu hekayənin əsas mövzusu hamam ətrafında baş verir. Miyazakinin fikrincə hamamın ətrafında müxtəlif sehrli varlıqlar olmalıdır. Animasiyanın hazırlanmasına 2000-ci ildən başlanılmışdır. "Şahzadə Mononoke" animasiyasını hazırlayan zaman studiya iştirakçıları bir çox proqramları eksperiment etmişlər. Bu zaman onlar bir çox yeni təminat proqramları öyrənirlər. Animasiyanın hazırlanmasında "Softimage" və digər proqramlardan istifadə edilmişdir.[12] Miyazaki hekayəni hazırlayan zaman baş qəhrəman qızın gözəl olmasını istəmirdi. Animasiyanın hazırlanmasına başlanılan zaman baş qəhrəmanın qəmgin personaj kimi göstərilməsi Miyazakini narahat edirdi. Amma animasiyanın sonuna yaxın Miyazaki fikrini dəyişdirmiş və personajın bu xasiyyətindən məmnun olmuşdu. Miyazaki Tokioda yerləşən Koqanei yaşayış məntəqəsindı olan "Edo-Tokyo Open Air" adlı arxitektor muzeyindən ilhamlanaraq sirli ruh varlıqları yaratmışdır. Tayvanda yerləşən " Jiufen" şəhəri, Yamaqato Prefekturasındakı Notoyaryokan mehmanxanası animasiyanın hazırlanması üçün ilham mənbələrindən biridir. Yaponiyanın Şitoku adasında yerləşən məşhur hamamlardan biri olan "The Dōgo Onsen" animasiyada göstərilən hamamın yaradılmasında əsas mənbə kimi göstərilə bilər.[13]

Mükafatlar və nominasiyalar[redaktə | əsas redaktə]

"Ruhlarla sovrulanlar" animasiyası Buz dövrü, Lilo və Stiç, "Spirit" və "Xəzinə planeti" kimi animasiyaları qabaqlayaraq 2002-ci ildə "Ən ən yaxşı qısametrajlı animasiya filmi" mükafatını qazanır.[14] Həmin ildə animasiya filmi "Berlin festivalında" "Qızıl ayı" mükafatına layiq görülür və Amerikanın Milli Tənqidçilər tərəfindən "İlin ən yaxşı qısametrajlı animasiyası" mükafatını qazanır.[15][16]

İl Mükafat və ya Nominasiya Qazanan Nəticə
2003 Amerikan Kino Akademiyası Mükafatı Ən Yaxşı Animasiya Oskar Mükafatı Qalib
2003 Enni mükafatı Ən Yaxşı Animasiya Mükafatı, Ən Yaxşı Rejissor Mükafatı, Ən Yaxşı Ssenari Mükafatı Qalib
2002 25-ci Yapon Akademiya Mükafatı Ən Yaxşı Film Mükafatı[17] Qalib
2002 52-ci Berlin Beynəlxalq Film Festivalı Ən Yaxşı Film, Qızıl Ayı Mükafatı Qalib
2002 Boston Film Tənqidçiləri Xüsusi Mükafat Qalib
2003 BFCA Mükafatı Ən Yaxşı Animasiya Mükafatı Qalib
2003 Sinekid Film Mükafatı Ən Yaxşı Film Mükafatı Qalib
2002 Dallas Film Tənqidçiləri Ən Yaxşı Animasiya Mükafatı Qalib
2003 Florida Film Tənqidçiləri Ən Yaxşı Animasiya Mükafatı Qalib
2003 Golden Satellite Mükafatı Ən Yaxşı Film Mükafatı Qalib
2002 Honq Konq Film Festivalı Ən Yaxşı Asiya Filmi Mükafatı Qalib
2002 Los Anceles Film Tənqidçiləri Ən Yaxşı Animasiya Mükafatı Qalib
2003 Nyu York Film Tənqidçiləri Ən Yaxşı Animasiya Mükafatı Qalib
2003 Onlayn Film Tənqidçilər Birliyi Ən Yaxşı Animasiya Mükafatı Qalib
2003 San Fransisko Film Festivalı Ən Yaxşı Film Tamaşaçı Mükafatı Qalib
2002 Saturn mükafatı Ən Yaxşı Animasiya Namizədi, Ən Yaxşı Musiqi Namizədi, Ən Yaxşı Ssenari Namizədi Nominasiya
2003 Çikaqo Film Festivalı Ən Yaxşı Xarici Dildə Film Namizədi, Ən Yaxşı Musiqi Namizədi Nominasiya
2002 Sezar mükafatı Ən Yaxşı Xarici Dildə Film Namizədi Nominasiya
2002 15-ci Avropa Film Mükafatı Ən Yaxşı Rejissor Namizədi Nominasiya
2003 Amerikan Səs Fantastikası Mükafatı Ən Yaxşı Səs Fantastikası Namizədi Nominasiya
2003 Onlayn Film Tənqidçilər Birliyi Ən Yaxşı Xarici Dildə Film Namizədi Nominasiya

