Beat It

Vikipediya, açıq ensiklopediya
Keçid et: naviqasiya, axtar
"Beat It"
Maykl Cekson tərəfindən Thriller albomunda ifa olunmuş

sinql

Yayımlanıb 14 fevral, 1983
Səsyazma
studiyası
Epic Records
Janr hard-rok[1][2]
Dil ingilis dili
Müddəti 04:18
Bəstəkar Maykl Cekson
Sözlərin müəllifi Maykl Cekson
Prodüser Kuinsi Cons, Maykl Cekson
B tərəfi "Burn This Disco Out" (BK) / "Get on the Floor"
Thriller albomunun xronologiyası
"Billie Jean"
(1983)
"Beat It"
("Beat It")
"Wanna Be Startin' Somethin'"
(1983)
Dinlə
Beat It mahnısınısının səslənməsi
Alternativ BK üz qabığı

Beat It (azərb. "Onu döyün") — Maykl Cekson tərəfindən yazılan və müğənninin altıncı solo albomu - "Thriller"ə daxil edilən mahnı. "Thriller" albomuna daxil olan "The Girl Is Mine""Billie Jean" mahnılarından sonra "Beat It" mahnısı da hit-paradlarda böyük uğur qazanmışdır. Mahnı 14 fevral 1983–cü ildə albomdan çıxarılan sayca üçüncü sinql olmuşdur. Mahnıya həmçinin klip də çəkilmişdir. Klipdə Maykl Cekson qanqsterlərin əhatəsində rəqs edir.

Satış uğurlarına görə mahnı iki "Qremmi", iki "American Music Award" mükafatına layiq görülmüşdür. Həmçinin, mahnının qazandığı uğur (klipiylə birgə) "Thriller" albomunun "bütün zamanların ən çox satılan albomu" olmasında böyük rol oynamışdır. Mahnı 1989–cu ildə platin sertifikat almışdır. "Rolling Stone" dərgisi "Beat It" mahnısını "bütün zamanların 500 ən məşhur mahnısı" siyahısında 35-ci yerə layiq görmüşdür.

Mahnını bu günə qədər Fall Out Boy, Pomplmamoose, Castin Biber, Nickelback, Kris Kornell, FergieEminem də daxil olmaqla bir çox musiqiçi ifa etmişdir. Mahnıdan "National Highway Safety Commission" tərəfindən sükan arxasında spirtli içki içməyə qarşı aparılan kampaniyada da istifadə olunmuşdur.

Musiqisi və istehsalı[redaktə]

Eddi Van Halen

"Beat It" mahnısı Maykl Cekson tərəfindən "Thriller" albomu üçün yazılmışdır. Mahnının prodüsseri olan Kuinsi Cons ona rok-n-roll elementləri əlavə etmək istəsə də, Maykl heç vaxt bu janra maraq göstərməmişdir.[3][4] Sonralar Maykl Cekson "Beat It" haqqında deyirdi: "Mən rok musiqisini xatırladan tərzdə bir musiqi yazmaq istəyirdim və istəyirdim ki, gənclər - məktəblilərdən tutmuş kollec tələbələrinə kimi hər kəs bu mahnıdan zövq alsın.”[5] Mahnının ilkin ifasını dinlədikdən sonra, Kuinsi Cons bu mahnının onlara lazım olan mahnı olduğunu anlamışdır.[3] Van Helen hard-rok qrupunun əsas gitaraçısı Eddi Van Helen isə mahnıya solo gitara ifası əlavə etmişdir.[4][6]

Kuinsi Consdan ilk təklifi aldığı zaman Van Halen bunun bir zarafat olduğunu düşünmüşdü. Mayklı müşayiət etmək təklifi Van Haleni çox sevindirmiş və o, "Beat It" üçün solo ifasını maddi təmənnasız yazdırmışdır. Musiqiçi sonralar bununla bağlı deyirdi: "Bu mənim üçün böyük şərəf idi... Mən tamamilə ağlımı itirmişdim, menecerim də daxil olmaqla, bütün qrup istirahətsiz işləyirdi. Mən nə istədiyimi bilirdim – mən başqa bir şey etmək istəmirdim. Mən məhz bununla məşğul olmaq istəyirdim".[7] Van Halen solo ifasını öz evində Cons və Ceksonla birgə mahnının ilkin versiyası üzərində işlədikdən sonra yazmışdır. Gitaraçı Stiv Lukater xatırlayır: "Biz əvvəlcə Eddinin solo gitarada çox yaxşı ifa etdiyini söylədik, lakin Cons onun ifasının bir qədər sərt olduğunu bildirdi. Və biz ifada kobud gitara səsini bir az da azaltdıq, elə bu şəkildə də ifa mahnıya daxil edildi".[7] "Beat It" mahnısı "Human Nature", "P.Y.T. (Pretty Young Thing)" və "The Lady in My Life" mahnıları ilə birgə "Thriller" albomunu tamamlayan son dörd mahnıdan biri olmuşdur.[7]

Mahnıda Van Halenin solo ifasından əvvəl qapı döyülməsi səsinə bənzər səs eşidilir. Bu səsin Eddinin səsyazma studiyasında yeriyən şəxsin ayaq səsləri olduğu bildirilir. Başqa bir iddiaya görə isə həmin səs musiqiçinin öz gitarasını tıqqıldatmasının səsidir. [8]

"Beat It" mahnısının sözləri məğlubiyyət və cəsarət, həmçinin "insan xüsusiyyətlərinin kədərli təsviri"ndən ibarətdir.[9] Mahnıdakı "maço olma" ("don't be a macho man") sözləri isə Mayklın özünün də uşaq ikən atası Cozefdən gördüyü şiddətə qarşı etirazdır.[10] Mahnı E flat minor açarı üzərində, 132 zərb ritmində yazılmışdır. Mahnıda Ceksonun vokal həcmi B3 və D5 arasındadır.

Mahnıda zərbli alətlərdə "Toto"nun əsasını qoyanlardan biri olan Cef Porkaro ifa edir.[11]

"Blood on the Dance Floor: HIStory in the Mix" albomuna daxil olan "2 Bad" mahnısının miks versiyasında Con Fortenin rep söyləməsinin və Vayklef Cinin solo gitarada ifasının müşayiəti ilə "Beat It" mahnsından istifadə olunmuşdur. [12]

Çıxarılması və təqdimatı[redaktə]

"Eddi Van Halen bir gitaraçı kimi mahnıdakı solo ifasında, mahnının sözlərində ifadə olunmuş fikirləri əks etdirməyə çalışmışdır. "Thriller" sinqlının uğurunu təkrarlamış aerodinamik metal səs axını həmin dövrdə Ceksonun ifa elementlərindən birinə çevrilmiş, sonrakı dövrdə isə Slash və Karlos Santana tərəfindən istifadə edilmişdir. Əgər Van Halenin mahnıdakı solo ifası olmasaydı, 1986-cı ildə Run-DMC və Aerosmithin "Walk This Way" mahnısının rep-rok versiyası üzərində birgə işləməsi də mümkün olmazdı."

