Zakir Həsənov

Zakir Həsənov
Azərbaycan Respublikasının müdafiə naziri
Vəzifədədir
22 oktyabr 2013-cü ildən
Əvvəlki	Səfər Əbiyev
Şəxsi məlumatlar
Doğum tarixi	6 iyun 1969 (1969-06-06)
Doğum yeri	Astara, Azərbaycan
Təhsili	Heydər Əliyev adına Azərbaycan Ali Hərbi Məktəbi, Bakı Ali Ümumqoşun Komandirlər Məktəbi, Cəmşid Naxçıvanski adına hərbi lisey
Fəaliyyəti	siyasətçi, hərbi qulluqçu
Hərbi xidmət
Mənsubiyyəti	Azərbaycan Silahlı Qüvvələri, Azərbaycan Respublikası, general-polkovnik
Döyüşlər	Aprel döyüşləri, Tovuz döyüşləri (2020), İkinci Qarabağ müharibəsi
Rütbəsi	general-polkovnik
Təltifləri	Digər dövlətlər
Vikianbarda əlaqəli mediafayllar

Zakir Əsgər oğlu Həsənov (d. 6 iyun 1969; Astara, Azərbaycan) — Azərbaycan Silahlı Qüvvələrinin general-polkovniki. Azərbaycan Respublikasının Müdafiə naziri (2013-cü ildən).

Həyatı

Zakir Həsənov 6 iyun 1969-cu ildə Astara rayonunda anadan olmuşdur. 1980-ci ildə Bakı Ali Ümumqoşun Komandirləri Məktəbini bitirmiş, həmin ildən 1985-ci ilədək Almaniyada yerləşən Sovet Ordusu sıralarında xidmət etmişdir.

1985-ci ildən 1993-cü ilədək SSRİ Müdafiə Nazirliyinin Sibir Hərbi Dairəsinin Altay Hərbi Komissarlığında çalışmışdır. 1993-2003-cü illərdə Azərbaycan Respublikası Milli Təhlükəsizlik Nazirliyinin Sərhəd Qoşunları Baş İdarəsində xidmət etmiş, daha sonra Dövlət Sərhəd Xidmətinin Beynəlxalq Əlaqələr İdarəsinin rəisi vəzifəsinə irəli çəkilmişdir.

2003-2013-cü illərdə Azərbaycan Respublikası Daxili İşlər Nazirinin müavini-Daxili Qoşunların Komandanı vəzifəsində çalışmışdır. Azərbaycan Respublikası Prezidentinin 17 may 2003-cü il tarixli 869 nömrəli Fərmanı ilə isə general-mayor, 6 may 2005-ci il tarixli 802 nömrəli Sərəncamı ilə general-leytenant ali xüsusi rütbəsi verilmişdir.

22 oktyabr 2013-cü ildə Azərbaycan Respublikasının Müdafiə naziri təyin edilmiş və general-polkovnik rütbəsi verilmişdir.

Alman, ingilis, rus və türk dillərində sərbəst danışa bilir.^{[mənbə göstərin]}

Ailəlidir. 1 oğlu, 1 qızı var.