Saundtrek siyahısı[redaktə | əsas redaktə]

"Ruhlarla sovrulanlar"
Albom haqqında
Albom ili 2001
Çıxış tarixi 17 iyul 2001
Vaxt 59:51
Ölkə Flag of Japan.svg Yaponiya
Firma Tokuma Japan Communications

Ruhlarla sovrulanlar animasiyasının saundtreki - 2001-ci ildə buraxılmış saundtrek albomudur. Saundtrek siyahısında 21 trek vardır. İlk 20 trekin müəllif Co Hisaişidir. Sonuncu trek olan "Always With Me" treki Osakadan olan arfada ifa edən Kimura Yumi tərəfindən səsləndirilmişdir.[18][19] Mahnının musiqi Kimura Yuminin, sözlərinin müəllif isə onun dostu Bakako Kakudur. Bu mahnı Hayao Miyazakinin çəkilməmiş "Rin, bacaların rəssamı" animesi üçün hazırlanmışdır.[20]

Orijinal treklərin siyahısı
Yaponca adı İngiliscə adı Trekin davam etmə müddəti
1 あの夏へ (Ano natsu e?) One Summer's Day 3:09
2 とおり道 (Tōri michi?) A Road to Somewhere 2:07
3 誰もいない料理店 (Dare mo inai ryōriten?) The Empty Restaurant 3:15
4 夜来る (Yoru kuru?) Nighttime Coming 2:00
5 竜の少年 (Ryū no shōnen?) The Dragon Boy 2:12
6 ボイラー虫 (Boirā mushi?) Sootballs 2:33
7 神さま達 (Kami-samatachi?) Procession of the Spirits 3:00
8 湯婆婆 (Yubaba?) Yubaba 3:30
9 湯屋の朝 (Yuya no asa?) Bathhouse Morning 2:02
10 あの日の川 (Ano hi no kawa?) Day of the River 3:13
11 仕事はつらいぜ (Shigoto wa tsuraize?) It's Hard Work 2:26
12 おクサレ神 (Okusare-kami?) The Stink Spirit 4:01
13 千の勇気 (Sen no yūki?) Sen's Courage 2:45
14 底なし穴 (Sokonashi ana?) The Bottomless Pit 1:18
15 カオナシ (Kaonashi?) Kaonashi (No Face) 3:47
16 6番目の駅 (Roku-banme no eki?) The Sixth Station 3:38
17 湯婆婆狂乱 (Yubaba kyōran?) Yubaba's Panic 1:38
18 沼の底の家 (Numa no soko no ie?) The House at Swamp Bottom 1:29
19 ふたたび (Futatabi?) Reprise 4:53
20 帰る日 (Kaeru hi?) The Return 3:20
21 いつも何度でも (Itsu mo nando demo?) Always With Me 3:35

Orijinal treklər ilə bərabər saundtrek albomunun təsvir siyahısı vardır. Təsvir albomunda 4 trekin bəstəkarı Co Hisaişidir.[21] Bu siyahıda isə 10 trek vardır.