Greg Burk, South Coast Today.[13]

"Beat It" sinqlı "The Girl Is Mine" və "Billie Jean" sinqllarının uğurlu hit-parad performansından sonra, 14 fevral 1983-cü ildə satışa çıxarılmışdı. Epic Recordsun vitse-prezidenti Frank Dileo "Billie Jean" sinqlının hit paradların zirvəsində olduğu bir vaxtda, Ceksonu "Beat It" sinqlını satışa çıxarmağa razı sala bilmişdi. Sonradan müğənninin meneceri olmuş Dileo hər iki sinqlın eyni vaxta top 10-a daxil ola biləcəyini güman edirdi.[7] "Bille Jean" "Come On Eileen" mahnısı onu əvəzləyənə kimi yeddi həftə "Billboard Hot 100"-də birinciliyini qoruyub saxlamışdır. The Dexys Midnight Runnersin mahnısı yalnız bir həftə hit-paradın birinci pilləsində qala bilmiş, növbəti həftədən isə "Beat It" mahnısı ilə Cekson yenidən birinciliyi əldə etmişdir.

"Billie Jean" və "Beat It" Maykl Ceksona hər müğənninin əldə edə bilmədiyi uğuru qazandırmışdır. Belə ki, hər iki sinql eyni vaxtda hit-paradlarda ilk beşliyə daxil ola bilmişdir. "Beat It" "Billboard Hot 100"-də üç həftə birinci yerdə olmuşdur.[7] Sinql eyni zamanda "US R&B singles chart"-da birinci yerə, "Billboard Top Tracks chart"-da on dördüncü yerə yüksəlmişdir.[14] "Beat It" həmçinin İspaniyaNiderlandda hit-paradların zirvəsinə qalxmış, Böyük Britaniyada üçüncü olmuş, Avstriya, Norveç, İtaliya, İsveçİsveçrədə ilk iyirmiliyə daxil olmuşdur. Danimarkada otuz birinci, Fransada qırx yeddinci yerə kimi yüksəlmişdir. [14][15]

"Rolling Stone" tənqidçisi Kristofer Konnelli qeyd edir ki, "Beat It" "Thriller" albomundakı ən yaxşı mahnıdır. Mahnının "şıq rəqs mahnısı" olduğunu bildirən tənqidçi deyir: "Ceksonun səsi bütün mahnı boyu axır, Eddi Van Halenin solo gitara ifası mahnını daha da coşdurur və sən coşğunluq və anlaşma dolu bir dünyaya daxil olursan". "Allmusic"-dən Stefan Tomas Örlvayn qeyd edir ki, mahnı "sərt" və "qorxunc"dur.[16] Robert Kristqau qeyd edir ki, Eddi Van Halenin "maço əleyhinə gücünü sərf etdiyi" mahnı "triumf və triller"dir. "Slant" jurnalı qeyd edir ki, mahnı "rok idiomları ilə mürəkkəb xarakterli xüsusiyyətə malikdir". "Stylus" bildirir ki, Van Halen R&B mahnıya solo rok gitara ifasını əlavə etmişdir.[17] Mahnı həmçinin Ceksonun bioqrafı J. Rendi Taraborrelli tərəfindən də xüsusi bəyənilmiş və o, mahnını "möhtəşəm" adlandırmışdır.[4]

"Beat It" bir neçə mükafata da layiq görülmüşdür. 1984-cü ildə mahnı Maykl Ceksona iki nominasiyada – "İlin ən yaxşı səsyazması" və Ən yaxşı rok vokal ifası" nominasiyalarında Qremmi mükafatı qazandırmışdır. Mahnı 1983-cü ildə "Ən sevilən disko-rəqs" LP mahnı nominasiyasında [14] "Billboard Musiqi Mükafatı"na layiq görülmüşdür.[18] Satışa çıxarıldıqdan qısa müddət sonra bir milyondan çox nüsxəsi satıldığına görə sinql qızıl sertifikat almışdır. 1989-cu ildə sinql "Recording Industry Association of America" tərəfindən bir milyondan artıq növbəti satış göstəricilərinə görə platin sertifikata layiq görülmüşdür.[19] 2010-cu ilin nəticəsinə görə ABŞ-da dijital satış miqdarı 1 649 000 olmuşdur.[20]

Klip[redaktə]

Cekson "Beat It" klipində

"Beat It" mahnısının klipi Maykl Ceksona dünyanın "pop kralı" mövqeyini möhkəmləndirməyə kömək etmişdir.[21][22] Klipdə Cekson ilk dəfə qaradərili gənclərlə birgə küçələrdə görünmüşdür. "Beat It" və "Thriller" mahnılarının klipləri Ceksonun beynəlxalq ticari markası kimi qəbul edilən rəqqaslar kütləsi ilə sinxronlaşdırılmış rəqslərin təqdimatı baxımından da diqqətə layiqdirlər.[23]

"CBS"-in maliyyə dəstəyini rədd edən Ceksona[18][24] "Beat It"in klipinin çəkilişi 150 000 ABŞ dollarına başa gəlmişdir. Klipin çəkilişləri 9 mart 1983-cü ildə Los Ancelesin Skid Row ərazisində - xüsusilə, 5-ci Şərq küçəsində aparılmışdır.[25] Ceksonun o zaman üçün orijinal olan bir ideyası var idi: o, Los Ancelesin qanqster qrupları olan Crips və Bloodsun üzvlərini klipdə çəkmək istəyirdi.[26] ABŞ-da ən yaxşı rəqs işlərindən biri kimi qeyd edilən[27] klipdə, 80 həqiqi qanqsterlə[24] yanaşı, 18 peşəkar rəqqas və 4 brek-dansçı da çəkilmişdir.[28] Cekson, Peters və Vinsent Patersonla yanaşı, Maykl DeLorenzo, Stoni Cekson, Treysi Qans, Toni Faylds, Piter Tramm, Rik Stoni və Çeril Sonq da rol almışlar.[22][29][30]

"Thriller" albomunun ikinci klipi olan "Beat It"in ssenari müəllifi və rejissoru Bob Giraldi, prodüsserləri isə GASP prodüsser şirkətindən Entoni Peyn və Meri M.Ensayndır. Klipdəki rəqslərin xareoqrafiyası, eyni zamanda klipin iki əsas rəqqası - Maykl Peters və Vinsent Patersona aiddir. Cekson özü də rəqslərin xareoqrafik quruluşunun verilməsində yaxından iştirak etmişdir.[26] "Beat It" is the second video released for the Thriller album. Jackson asked Giraldi, at the time already an established commercial director but who had never directed a music video,[31]

"Beat It" "Thriller" albomundan olan ikinci klipdi. Maykl bu klipin rejissorluğunu o zamana kimi, hələ heç bir klipə rejissorluq etməmiş Giraldiyə həvalə etmişdir. Çünki onun Çikaqodakı "WLS-TV" üçün çəkdiyi və kor cütlüyün həyatından bəhs edən filmini bəyənmişdi. O zamankı ənənənin əleyhinə olaraq klipdə Brodvey myuzikllarının xoşbəxt həyat tərzi təsvir edilməmişdir. Giraldi bu klipi çəkərkən böyüdüyü Nyu-Cersidəki Paterson şəhərinin həyat tərzindən ilhamlanmışdır. [26]

