Arçil Qomiaşvili

Vikipediya, açıq ensiklopediya
Keçid et: naviqasiya, axtar
ARÇİL QOMİAŞVİLİ
არჩილ მიხეილის ძე გომიაშვილი
Arçil Qomiaşvili (aktyor).jpg
Doğum tarixi: 23 mart 1926(1926-03-23)
Doğum yeri: Çiatura, SSRİ
Vəfatı: 31 may 2005 (79 yaşında)
Vəfat yeri: Moskva, Rusiya
Peşəsi: Aktyor
Karyera: 1957-1993
IMDb: ID 0327106


Arçil Mixayloviç Qomiaşvili (gür. არჩილ მიხეილის ძე გომიაშვილი) — Sovet və rus aktyoru, sahibkar və Gürcüstan SSR-in xalq artisti (1966).

Həyatı[redaktə]

Arçil Mixayloviç Qomiaşvili 23 mart 1926-cı ildə anadan olmuşdur.

1940-1942-ci illərdə Tbilisi incəsənət texnikumunda təhsil almışdır. Teatra olan böyük həvəsi Qomiaşvilini "MXAT" məktəb-studiyasına gətirir. O, bu təhsil ocağında bir neçə il oxumuşdu. Lakin orada az qala dava-dalaş həddinə qədər gəlib çıxmış qalmaqaldan sonra o, məhkəmə ilə problemləri yarandığından Moskvanı tərk edir. Tbilisidə onu Marcanişvili adına Akademik teatrın truppasına qəbul edirlər. 1958-ci ildə isə aktyor Poti şəhərinə gedir və əvvəl Eristavi adına teatrda, sonra isə Qriboyedov adına Tbilisi rus teatrında işləməyə başlayır.

Arçil Qomiaşviliyə ümumxalq məhəbbətini isə 1971-ci ildə kinorejissor Leonid Qaydayın İlf və Petrovun əsəri əsasında çəkdiyi "12 stul" filmində ifa etdiyi Ostap Bender rolu gətirir. 2 il sonra o, Lenin komsomolu adına Moskva teatrının aktyoru olmağa nail olur. Bir neçə ildən sonra isə Puşkin adına teatra keçir.

1990-cı ildə Arçil Qomiaşvili "Siti-biznes" səhmdar cəmiyyətinin prezidenti olmuşdur. 1992-ci ilin axırlarında isə Moskvada "Qızıl Ostap" klubunu açır. Bu klub tezliklə paytaxtın ən nüfuzlu məkanlarından birinə çevrildi. Klubun restoranı isə 19961997-ci Avropanın ən yaxşı belə məkanlarından seçilmişdir.

Ömrünün son illərini Arçil Qomiaşvili xəstəliklərlə keçirirdi. 2004-cü ildə onda bədxassəli şiş tapılmışdı. ABŞ-da həyata keçən əməliyyat zamanı onun 40-dan artıq limfa düyünlərini kəsib götürürlər[1].

Arçil Qomiaşvili 31 may 2005-ci ildə Moskvada vəfat etmişdir. İyunun 3-ü elə həmin şəhərdə də dəfn olunmuşdur.

Filmoqrafiya[redaktə]

  1. 12 stul (film, 1971)
  2. Məhəbbətim mənim, kədərim mənim (film, 1978)

İstinadlar[redaktə]

  1. Заседание закончилось, господа присяжные… (Сегодня на восьмидесятом году жизни скончался актёр и бизнесмен Арчил Гомиашвили.) // Газета.ру, 31.05.2005

Xarici keçidlər[redaktə]