Təsvir albomunun siyahısı
Yaponca adı İngiliscə adı Müəllif Trekin davam etmə müddəti
1 あの夏へ (Ano natsu e?) To that Days' River Umi 3:54
2 夜が来る (Yoru ga kuru?) Night is Coming Dzö Hisaisi 4:25
3 神々さま (Kamigami-sama?) Gods Shizuru Otaka 3:55
4 油屋 (Yuya?) Bathhouse Tsunehiko Kamijō 3:56
5 不思議の国の住人 (Fushigi no kuni no jyūnin?) The People in Wonderland Dzö Hisaisi 3:20
6 さみしいさみしい (Samishii samishii?) Lonely lonely Monsieur Kamayatsu 3:41
7 ソリチュード (Sorichūdo?) Solitude Rieko Suzuki y
Hiroshi Kondo
3:49
8 (Umi?) The Sea Dzö Hisaisi 3:22
9 白い竜 (Shiroi ryū?) White Dragon Rikki 3:33
10 千尋のワルツ (Chihiro no warutsu?) Chihiro's Waltz[22] Dzö Hisaisi 3:20

Ölkələrdə gəliri[redaktə | əsas redaktə]

"Ruhlarla sovrulanlar" animasiya filmi bütün ölkələrdə məşhurluğu ilə seçilirdi. "Ruhlarla sovrulanla" animasiyasının büdcəsi ABŞ dolları ilə 10 milyon olub. Bu animasiya filmi ABŞ-da ilk həftədə $449 839 min, ümumi hesabda isə $10 milyon gəlir əldə etmişdir.[23] Animasiya filmi 20 sentyabr 2002-ci il tarixində dünya kinoteatrlarında göstərilmiş, bu göstərilmə 4 sentyabr 2003-cü il tarixində başa çatmışdır. Kinoteatrda göstərilişin ilk günündə animasiya $125 272 min dollar əldə etmişdir.[24] Animasiyanın ən böyük prokat gəliri $1 765 491 milyondur. "Ruhlarla sovrulanlar" animasiya filmi digər ölkələrdə $264 869 236 milyon, ümumi hesabda isə $274 925 095 milyon gəlir əldə etmişdir.[25]

"Ruhlarla sovrulanlar" animasiya filminin dünya ölkələrində ümumi gəliri
Ölkə Tamaşaçının sayı Ölkə Tamaşaçının sayı Ölkə Tamaşaçının sayı
Flag of Japan.svg Yaponiya[26][27] 24.796.085 Flag of Switzerland.svg İsveçrə 62.295 Flag of the Netherlands.svg Niderland[28] 23.367
Flag of South Korea.svg Cənubi Koreya[29] 2.880.690 Flag of Argentina.svg Argentina[30] 57.918 Flag of Quebec.svg Kvebek[31] 15.280
Flag of the United States.svg ABŞ[32] 1.694.409 Flag of Denmark.svg Danimarka[33] 55.410 Flag of Norway.svg Norveç[34] 15.107
Flag of France.svg Fransa[35] 1.461.488 Flag of Poland.svg Polşa[36] 55.364 Flag of Turkey.svg Türkiyə[37] 14.654
Flag of Germany.svg Almaniya[38] 427.341 Flag of Sweden.svg İsveç[39] 48.455 Flag of the Czech Republic.svg Çexiya[40] 10.693
Flag of Brazil.svg Braziliya[41] 321.544 Flag of Finland.svg Finlandiya[42] 38.080 Flag of Estonia.svg Estoniya[43] 2.902
Flag of Spain.svg İspaniya[44] 239.486 Flag of Australia.svg Avstraliya[45][46] 29.180 Flag of Slovakia.png Slovakiya[47] 164
Flag of the United Kingdom.svg Böyük Britaniya[48] 204.328 Flag of Hungary.svg Macarıstan[49] 28.704 Flag of Slovenia.png Sloveniya[50] 96
Flag of Italy.svg İtaliya[51] 161.138 Flag of Belgium (civil).svg Belçika[52] 25.112 Crystal Clear app package network.png Dünyada ümumi gəlir 32.751.926

İstinadlar[redaktə | əsas redaktə]