Klipin ilk nümayişi 31 mart 1983-cü ildə MTV telekanalında keçirilmişdir.[32][33] Adətən "Billie Jean" və "Beat It" kliplərinin MTV-də yayımlanan afro-amerikalı müğənniyə məxsus ilk kliplər olduğu qeyd edilir.[33][34] Faktiki olaraq "Beat It" 29 iyul 1983-cü ildən etibarən müntəzəm olaraq yayımlanmağa başlamışdır.[35]

Klip nahar vaxtı savaş xəbərləri ilə başlayır. Bu səhnə qanqsterlərlə dolu olan kasıb nahar salonunda çəkilmişdir. Qanqsterlər burada mübahisə edərək salonu tərk edir, hər tərəfdən mübahisə olan yerə gəlməyə başlayırlar. Onlardan biri isə kanalizasiya quyusundan çıxır. Növbəti səhnədə öz yatağında uzanaraq vəhşi şiddət haqqında düşünən Cekson görünür. O, qarşıdurma vəziyyətində olan qanqsterlərin həyəcanlı səslərini eşidərək yataqdan qalxır və çölə çıxır. Mübahisə edən qanqsterlərin yanına gedən J. Parks brendindən qırmızı dəri gödəkçə geyinmiş Cekson yolda rəqs edərək irəliləyir. Cekson mübahisənin baş verdiyi yerə çatanda qanqster dəstələrinin iki lideri bıçaq savaşına başlamağa hazırlaşır. Lakin müğənni bunun qarşısını alır və onlar bir yerdə rəqs etməyə başlayırlar. Klip şiddət və zorun problemləri həll etmək üçün çıxış yolu olmaması ilə razılaşan qanqsterlərin Ceksonla birgə rəqs etmələri ilə başa çatır. [22]

Klip bir neçə mükafata layiq görülmüşdür. "American Music Award" klipi "Ən yaxşı pop/rok klip" və "Ən yaxşı soul klip" nominasiyalarında qalib elan etmişdir. Eyni zamanda "Beat It" klipi "Ən yaxşı video performans" nominasiyasında Ceksona "The Black Gold Awards" mükafatı qazandırmışdır. Klip yeddi nominasiyada – "Ən yaxşı klip", "Ən yaxşı kişi performansı", "Ən yaxşı musiqi təqdimatı", "Ən yaxşı ifaçı təqdimatı", "Ən yaxşı xareoqrafiya", "Ən yaxşı video", "Ən yaxşı disko rəqs" nominasiyalarında "The Billboard Video Awards"a layiq görülmüşdür. Həm oxucularının, həm də tənqidçilərin fikrinin əsas tutan "Rolling Stone" dərgisi bu klipə ən yaxşı kliplər arasında birinci yer vermişdir. Klip daha sonra "Klip prodüsserlərinin şərəf meydanı"nda (ing. Music Video Producer's Hall of Fame) qeyd edilmişdir. [18]

Klip Ceksonun "Video Greatest Hits - HIStory", "HIStory on Film, Volume II", "Number Ones" video albomlarına da daxil edilmişdir. Həmçinin "Thriller 25""Michael Jackson's Vision" albomlarında bonus parça kimi təqdim olunmuşdur.

Michael Jackson: The Experience[redaktə]

Mahnı “Michael Jackson: The Experience” oyununda da istifadə edilmişdir.

Canlı performanslar[redaktə]

Cekson 5 qrupunun Victory Touru çərçivəsində, 4 iyul 1984-cü ildə Cekson “Beat It” mahnısını qardaşları ilə birgə canlı ifa etmişdir. Qardaşları səhnədə solo ifa edən Eddi Van Halenlə birgə çıxış etmişlər.[18] “Beat It” müğənninin səhnə obrazını formalaşdıran əsas mahnılardan biri olmuş və Cekson mahnını dünya turnelərinin hamısında - Bad, DangerousHIStory turnelərində canlı ifa etmişdir.[18][36] “Beat It”in 1 oktyabr 1992-ci il Danderous turnesi zamanı həyata keçirilmiş performansı Michael Jackson: The Ultimate Collection kolleksiyasına daxil edilmişdir. Sonradan çıxarılmış Live in Bucharest: The Dangerous Tour DVD konsertində də həmin performans təkrarən yayımlanmışdır.[18][36] Cekson mahnını solo yaradıcılığının otuz illik yubileyi münasibəti ilə keçirilən Michael Jackson: 30th Anniversary Special konsertində də ifa etmişdir. Konsertdə mahnının solo gitara partiyasını Slash ifa etmişdir. [36]

Mahnı uzun müddət Ceksonun konsert tur performanslarının əsas şousu olmuş, daha sonra isə həm də “Earth Song” mahnısı bu məqsədlə istifadə edilmişdir. Maykl Cekson “Beat It” mahnısını Thriller, Wanna Be Startin' Somethin' və "Billie Jean" mahnıları ilə birgə bütün dünya turnelərində - Bad World Tour, Dangerous World Tour, və HIStory World Tour zamanı canlı ifa etmişdir. Eyni zamanda mahnının Ceksonun həyat keçirə bilmədiyi This Is It konsertləri zamanı da ifa olunması nəzərdə tutulmuşdu.

Miras[redaktə]

Maykl Cekson 14 may 1984-cü ildə Ağ Evdə Ronald ReyqanNensi Reyqanın qəbulunda.

Maykl Ceksonun “Beat It” mahnısı pop musiqi tarixində ən uğurlu, qəbul edilən, mükafatlandırılan və təsirlərə malik musiqi əsəri kimi qeyd edilir.[3] Həm mahnı, həm də klipi pop mədəniyyətdə böyük təsirə malik olmaqla özündən sonra bir çox əsərlərin meydana çıxmasına səbəb olmuşdur. Mahnının “qara” rokun ilkin nümunələrinən biri olması fikri ilə yanaşı, “Thriller” albomunun da əsas sütunlarından biri olduğu vurğulanır.[3] Eddi Van Halenin də “möhtəşəm solo gitar ifası”nı əlavə etməsi ilə “Beat It” bütün zamanların ən çox satılan sinqllarından biri olmuşdur. [3]

Çıxarılmasından qısa müddət sonra, “Beat It” National Highway Safety Commission tərəfindən içkili avtomobil sürməyə qarşı “İçmək və Sürmək dostluğu öldürə bilər” ("Drinking and Driving Can Kill a Friendship") kompaniyasında istifadə edilmişdir. ABŞ prezidenti Ronald Reyqanın seçkiqabağı dəstək kompaniyasının uğur qazanmasından sonra, kompaniya çərçivəsində “Beat It” mahnısından istifadəyə görə Maykl Cekson prezident tərəfindən mükafatlandırılmışdır.[18] Reyqan qeyd etmişdi ki, Cekson “insanın alkoqol və dərman alışqanlığı olmadan həyatını necə mükəmməl qura bilməsinin canlı sübutudur. Gənc və ya yaşlı olmasından asılı olmayaraq insanlar buna hörmət etməlidirlər. Əgər amerikalılar bu nümunəyə əməl etsələr, biz bir çox sosial problemlərimizin üzünə dik baxa və Mayklın sözləri ilə desək onları “Vuraraq” (Beat It”) rədd edə bilərik.” [37]

