Telman Qurbanov

Vikipediya, azad ensiklopediya
Jump to navigation Jump to search
Telman Qurbanov.jpg
Telman Qurbanov
Telman Xudam oğlu Qurbanov
Doğum tarixi 6 noyabr 1936(1936-11-06)[1]
Doğum yeri Naxçıvan şəhəri
Vəfat tarixi 17 oktyabr 1990(1990-10-17)
Vəfat yeri Bakı şəhəri
Vətəndaşlığı Azərbaycan Azərbaycan
Milliyyəti azərbaycanlı
Elm sahəsi Kimya
Elmi dərəcəsi Müxbir üzv, professor
Elmi adı Professor
İş yeri Qeyri-üzvi və Fiziki Kimya İnstitutu
Təhsili Bakı Dövlət Universiteti

Həyatı[redaktə | əsas redaktə]

Qurbanov Telman Xudam oğlu 1936-cı il noyabrın 6-da Naxçıvan şəhərində qulluqçu ailəsində anadan olub. 1955-ci ildə 1 saylı Naxçıvan şəhər orta məktəbini qızıl medalla bitirib, 1955-ci ildə Bakı Dövlət Universitetinin kimya fakültəsinə qəbul olunub. 1960-cı ildə Bakı Dövlət Universitetinin kimya fakültəsini bitirib. 1968-ci ildə kimya üzrə fəlsəfə doktoru və 1982-ci ildə kimya üzrə elmlər doktoru elmi dərəcəsini, 1983-cü ildə isə professor elmi adını alıb, 1989-ci ildə Azərbaycan EA-nın müxbir üzvü seçilib.

Elmi fəaliyyəti[redaktə | əsas redaktə]

1970-1983-cü illərdə Azərbaycan SSR EA Qeyri-üzvi və Fiziki Kimya İnstitutunda elmi işlər üzrə direktor müavini, 1983-1985-ci illərdə direktor vəzifəsinin icraçısı, 1985-1990-cı illərdə laboratoriya müdiri olub. T.Qurbanovun bilavasitə rəhbərliyi altında respublikada ilk dəfə renium və texnesiumun yeni sinif koordinasion birləşmələrinin sintezi üçün metodlar və bu birləşmələr əsasında münasib metalların, nazik örtük və təbəqələrin aşağı temperatur və təzyiqdə alınma texnologiyası hazırlanıb. Renium xalkogenidləri əsasında aparılan tədqiqatlar tərkibində nadir-torpaq metalları olan yeni üçlü birləşmələrin alınmasında geniş istifadə olunmuşdur ki, bu da yarımkeçirici və termoelektrik xassəli materialların sintez edilməsinə imkan yaratmışdır. Onun rəhbərliyi ilə 1 elmlər doktoru, 15 fəlsəfə doktoru yetişdirilib.

Elmi əsərləri[redaktə | əsas redaktə]

T.Qurbanovun əldə etdiyi elmi nəticələr onun bir sıra elmi məqalələrində, o cümlədən prof. P.H.Rüstəmov və prof. Ö.M.Əliyevlə birgə nəşr etdirdiyi «Nadir-torpaq elementlərinin üçlü xalkogenidləri» adlı monoqrafiyada öz əksini tapıb. O, 135 elmi əsərin, 45 müəlliflik şəhadətnaməsi və 1 monoqrafiyanın müəllifidir.

Müəllif şəhadətnamələri və patentləri[redaktə | əsas redaktə]

O, 45 müəlliflik şəhadətnaməsinin müəllifidir.

Beynəlxalq konfranslarda iştirakı[redaktə | əsas redaktə]

Çoxlu sayda beynəlxalq konfranslarda iştirak etmişdir.

Elmi-təşkilati fəaliyyəti[redaktə | əsas redaktə]

T.Qurbanov 1967-1970-ci illərdə Azərbaycan EA-nın Rəyasət Heyəti aparatının, "Tətbiq və Elmi təşkilat" şöbəsinin müdiri və akademik katibinin müavini vəzivələrində çalışmışdır. 1970-1983-cü illərdə Azərbaycan SSR EA Qeyri-üzvi və Fiziki Kimya İnstitutunda elmi işlər üzrə direktor müavini, 1983-1985-ci illərdə direktor vəzifəsinin icraçısı, 1985-1990-cı illərdə laboratoriya müdiri olub.

Dissertantlara elmi rəhbərlik və opponent[redaktə | əsas redaktə]

T.Qurbanovun rəhbərliyi ilə 1 elmlər doktoru, 15 fəlsəfə doktoru yetişdirilib.

Pedaqoji fəaliyyəti[redaktə | əsas redaktə]

Heydər Əfəndiyev 1938-1945-ci illərdə Azərbaycan Sənaye İnstitutunda assistent və dosent, 1945-1958-ci illərdə BDU-da əvvəlcə dosent sonra professor kimi işləmişdir.

Beynəlxalq və xarici ölkələrin elmi qurumlarında üzvlüyü[redaktə | əsas redaktə]

T.Qurbanov keçmiş SSRİ-nin və Azərbaycan EA-nın bir sıra elmi, elmi texniki və problem şuralarının sədri və onların üzvü olmuşdur.

Təltif və mükafatlar[redaktə | əsas redaktə]

T.Qurbanov 3 dəfə Ümumittifaq Xalq Təsərrüfatı Nailiyyətləri Sərgisinin qızıl (1978), gümüş (1980, 1982) medallarına və bir sıra Fəxri fərmanlara layiq görülüb.

İstinadlar[redaktə | əsas redaktə]

  1. "Telman Xudam oğlu Qurbanov". Azərbaycan Milli Elmlər Akademiyası. İstifadə tarixi: 31 may 2017.