  1. "«Ruhlarla sovrulanlar» animasiyasını istehsal edən şirkətlər". World-Art. Arxivləşdirilib: [1] saytından 10.05.2008 tarixində. http://www.webcitation.org/6187Z1CBB. İstifadə tarixi: 2011-08-22.
  2. Johnson, G. Allen. "Spirited away top grossing film in Japan". The San Francisco Chronicle. Yoxlanılıb 2009-02-01.
  3. "Spirited away top grossing film in Japan". http://www.sfgate.com/cgi-bin/article.cgi?f=/c/a/2005/02/03/DDGHFB40EG1.DTL. İstifadə tarixi: 2009-02-01.
  4. "Sen To Chihiro No Kamikakushi". Yoxlanılıb: 13 May, 2012
  5. Best animation movies Rottentomatoes.com Yoxlanılıb: 29 Dekabr 2012
  6. "Reviews :: Spirited Away". rogerebert.com. Arxivləşdirilib: [2] saytından 2011-08-22 tarixində. http://www.webcitation.org/6187aGC4x. İstifadə tarixi: 10.05.2008.
  7. 846 kino tənqidçinin rəy nəticəsi "Sight & Sound" jurnalında Yoxlanılıb: 1 Yanvar 2013
  8. IMDb Top 250 Yoxlanılıb: 1 Yanvar 2013
  9. The 100 Best Films Of World Cinema Empireonline.com Yoxlanılıb: 1 Yanvar 2013
  10. "Spirited Away (2002)" (en). Box Office Mojo. http://www.boxofficemojo.com/movies/?id=spiritedaway.htm. İstifadə tarixi: 27 Avqust 2012.
  11. Dogo Onsen japan-guide.com Yoxlanılıb: 2 yanvar 2013
  12. Notoya in Ginzan Onsen stop businees for renovation. Tenkai-japan: Cool Japan Guide-Travel, Shopping, Fashion, J-pop Yoxlanılıb: 2 Yanvar 2013
  13. The Making of Hayao Miyazaki's "Spirited Away" – Part 1. Jimhillmedia.com. Yoxlanılıb: 2 yanvar 2013
  14. "Spirited Away Captures Oscar". Anime News Network. http://www.animenewsnetwork.com/news/2003-03-23/spirited-away-captures-oscar. İstifadə tarixi: 10.05.2008.
  15. "Bloody Sunday wins Golden Bear". BBC NEWS. Arxivləşdirilib: [3] saytından 2011-08-22 tarixində. http://www.webcitation.org/6187fUaUC. İstifadə tarixi: 10.05.2008.
  16. "Spirited Away at Japan's Awards". BNFF 2002. Arxivləşdirilib: [4] saytından 2011-08-22 tarixində. http://www.webcitation.org/6187gPVZJ. İstifadə tarixi: 10.05.2008.
  17. "List of award-winning films at the 25th Japan Academy Awards" (Japanese). Japan Academy Awards Association. http://www.japan-academy-prize.jp/prizes/?t=25. İstifadə tarixi: 14 May, 2012.
  18. "Yumi Kimura". Anime News Network. http://www.animenewsnetwork.com/encyclopedia/people.php?id=1197. İstifadə tarixi: 7.05.2006.
  19. "Always With Me" trekinin fortepiano üçün not cədvəli Yoxlanılıb 1 yanvar 2013
  20. Ruhlarla sovrulanlar animasiyasının rejissoru Hayao Miyazaki Yoxlanılıb 1 yanvar 2013
  21. "Jō Hisaishi". Anime News Network. http://www.animenewsnetwork.com/encyclopedia/people.php?id=1196. İstifadə tarixi: 7.05.2006.
  22. "Chihiro's Waltz" trekinin fortepiano üçün not cədvəli Yoxlanılıb 1 yanvar 2013
  23. "Ruhlarla sovrulanlar" animasiya filminin ilk həftədə gəliri Kinopoisk.ru Yoxlanılıb: 1 yanvar 2013
  24. "Ruhlarla sovrulanlar" animasiya filminin ilk günündə gəliri Kinopoisk.ru Yoxlanılıb: 1 yanvar 2013