Tez-tez dünyanın ən çox sevilən mahnılarının siyahılarına daxil edilən “Beat It” Sony Ericsson tərəfindən keçirilmiş sorğuda 2005 səslə birinci yerə layiq görülmüşdür.[36] Sorğuda 60 müxtəlif ölkədən olan 700.000-dən çox insan iştirak etmişdir.[36] Birləşmiş Krallıqdan səs verənlər birinci yerə “Billie Jean” mahnısını layiq görmüş, eyni zamanda top onluğa Maykl Ceksonun daha beş mahnısını siyahıya daxil etmişdilər.[36] Rolling Stone jurnalı tərəfindən tərtib edilmiş "Bütün zamanların 500 ən böyük mahnısı" sırasında “Beat It” 337-ci yerdə qərarlaşdırılmışdır.[38]

Mahnı Geri Gələcəyə II Hissə, Zoolander, Sirli Qardaş filmlərində istifadə olunmuşdur.[36] Visionary layihəsi çərçivəsində “Beat It” yenidən satışa çıxarıldığı zaman Birləşmiş Krallıqda on beşinci yerə kimi yüksəlmişdir.[36] Mahnı Budweiser, eBay, Burger King, Delta Air Lines, Juicy Fruit Gum, Game Boy, Coldwell Banker, nPower, və NFL kimi şirkətlərin TV reklam kompaniyalarında istifadə edilmişdir. “City Guys” serialının III sezonunun “Face the Music” adlı seriyasında Camal Slik Billi Vestlə (Şerman Hemsli tərəfindən canlandırılır) danışaraq deyir ki, “Maykl Cekson və “Beat It” yaxşı gəldi” ("Well Gone Michael Jackson and Beat It"). “Beat It” 2008-ci il musiqi oyunu olan Guitar Hero: World Tour-da sonuncu mahnı kimi istifadə edilmişdir. Bu oyunda vokalist Maykl Ceksonun klipində və konsertlərində göstərdiyi performansını təkrar etmişdir.

Kompozisiyalarının siyahısı[redaktə]

  • 12" Maxi (Epic TA 3258)
  1. "Beat It" – 4:18
  2. "Burn This Disco Out" – 3:38
  3. "The Jacksons – Don't Stop 'til You Get Enough (Live Version)" – 4:22
  • 12" Single
  1. "Beat It" – 4:18
  2. "Working Day And Night" – 5:14
  • 12" Mexican Promo of Bille Jean
  1. "Billie Jean" – 6:22
  2. "Largate (Beat It)" – 5:41
  • 7" Single (Epic A 318402)
  1. "Beat It" – 4:18
  2. "Get on the Floor" – 4:44
  • Visionary Single
CD
  1. "Beat It"
  2. "Beat It" (Moby's Sub Remix)
DVD
  1. "Beat It" (Video)

Rəsmi remixlər[redaktə]

  1. Album Version – 4:18
  2. Extended Version – 5:41
  3. Moby's Sub Mix – 6:11

Personal[redaktə]

Performans[39]
  • Maykl Cekson – vokal
  • Pol Cekson Jr. – gitar
  • Stiv Lukarter – gitar, bass gitar
  • Eddi Van Halen – solo gitar
  • Stiv Porkaro – sintezator, sinteztor proqramlaşdırması
  • Qreq Filinceyns – piano, sintezator
  • Bill Vulfer – dilli alətlər
  • Tom Bahler – sinklaviyer
  • Ceff Porkaro – zərb alətləri
İstehsal[39]
  • Maykl Cekson – sözlər, musiqi, ritm və vokal aranjimanı, prodüsser
  • Kuinsi Cons – prodüsser, ritm aranjimanı
  • Qreq Smit – sinerji

Hit parad və sertifikatlar[redaktə]

Hit paradlar[redaktə]

Hit-parad (1983) Yüksəldiyi
yer
Australian Kent Music Report[40] 2
Austrian Singles Chart[15] 6
Danish Singles Chart[41] 31
Dutch Singles Chart[42] 1
French Singles Chart[43] 47
Italian Singles Chart[44] 12
New Zealand Singles Chart[45] 1
Norwegian Singles Chart[46] 8
Spanish Singles Chart[47] 1
Swedish Singles Chart[48] 19
Swiss Singles Chart[49] 2
UK Singles Chart[50] 3
US Billboard Hot 100[14] 1
US Hot Black Singles[14] 1
Hit-parad (2009) Yüksəldiyi
yer
Australian Singles Chart[51] 17
Danish Singles Chart[41] 16
European Hot 100 Singles[52] 17
Finnish Singles Chart[53] 12
French Digital Singles Chart[54] 4
Norwegian Singles Chart[55] 8
Swedish Singles Chart[48] 37
Swiss Singles Chart[49] 5
New Zealand Singles Chart[45] 24
Turkey Top 20 Chart[56] 14
UK Top 40 Downloads[57] 17
US Billboard Digital Songs[58] 7

Satışlar və sertifikasiyalar[redaktə]

Region Sertifikat Satışlar
Australia (ARIA)[59] Platinum 70.000^
Canada (Music Canada)[60] Platinum 100,000^
Denmark (IFPI Denmark)[61] Gold 15,000^
France (SNEP)[62] Platinum 1,180,000[63]
New Zealand (RIANZ)[64] Gold 7.500*
United Kingdom (BPI)[65] Silver 250.000^
United States (RIAA)[66] Platinum+Gold (MT) 3,400,000+^[67]

*satış haqqında məlumatlar yalnız sertifikata əsaslanır
^partiyalar haqda məlumatlar yalnız sertifikata əsaslanır
xquraşdırılmamış satışlar yalnız sertifikata əsaslanır

|}

Beat It 2008[redaktə]

"Beat It 2008"
Maykl CeksonFergie tərəfindən Thriller 25 albomunda ifa olunmuş

mahnı

Yayımlanıb 8 fevral, 2008
Səsyazma
studiyası
Epic Records
Janr Rock, R&B
Dil ingilis dili
Müddəti 4:12
Bəstəkar Maykl Cekson
Sözlərin müəllifi Maykl Cekson
Prodüser Maykl Cekson
Thriller 25 albomunun xronologiyası
Wanna Be Startin' Somethin' 2008
(2008)
"Beat It 2008"
(2008)
Billie Jean 2008
(2008)
Dinlə

The Black Eyed Peas qrupunun solisti will.i.am Thriller 25 albomu üçün “Beat It” mahnısının remix versiyasını işləmişdir.[68] Bu versiyada mahnı “Beat It 2008” adlandırılmış və mahnıya The Black Eyed Peas qrupunun solisti Fergienin vokal ifası da əlavə edilmişdir. Təqdimatından sonra, 2008-ci ildə mahnı İsveçrədə 26, İsveçdə 50, Avstriyada isə 65-ci pillələrdə qərarlaşmışdır.[69]

1996-cı ildə "They Don't Care About Us" sinqlında olduğu kimi (bu versiya Visionary kompaniyası çərçivəsində təkrar satışa çıxarılmışdır[70]), 1992-ci ildə “Jam” və “Who Is It” sinqllarında da mahnının Moby's Sub Mix versiyası satışa çıxarılmışdır[71] ki, “Beat It 2008” həmin versiyadan sonrakı mahnının, ikinci rəsmi mix versiyası sayılır.

