Solmaz Orlinskaya

Vikipediya, azad ensiklopediya
Jump to navigation Jump to search
Solmaz Orlinskaya
Doğum adı Nina Orlinskaya
Ləqəbi Nona
Doğum tarixi 25 sentyabr 1906(1906-09-25)
Doğum yeri Yelizavetpol, Yelizavetpol quberniyası, Rusiya İmperiyası
Vəfat tarixi 17 iyun 1973(1973-06-17) (66 yaşında)
Vətəndaşlığı Rusiya İmperiyası Rusiya İmperiyası
Azərbaycan AXC
SSRİ SSRİ
Peşəsi teatr aktrisası
Fəaliyyət illəri 1924–1973
Teatr Tiflis Dövlət Azərbaycan Dram Teatrı (1924–1933);
Gəncə Dövlət Dram Teatrı (1933–1973)
Mükafatları "Azərbaycan SSR xalq artisti" fəxri adı — 1955 "Azərbaycan SSR əməkdar artisti" fəxri adı — 1943

Solmaz (Nina) Qaragen qızı Orlinskaya (25 sentyabr 1906(1906-09-25), Yelizavetpol17 iyun 1973(1973-06-17)) — Azərbaycan aktrisası, Azərbaycan SSR xalq artisti (1955).

Həyatı[redaktə | əsas redaktə]

Solmaz Orlinskaya 1906-cı il sentyabrın 25-də Yelizavetpolda (hazırkı Gəncə) anadan olub. Atası milliyyətcə yunan olmuşdur. Əsl adı Nina olan aktrisasın adı ilk illərdə bəzi proqramlarda "Nona" kimi də yazılıb. O, Cəfər Cabbarlının "Od gəlini" qəhrəmanlıq dramında Solmaz rolununun ifasında fərqləndiyinə görə özünə bu adı səhnə təxəllüsü olaraq götürüb. Solmaz Orlinskaya beş sinif təhsil almışdır.[1]

İlk dəfə səhnəyə 15 yaşında Gəncə Dəmiryolçular klubunun dram dərnəyində çıxan aktrisa burada, Qadınlar klubunda, 1924-cü ildə Şamaxı şəhər dram dərnəyində müxtəlif rollar oynayıb. 1924–1933-cü illərdə M.F.Axundov adına Tiflis Dövlət Azərbaycan Dram Teatrında işləyib. 1933-cü ildə Gəncə Dövlət Dram Teatrının truppasına daxil olub və ömrünün sonuna kimi burada yaradıcılıq fəaliyyəti göstərib.[1]

Solmaz Orlinskaya 17 iyun 1973-cü ildə vəfat edib.

Mükafatları[redaktə | əsas redaktə]

İfa etdiyi əsas rollar[redaktə | əsas redaktə]

Tamaşa Müəllif Rol
Sevil Cəfər Cabbarlı Sevil
Aydın Cəfər Cabbarlı Gültəkin və Böyükxanım
Almaz Cəfər Cabbarlı Almaz, Xanımnaz və Yaxşı
1905-ci ildə Cəfər Cabbarlı Sona, Mariya Timofeyevna və Nabat
Oqtay Eloğlu Cəfər Cabbarlı Firəngiz
Toy Sabit Rəhman Ziynət
Xoşbəxtlər Sabit Rəhman İnci
Aydınlıq Sabit Rəhman Fəridə
Nişanlı qız Sabit Rəhman Qəmər
Əliqulu evlənir Sabit Rəhman Yasəmən
Ölülər Cəlil Məmmədquluzadə Kərbəlayi Fatmanisə
Pəri cadu Əbdürrəhim bəy Haqverdiyev Səlimə
Dağılan tifaq Əbdürrəhim bəy Haqverdiyev Sona xanım
Müsibəti-Fəxrəddin Nəcəf bəy Vəzirov Səadət xanım
Hacı Qəmbər Nəcəf bəy Vəzirov Cəvahir
Hacı Fərəc Nəcəf bəy Vəzirov Ziynət xanım
Səyavuş Hüseyn Cavid Rübabə
Şeyx Sənan Hüseyn Cavid Xumar
Xanlar Səməd Vurğun Mehriban
Vaqif Səməd Vurğun Xuraman
Fərhad və Şirin Səməd Vurğun Şirin
Eşq və intiqam Süleyman Sani Axundov Həcər xanım
Həyat Mirzə İbrahimov Həyat
Məhəbbət Mirzə İbrahimov Məhəbbət
Vəfa Rəsul Rza Vəfa

İstinadlar[redaktə | əsas redaktə]

  1. 1 2 İlham Rəhimli (2017). Azərbaycan Teatr Ensiklopediyası. III cild. Azərnəşr. səh. 202–203.