  25. "Ruhlarla sovrulanlar" animasiya filminin gəliri Kinopoisk.ru Yoxlanılıb: 1 yanvar 2013
  26. "Ruhlarla sovrulanlar" animasiya filminin Yaponiya ölkəsində gəliri Yoxlanılıb: 29 Dekabr 2012
  27. "Ruhlarla sovrulanlar" animasiya filminin Yaponiya ölkəsində gəliri Imdb.com Yoxlanılıb: 29 dekabr 2012
  28. "Ruhlarla sovrulanlar" animasiya filminin Niderland ölkəsində gəliri Yoxlanılıb: 29 dekabr 2012
  29. "Ruhlarla sovrulanlar" animasiya filminin Cənubi Koreya ölkəsində gəliri Yoxlanılıb: 29 dekabr 2012
  30. "Ruhlarla sovrulanlar" animasiya filminin Argentina ölkəsində gəliri Yoxlanılıb: 29 Dekabr 2012
  31. "Ruhlarla sovrulanlar" animasiya filminin Kvebek ölkəsində gəliri Yoxlanılıb: 29 dekabr 2012
  32. "Ruhlarla sovrulanlar" animasiya filminin ABŞ ölkəsində gəliri Yoxlanılıb: 29 dekabr 2012
  33. "Ruhlarla sovrulanlar" animasiya filminin Danimarka ölkəsində gəliri Yoxlanılıb: 29 dekabr 2012
  34. "Ruhlarla sovrulanlar" animasiya filminin Norveç ölkəsində gəliri Yoxlanılıb: 29 dekabr 2012
  35. "Ruhlarla sovrulanlar" animasiya filminin Fransa ölkəsində gəliri Yoxlanılıb: 29 Dekabr 2012
  36. "Ruhlarla sovrulanlar" animasiya filminin Polşa ölkəsində gəliri Yoxlanılıb: 29 dekabr 2012
  37. "Ruhlarla sovrulanlar" animasiya filminin Türkiyə ölkəsində gəliri Yoxlanılıb: 29 dekabr 2012
  38. "Ruhlarla sovrulanlar" animasiya filminin Almaniya ölkəsində gəliri Yoxlanılıb: 29 Dekabr 2012
  39. "Ruhlarla sovrulanlar" animasiya filminin İsveç ölkəsində gəliri Yoxlanılıb: 29 dekabr 2012
  40. "Ruhlarla sovrulanlar" animasiya filminin Çexiya ölkəsində gəliri Yoxlanılıb: 29 dekabr 2012
  41. "Ruhlarla sovrulanlar" animasiya filminin Braziliya ölkəsində gəliri Yoxlanılıb: 29 dekabr 2012
  42. "Ruhlarla sovrulanlar" animasiya filminin Finlandiya ölkəsində gəliri Yoxlanılıb: 29 dekabr 2012
  43. "Ruhlarla sovrulanlar" animasiya filminin Estoniya ölkəsində gəliri Yoxlanılıb: 29 dekabr 2012
  44. "Ruhlarla sovrulanlar" animasiya filminin İspaniya ölkəsində gəliri Yoxlanılıb: 29 dekabr 2012
  45. "Ruhlarla sovrulanlar" animasiya filminin Avstraliya ölkəsində gəliri Yoxlanılıb: 29 Dekabr 2012
  46. "Ruhlarla sovrulanlar" animasiya filminin Avstraliya ölkəsində gəliri Screenaustralia.gov.au Yoxlanılıb: 29 dekabr 2012
  47. "Ruhlarla sovrulanlar" animasiya filminin Slovakiya ölkəsində gəliri Yoxlanılıb: 29 dekabr 2012
  48. "Ruhlarla sovrulanlar" animasiya filminin Böyük Britaniya ölkəsində gəliri Yoxlanılıb: 29 dekabr 2012
  49. "Ruhlarla sovrulanlar" animasiya filminin Macarıstan ölkəsində gəliri Yoxlanılıb: 29 dekabr 2012
  50. "Ruhlarla sovrulanlar" animasiya filminin Sloveniya ölkəsində gəliri Yoxlanılıb: 29 dekabr 2012
  51. "Ruhlarla sovrulanlar" animasiya filminin İtaliya ölkəsində gəliri Yoxlanılıb: 29 Dekabr 2012
  52. "Ruhlarla sovrulanlar" animasiya filminin Belçika ölkəsində gəliri Yoxlanılıb: 29 dekabr 2012

Xarici keçidlər[redaktə | əsas redaktə]