Təqdimatı[redaktə]

“Beat It 2008” tənqidçilər tərəfindən o qədər də müsbət qəbul edilməmişdir. Rolling Stonedan Rob Şefild mahnının “ilin ən anlamsız musiqi işi” olduğunu qeyd etmişdi.[72] About.com-dan Bill Lamb Fergienin “uyğunlaşdırılmış səs düzümü”nün “darıxdırıcı” olduğunu qeyd edir.[73] Allmusic qeyd edir ki, “Fergie Ceksonun ifasını sözlər şəklində təkrarlayır”.[74] Blenderdən Kelefa Sanneh deyir “Black Eyed Peasdən Fergie Ceksonun ifasını təkrarlamağa çalışır. Niyə? Çünki o, öz ifasından əmin deyil. Todd Gilchrist Eddi Van Halenin “coşdurucu solo ifa”sının saxlanmasına görə minnətdarlıq etmişdir.[75] Pitchfork Media-dan Tom İvinq Fergienin “əsəbi ifası boşuna vaxt itgisidir” deyə qeyd edir.

Hit parad[redaktə]

Hit parad (2008) Yüksəldiyi
yer
Austrian Singles Chart 65[69]
Swedish Singles Chart 21[76]
Swiss Singles Chart 26[77]
Hit parad (2009) Yüksəldiyi
yer
Swedish Singles Chart 8[78]

Remix versiya müəllifləri[redaktə]

  • Sözlər və musiqi – Maykl Cekson
  • Remix zərb alətləri - will.i.am
  • Remix dilli alətlər və sintezator – will.i.am
  • Remix mühəndisliyi - will.i.am və Kerin
  • Remix prodüsseri – Maykl Cekson və will.i.am
  • Remix 2007-ci ilin noyabr ayında yazılmışdır.

Fall Out Boy[redaktə]

""Beat It""
Fall Out BoyCon Mayer tərəfindən Live in Phoenix albomunda ifa olunmuş

sinql

Yayımlanıb 25 mart, 2008[79]
Səsyazma
studiyası
Island Records
Janr Pop punk, pop rock
Dil ingilis dili
Müddəti 3:48
Prodüser Patrik Stamp
Live in Phoenix albomunun xronologiyası
"I'm Like a Lawyer with the Way I'm Always Trying to Get You Off (Me & You)"
(2007)
""Beat It""
(2008)
"'I Don't Care"
(2008)
"Say"
(2007)
""Beat It""
(2008)
"Free Fallin'"
(2008)
Dinlə

Amerika rok qrupu Fall Out Boy “Beat It” mahnısını ifa edərək sinql kimi satışa çıxarmışdır. Qrupun ilk canlı albomu olan Live in Phoenix (2008) albomundan yeganə sinql kimi təqdim edilən mahnı 25 mart, 2008-ci ildə Island Records tərəfindən dijital satışa çıxarılmışdır. Mahnının Maykl Cekson tərəfindən ifa edilmiş orijinal versiyasında Eddi Van Halenin solo gitar ifasını, Fall Out Boyun ifasında Con Mayerin ifasında dinləmək mümkündür. Billboard Hot 100-də 19-cu pilləyə yüksəlmiş mahnı, eyni zamanda bir çox ölkələrin də hit paradlarına daxil olmuşdur.

Fon, yazılma və çıxarılması[redaktə]

2008-ci ilin əvvəllərində pop-pank qrup olan Fall Out Boyun çıxaracaqları Live in Phoenix albomu üçün “Beat It” mahnısını ifa edəcəkləri elan etdi.[80] Qrup ilk öncə mahnıları açıq konsertlərdə ifa etdi.[81][82] Basist Pete Ventz qeyd edir ki, səsyazmaya qədər mahnını yalnız “Moonwalker”də izləmişdi. Eyni zamanda Con Mayerin Eddi Van Halenin yerinə mahnıda solo gitar ifa edəcəyini elan edilmişdi.[83]

Qrupun əsas ifaçı/gitaraçısı Patrik Stamp qeyd edir ki, qrup mahnını ifa etməyi planlaşdırmamışdı. “Əslində, bir gün səs yoxlaması zamanı mən bu mahnını özümçün ifa etdim, sonra biz onu mahnını ifa etdik, sonra biz onu canlı ifa etdik, sonra biz onu yazdırdıq və sonra biz onu canlı albomumuzda satışa çıxardıq.”[84] Basist Pete Ventz isə qeyd edir ki, qrup mahnının ayrıca sinql kimi çıxarılmasını da nəzərdə tutmamışdı.[84] ““Beat It” özlüyündə uğurlu mahnı idi və biz də bu uğurdan öz payımızı almaq istədik” deyə o qeyd edir. Mahnının solo gitar partiyasını ifa etmək üçün xeyli vaxt sərf etdikdən sonra, nəhayət Ventz bu işi görmək üçün Con Mayeri dəvən edir. “Biz fikirləşirdik ki, müasir gitaraçılardan kim,əfsanəvi ifanı əvəz edəbilər” deyə, sonradan Ventz qeyd edir. [84]

2008-ci ilin aprelində dijital satışa çıxarıldıqdan sonra “Beat It” in Fall Out Boy tərəfindən ifa olunmuş versiyası iTunesun Top 10 siyahısına daxil olmuşdur.[85] Sinql Kanadada səkkizinci yerə kimi yüksələ bilmişdir. Eyni zamanda, Avstraliyada 13, Yeni Zellandiyandiyada 14-cü yerə yüksələn sinql, Avstriyada yalnız 75, Niderlandda isə 98-ci pillələrdə qərarlaşmışdır. [86]

Klip[redaktə]

Fall Out Boyun “Beat It” üçün çəkdirdiyi klipin rejissorluğunu Şeyn Dreyk etmişdir və klip Ceksonun xatirəsinə həsr edilmişdir. “Məncə,əgər sən Maykl Ceksonun mahnısını ifa edirsənsə, bu,ən yaxşı halda, sənin onun kliplərindən hansınısa təkrarlayacağın anlamına gəlir” deyə Stamp qeyd edir. “Biz Maykl Ceksonun xatirəsinə və onun mifologiyasına həsr edilmiş bir klip çəkdirmək fikrinə gəldik. Klipin çəkilməsi zamanı bizim ilhamlandığımız xüsusi səhnələr olsa da, bu onun məhz hansısa klipi deyildi. Bu onun bütün klipləri kimi idi, lakin Fall Out Boy olaraq onları bir o qədər də bəzəmədik.” '[87] Klipdə istifadə olunmuş geyimlər Ceksonun klipindəkilərin bənzəridir.”Mənim geyimim Maykl Ceksonun orijinal “Beat It”indəki oğlanlardan birinin – rəqib rəqqasın geyiminə bənzər hazırlanmışdı”[87] deyə Ventz klipin çəkilişləri zamanı qeyd etmişdi. Klipdə müxtəlif Tony Hale, Donald Faison və Joel David Moore kimi Maykl Cekson tərzində geyinmiş kameyalar da yer almışdır.[87] Klip daha sonra Ən Yaxşı Rok Video nominasiyasında “MTV Video Music Award”a layiq görülmüşdür. [88]

