Samir Cavadzadə

Vikipediya, azad ensiklopediya
Jump to navigation Jump to search
Samir Cavadzadə
Samir Rafiq oğlu Cavadzadə
ESC 2008 - Azerbaijan - Samir Cavadzade, 1st semifinal.jpg
Ümumi məlumatlar
Doğum tarixi (41 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Musiqiçi məlumatları
Fəaliyyəti müğənni
Fəaliyyət illəri 2003-cü ildən
Janr pop-musiqi
Vikianbarın loqosu Vikianbarda əlaqəli mediafayllar

Samir Cavadzadə (d. 16 aprel 1980) — azərbaycanlı müğənni. "Şeron" qrupunun keçmiş üzvü, 2008-ci ildə Elnur Hüseynovla birlikdə Azərbaycanı Avroviziya Mahnı Müsabiqəsində ilk dəfə təmsil etmişdir. Həmin müsabiqədə Elnur və Samir dueti 8-ci yeri tutmuşdu.

Həyatı və karyerası[redaktə | mənbəni redaktə et]

Samir Cavazadə 16 aprel, 1980 ilində Bakıda anadan olmuşdur. Uşaqlıqdan etibarən oxumağa başlamışdır.

1992-ci ildə №9 musiqi məktəbində təhsil almağa başlamışdır. Azərbaycan xalq musiqisinin ifaçısı, xanəndə sayılır.

1997-ci ildə Biznes Universitetinə "Xarici əlaqələr" fakültəsinə daxil olur. İnstitutu bitirdikdən sonra 5 il muğam kurslarında oxuyur. 1 il hərbi xidmətdən sonra Vaqif Gərayzadənin "Şeron" qrupunun üzvünə çevrilir.

2006-cı ildə qrupu tərk edir və solo karyeraya başlayır.

Avroviziya 2008[redaktə | mənbəni redaktə et]

2008-ci ildə Samir Cavadzadə Azərbaycanı ilk dəfə olaraq Avroviziya Mahnı Müsabiqəsində təmsil etmək üçün milli seçimdə iştirak edir. 2 fevral tarixində keirilən milli finalda Elnur Hüseynov əvvəlcə Eldar Mansurovun "İf You Never Back" mahnısını ifa edir. Daha sonradan Samir Cavadzadə ilə duetdə Day After Day mahnısını ifa edir. Münsiflər heyətinin səsverməsindən sonra o Samir ilə duet şəklində qələbə qazandı. 2008 Avroviziya Mahnı Müsabiqəsi Belqrad şəhərində Serbiyada keçirildi. İlk yarınfinalda duet 96 balla 6-cı yeri tutdu və finala çıxdı. Finalda təmsilçilərimiz 132 balla 8-ci oldular. Day After Day sinqli bir çox xarici ölkələrdə tanındı. Mahnıya çəkilmiş klip isə uzun müddət Azərbaycan çartlarında birinci yerdə qaldı.

İyul ayında Samir Elnur və digər müğənnilər ilə birlikdə Neolit restoranının reklam çarxında çəkilir. Daha sonra Elnur Hüseynovla birlikdə əfsanəvi ''Modern Talking'' qrupunun ''Cheri Cheri Lady'' mahnısını ifa edirlər. [1]

Lakin daha sonradan onun barədə yayılan şaiələrə görə uzun müddət efirdən uzaqlaşır və istirahət edir.

Əvvəlki:
-
Azərbaycan Avroviziya Mahnı Müsabiqəsində
(Elnur ilə)
2008
Sonrakı:
Aysel & Arəş

Solo karyerası[redaktə | mənbəni redaktə et]

İlk ifaları "Bəlkə" (mən bəlkə sən) [2] ''Mənim üçün yox'' [3] olmuşdur.

Röya ilə oxuduğu "Deyin ona" [4] mahnısı uzun müddət Azərbaycanda hit olmuşdur, hətta bu mahnıya klip də çəkilmişdir. [5]

2008 Avroviziya Mahnı Müsabiqəsindəki iştirakından sonra Samir Cavadzadə efirdən uzaqlaşır.

2010-cu ildə Samir "Səninlə Birlikdə'' (Quci, quci), bəstəsi Ramal İsrafilov olan "İnsafsızlar", musiqisi Xəyal Rzazadəyə aid olan ''Təkcə Sənə Bağlanıb Qəlbim (Son görüş), "Bu da Son" adlı mahnılar yazır və efirə qayıtmağa başlayır..

2011-ci ilin yanvarında müğənninin prodüseri onun ilk solo konsert verməyi planlaşdırdığını bildirdi. Lakin daha sonrdan bu konsertin ilin sonunda keçirələcəyi bildirildi.

2017-ci ildə ''Şəhər darıxır bizsiz'' adlı ifasını təqdim etdi.

Uzun fasilədən sonra 2019-cu il 13 fevral tarixində "Sev Məni" adlı klipini təqdim etmişdir. Baxış sayı qısa müddət ərzində 2 milyonu keçmişdir.