Hit parad[redaktə]

Hit parad Yüksəldiyi
yer
Australian Singles Chart 13[86]
Austrian Singles Chart 75[89]
Canadian Hot 100 8[90]
Dutch Singles Chart 98[91]
European Hot 100 53
New Zealand Singles Chart 14[92]
U.S. Billboard Hot 100 19[90]
U.S. Billboard Pop 100 21[90]
Venezuela Pop Rock (Record Report)[93] 1

Digər versiyalar[redaktə]

  • 1984-cü ildə parodist "Weird Al" Yankovic özünün “Eat It” adlı parodiya mahnısını çıxarmışdı.[94] Yankovic mahnını Ceksonun icazəsi ilə yazmışdı. Çəkilmiş klipdə Maykl Ceksonun klipi səhnəbəsəhnə təkrarlanmış, onun rəqs hərəkətləri və mimikası Yankovic tərəfindən parodiya edilmişdir. Həddən artıq bənzərliyə nail ola bildiyinə görə Cekson istifadə haqqını Yankovicdən almışdır.[95]
  • 1984-cü ildə Alvin and the Chipmunks qrupu Elvin və Burunduklar serialının bir seriyası üçün mahnını ifa etmişdir. Mahnının tam versiyası qrupun "Songs from Our TV Shows" albomuna daxil edilmişdir.
  • 1984-cü ildə Amerika aktyoru Rahsaan Patterson mahnını Kids Incorporated serialı üçün ifa etmişdir.
  • 1999-cu ildə Ten Masked Men qrupu mahnını özlərinin üçüncü solo albomu üçün ifa etmişdir.
  • 2004-cü ildə Señor Coconut və onun orkestrası mahnının latın dilli versiyasını ifa etmişdir. [36]
  • 2006-cı ildə yunan ölü metal qrupu Inactive Messiah mahnını özlərinin Be My Drug adlı üçüncü albomları üçün ifa etmişdir.
  • 2007-ci ildə İtaliya metal qrupu "Raintime" mahnını özünün "Flies & Lies" albomu üçün ifa etmişdir.[96]
  • 2007-ci ildə Amerika post-hardcore qrupu Pierce the Veil mahnını ifa etmiş və özünün "A Flair for the Dramatic" albomunun bonus parçası kimi iTunesdə satışa çıxarmışdı.
  • 2009-cu ildə Yeni Zellandiyalı müğənni Wing mahnını özünün "Beat It" adlı albomunda ifa etmişdir.
  • 2009-cu ildə mahnı İsveç gitarçısı Yngwie Malmsteen tərəfindən "High Impact" adlı ümumiləşdirmə albomu üçün ifa edilmişdir.
  • 2010-cu ildə Amerika indie rock qrupu Pomplamoose mahnını özlərinin "Tribute to Famous People" albomu üçün ifa etmişdir.[97]
  • 2011-ci ildə Amerika gitaraçısı Con 5 “Beat It” mahnısını ifa etmişdir. [98]

İstinadlar[redaktə]

  1. Cromelin, Richard (August 31, 1987). "Michael Jackson has a good thing in 'Bad'". Los Angeles Times. http://www.latimes.com/entertainment/news/music/la-archive-bad-review-aug31,0,7286392.story. İstifadə tarixi: April 24, 2012. "'Dirty Diana' is trying to be this year's 'Beat It'--a hard-rock song about a tenacious groupie..." 
  2. , http://www.nytimes.com/1987/08/31/arts/pop-michael-jackson-s-bad-follow-up-to-a-blockbuster.html?pagewanted=2&src=pm 
  3. 3,0 3,1 3,2 3,3 3,4 Thriller 25: The Book, p. 41
  4. 4,0 4,1 4,2 Taraborrelli, pp. 224–225
  5. Johnson, Robert E. (May 1984). Michael Jackson, the World's Greatest Entertainer. March 27, 2009 tarixində istifadə olunub.
  6. , http://digitalnewspapers.libraries.psu.edu/Default/Skins/BasicArch/Client.asp?Skin=BasicArch&&AppName=2&enter=true&BaseHref=DCG/1983/04/22&EntityId=Ar02600. 
  7. 7,0 7,1 7,2 7,3 7,4 Cadman/Halstead (2007), pp. 27–28
  8. , http://www.baltimoresun.com/topic/la-et-web-thrillertrivia12feb12,0,2012332.story. 
  9. Dean, p. 463
  10. Whiteley, p. 35
  11. http://www.allmusic.com/artist/p112306
  12. Jackson, Michael. Blood on the Dance Floor: HIStory in the Mix booklet. Sony BMG. p 8.
  13. , http://www.southcoasttoday.com/apps/pbcs.dll/article?AID=/20080215/LIFE/802150316. 
  14. 14,0 14,1 14,2 14,3 14,4 George, p. 39
  15. 15,0 15,1 "Austrian Singles Chart Archives". austriancharts.at. http://austriancharts.at/showitem.asp?interpret=Michael+Jackson&titel=Beat+It&cat=s. İstifadə tarixi: March 24, 2009. 
  16. Erlewine, Stephen Thomas. "Allmusic's 'Thriller' review". Allmusic. http://allmusic.com/album/thriller-r10089/review. İstifadə tarixi: March 26, 2009. 
  17. Rosenburg, Tal (June 19, 2007). "Stylus' 'Thriller' review". Stylus. http://www.stylusmagazine.com/articles/diamond/michael-jackson-thriller.htm. İstifadə tarixi: March 26, 2009. 
  18. 18,0 18,1 18,2 18,3 18,4 18,5 18,6 Cadman/Halstead (2007), p. 29
  19. "RIAA database". Recording Industry Association of America. http://www.riaa.com/goldandplatinumdata.php?table=SEARCH. İstifadə tarixi: February 24, 2009. 
  20. Chart Watch Extra: Songs From The Last Century – Chart Watch
  21. Campbell (1993), p. 60
  22. 22,0 22,1 22,2 Austen, p. 264
  23. Weitner, Sean. "Michael Jackson: A Life in Film". Flak Magazine. Yoxlanılıb September 21, 2010.
  24. 24,0 24,1 Reed, J.D. (July 18, 1983). "New Rock on a Red-Hot Roll". "Time" 122 (3). Yoxlanılıb September 21, 2010.
  25. Blake, Lindsay (March 26, 2010). "The (Probable) Warehouse from Michael Jackson’s "Beat It" Video". iamnotastalker. http://www.iamnotastalker.com/2010/03/26/the-probable-warehouse-from-michael-jacksons-beat-it/. İstifadə tarixi: September 21, 2010. 
  26. 26,0 26,1 26,2 Ritchie, Kevin (July 7, 2009). "Q&A: Bob Giraldi on directing "Beat It"". Boards. Yoxlanılıb September 21, 2010.
  27. , http://news.google.com/newspapers?id=wroMAAAAIBAJ&sjid=BV4DAAAAIBAJ&pg=6957,1421770. 
  28. Halstead/Cadman (2003), p. 41
  29. Crawford, Allyson B. (June 26, 2009). "Tracii Guns Danced with Jackson, Recalls Concert Memory". NoiseCreep. http://www.noisecreep.com/2009/06/26/tracii-guns-danced-with-jackson-recalls-concert-memory/. İstifadə tarixi: September 21, 2010. 
  30. "Tony Fields". The Solid Gold Dance Connection. http://www.sgdanceconnection.com/bios/tony_bio.html. İstifadə tarixi: September 21, 2010. 
  31. Foti, Laura (March 26, 1983). "Music Monitor". Billboard 95 (13).
  32. , http://articles.latimes.com/1991-07-28/entertainment/ca-435_1_mtv-videos/2. 
  33. 33,0 33,1 , http://www.washingtonpost.com/wp-dyn/content/article/2006/07/31/AR2006073101296.html. 
  34. Reesman, Bryan (September 2, 2006). "Rewinding 25 Years of MTV History". Billboard 118 (35): 36–54, here 38.
  35. Denisoff, p. 142
  36. 36,0 36,1 36,2 36,3 36,4 36,5 36,6 36,7 36,8 Cadman/Halstead (2007), p. 30
  37. ""Remarks at a White House Ceremony Marking Progress Made in the Campaign Against Drunk Driving. Ronald Reagan Presidential Library. Retrieved on February 3, 2009
  38. "The RS 500 Greatest Songs of All Time". Rolling Stone. March 23, 2010 tarixində ilkin mənbəyindən arxivləşdirildi. http://web.archive.org/web/20100323165511/http://www.rollingstone.com/news/coverstory/500songs/page/4. İstifadə tarixi: March 29, 2010. 
  39. 39,0 39,1 Jackson, Michael. Thriller booklet. Sony BMG.
  40. Kent, David (2003). Australian Chart Book 1970–1992. ISBN 0-646-11917-6.
  41. 41,0 41,1 "Danish Singles Chart Archives". danishcharts.com. http://danishcharts.com/showitem.asp?interpret=Michael+Jackson&titel=Beat+It&cat=s. İstifadə tarixi: March 24, 2009. 
  42. "Dutch Singles Chart Archives". dutchcharts.nl. http://dutchcharts.nl/showitem.asp?interpret=Michael+Jackson&titel=Beat+It&cat=s. İstifadə tarixi: March 24, 2009. 
  43. "French Singles Chart Archives". lescharts.com. http://lescharts.com/showitem.asp?interpret=Michael+Jackson&titel=Beat+It&cat=s. İstifadə tarixi: March 24, 2009. 
  44. "Italian Singles Chart Archives". italiancharts.com. http://italiancharts.com/showitem.asp?interpret=Michael+Jackson&titel=Beat+It&cat=s. İstifadə tarixi: March 24, 2009. 
  45. 45,0 45,1 "New Zealand Singles Chart Archives". charts.org.nz. http://charts.org.nz/showitem.asp?interpret=Michael+Jackson&titel=Beat+It&cat=s. İstifadə tarixi: July 25, 2009. 
  46. "Norwegian Singles Chart Archives". norwegiancharts.com. http://norwegiancharts.com/showitem.asp?interpret=Michael+Jackson&titel=Beat+It&cat=s. İstifadə tarixi: March 24, 2009. 
  47. "Spanish Singles Chart Archives". spanishcharts.com. http://spanishcharts.com/showitem.asp?interpret=Michael+Jackson&titel=Beat+It&cat=s. İstifadə tarixi: March 24, 2009. 
  48. 48,0 48,1 "Michael Jackson – Beat It". SwedishCharts.com. Hung Medien. February 06 2010 tarixində ilkin mənbəyindən arxivləşdirildi. http://www.swedishcharts.com/showitem.asp?interpret=Michael+Jackson&titel=Beat+It&cat=s. İstifadə tarixi: March 3, 2010. 
  49. 49,0 49,1 "Swiss Singles Chart Archives". hitparade.ch. http://hitparade.ch/showitem.asp?interpret=Michael+Jackson&titel=Beat+It&cat=s. İstifadə tarixi: July 18, 2009. 
  50. "UK Singles Chart Archives". chartstats.com. April 24, 2012 tarixində ilkin mənbəyindən arxivləşdirildi. http://www.webcitation.org/67AHqiN8g. İstifadə tarixi: March 24, 2009. 
  51. "Michael Jackson – Beat It". SwedishCharts.com. Hung Medien. http://australian-charts.com/showitem.asp?interpret=Michael+Jackson&titel=Beat+It&cat=s. İstifadə tarixi: March 3, 2010. 
  52. Top 100 Music Hits, Top 100 Music Charts, Top 100 Songs & The Hot 100 | Billboard.com
  53. "Suomen virallinen lista". http://www.yle.fi/lista/listat/tuote.php?id=9468. İstifadə tarixi: April 4, 2010. [dead link]
  54. "Download Single Top 50 France – 11/07/2009". http://lescharts.com/weekchart.asp?cat=si&year=2009&date=20090711. İstifadə tarixi: April 4, 2010. 
  55. "Beat It – Michael Jackson". Lista.vg.no. http://lista.vg.no/album_info.php?AlbumOp=show&albumId=3125&listId=1&albumtype=song. İstifadə tarixi: March 29, 2010. 
  56. "Billboard Türkiye Top 20" (Turkish). Billboard Türkiye. July 6, 2009. July 31, 2008 tarixində ilkin mənbəyindən arxivləşdirildi. http://web.archive.org/web/20080731162758/http://www.billboard.com.tr/pages/Turkiye_top20.aspx/. İstifadə tarixi: July 6, 2009. 
  57. "Top 40 Downloads Archive:: Week 28 : 05/07/2009 – 11/07/2009". TheOfficalCharts.com. The Official Charts Company. http://theofficialcharts.com/top40_downloads_last.php?week=29&end=05/07/2009%20-%2011/07/2009. İstifadə tarixi: January 27, 2010. [dead link]
  58. 11, 2009 "Digital Songs: Week of July 11, 2009". Billboard.com. Nielsen Business Media, Inc. http://www.billboard.com/#/charts/digital-songs?chartDate=July 11, 2009. İstifadə tarixi: January 27, 2010. 
  59. [Australia single certifications "ARIA Charts – Accreditations – 2009 Singles"]. Australian Recording Industry Association. Australia single certifications. 
  60. [Canada single certifications – Michael Jackson – Beat It "Canadian single certifications – Michael Jackson – Beat It"]. Music Canada. Canada single certifications – Michael Jackson – Beat It. 
  61. "Certificeringer" (Danish). IFPI Denmark. http://www.ifpi.dk/?q=certificeringer&page=26. İstifadə tarixi: 29 October 2012. 
  62. "Les Certifications depuis 1973" (French). Infodisc.fr. http://www.infodisc.fr/Single_Certif.php. İstifadə tarixi: May 7, 2012. 
  63. "Les Singles de Platine :" (French). Infodisc.fr. http://www.infodisc.fr/S_Certif_Platine.php?debut=59. İstifadə tarixi: May 7, 2012. 
  64. [New Zealand single certifications "New Zealand single certifications – Michael Jackson – Beat It"]. Recording Industry Association of New Zealand. New Zealand single certifications. 
  65. [United Kingdom certifications "British single certifications – Michael Jackson – Beat It"]. British Phonographic Industry. United Kingdom certifications.  Enter Beat It in the field Search. Select Title in the field Search by. Select single in the field By Format. Click Go
  66. "Gold and Platinum Searchable Database". Recording Industry Association of America. Retrieved May 7, 2012.
  67. Trust, Gary (September 30, 2011). "Ask Billboard: Who Has the Most Million-Selling Downloads?". Billboard. http://www.billboard.com/column/chartbeat/ask-billboard-who-has-the-most-million-selling-1005379792.story. İstifadə tarixi: May 7, 2012. 
  68. . 
  69. 69,0 69,1 "Beat It 2008 – Austrian Singles Chart Archives". austriancharts.at. http://austriancharts.at/showitem.asp?interpret=Michael+Jackson+with+Fergie&titel=Beat+It+2008&cat=s. İstifadə tarixi: March 24, 2009. 
  70. Beat It DVD cover, Sony Music, 2006
  71. Jam CD cover, Sony Music, 1992
  72. Sheffield, Rob (February 21, 2008). "Thriller 25 Deluxe Edition review". Rolling Stone. http://www.rollingstone.com/reviews/album/18290476/review/18305830/thriller_25_deluxe_edition. İstifadə tarixi: 16 oktyabr, 2012. 
  73. Lamb, Bill. "About.com's Thriller 25 review". About.com. http://top40.about.com/od/albums/fr/mjacksonthril25.htm. İstifadə tarixi: February 21, 2009. 
  74. Erlewine, Stephen. "Thriller 25th Anniversary Expanded Edition". Allmusic. http://www.allmusic.com/album/r1314329. İstifadə tarixi: March 10, 2009. 
  75. Gilchrist, Todd. "Michael Jackson – Thriller 25th Anniversary Ed.". IGN. http://uk.music.ign.com/articles/850/850483p2.html. İstifadə tarixi: 16 oktyabr 2012. 
  76. "Beat It 2008 – Swedish Singles Chart Archives". swedishcharts.com. http://swedishcharts.com/showitem.asp?interpret=Michael+Jackson+with+Fergie&titel=Beat+It+2008&cat=s. İstifadə tarixi: March 24, 2009. 
  77. "Beat It 2008 – Swiss Singles Chart Archives". hitparade.ch. http://hitparade.ch/showitem.asp?interpret=Michael+Jackson+with+Fergie&titel=Beat+It+2008&cat=s. İstifadə tarixi: March 24, 2009. 
  78. "Swedish Singles Chart". austriancharts.at. March 27 2009 tarixində ilkin mənbəyindən arxivləşdirildi. http://www.sverigetopplistan.se/. İstifadə tarixi: March 24, 2009. 
  79. http://itunes.apple.com/us/album/beat-it-feat.-john-mayer-single/id276328441
  80. Kreps, Daniel (March 3, 2009). "News Ticker: Robert Plant, Digital Hip-Hop, Gnarls Barkley, Fall Out Boy". Rolling Stone. February 26, 2009 tarixində ilkin mənbəyindən arxivləşdirildi. http://web.archive.org/web/20090226063512/http://www.rollingstone.com/rockdaily/index.php/2008/03/03/news-ticker-robert-plant-indie-hip-hop-labels-gnarls-barkley/. İstifadə tarixi: March 29, 2009. 
  81. Wenzel, John (December 7, 2007). "Review: Kids are all right with Fall Out Boy". The Denver Post. http://www.denverpost.com/movies/ci_5882755. İstifadə tarixi: March 29, 2009. 
  82. "Fall Out Boy load Carling Weekend: Leeds Festival set with covers". NME. (August 24, 2007). http://www.nme.com/news/readingleeds-festival/30642. İstifadə tarixi: March 29, 2009. 
  83. "Fall Out Boy to release first full-length live CD/DVD". NME. (March 4, 2008). http://www.nme.com/news/various-artists/34864. İstifadə tarixi: March 29, 2009. 
  84. 84,0 84,1 84,2 Montgomery, James (April 24, 2008). "Fall Out Boy Released 'Beat It' By Accident, But Still Dream Of World Tour With Michael Jackson". MTV. http://www.mtv.com/news/articles/1586226/20080424/fall_out_boy.jhtml?rsspartner=rssColdFusion. İstifadə tarixi: March 29, 2009. 
  85. Montgomery, James (April 10, 2008). "Fall Out Boy To Enter Studio Soon, But Michael Jackson Cover Could Delay Them A Bit". MTV. http://www.mtv.com/news/articles/1585123/20080409/fall_out_boy.jhtml. İstifadə tarixi: March 29, 2009. 
  86. 86,0 86,1 "Fall Out Boy – Australian Singles Chart Archives". australian-charts.com. http://australian-charts.com/showitem.asp?interpret=Fall+Out+Boy+feat%2E+John+Mayer&titel=Beat+It&cat=s. İstifadə tarixi: March 24, 2009. 
  87. 87,0 87,1 87,2 Montgomery, James (April 21, 2008). "Fall Out Boy Say Their 'Beat It' Clip Is Like All Of Michael Jackson's Videos 'But On A Fall Out Boy Budget'". MTV. April 09 2009 tarixində ilkin mənbəyindən arxivləşdirildi. http://www.mtv.com/news/articles/1585892/20080418/fall_out_boy.jhtml. İstifadə tarixi: March 29, 2009. 
  88. Harris, Chris (August 15, 2008). "Britney Spears, Jonas Brothers Battle It Out For VMA Video Of The Year". MTV. http://www.mtv.com/news/articles/1592894/20080815/slipknot.jhtml. İstifadə tarixi: March 29, 2009. 
  89. "Fall Out Boy – Austrian Singles Chart Archives". austriancharts.at. http://austriancharts.at/showitem.asp?interpret=Fall+Out+Boy+feat%2E+John+Mayer&titel=Beat+It&cat=s. İstifadə tarixi: March 24, 2009. 
  90. 90,0 90,1 90,2 . 
  91. "Fall Out Boy – Dutch Singles Chart Archives". dutchcharts.nl. http://dutchcharts.nl/showitem.asp?interpret=Fall+Out+Boy+feat%2E+John+Mayer&titel=Beat+It&cat=s. İstifadə tarixi: March 24, 2009. 
  92. "Fall Out Boy – New Zealand Singles Chart Archives". charts.org.nz. http://charts.org.nz/showitem.asp?interpret=Fall+Out+Boy+feat%2E+John+Mayer&titel=Beat+It&cat=s. İstifadə tarixi: March 24, 2009. 
  93. "Pop Rock" (Spanish). Record Report. 2008-04-26. 2007-07-02 tarixində ilkin mənbəyindən arxivləşdirildi. http://web.archive.org/web/20070702054004/http://www.recordreport.com.ve/publico/?i=poprock. 
  94. Cadman/Halstead (2007), p. 100
  95. Campbell (1995), p. 154
  96. "Flies & Lies". Allmusic. http://www.allmusic.com/album/flies-lies-r939917. İstifadə tarixi: March 29, 2012. 
  97. "Tribute to Famous People by Pomplamoose". http://itunes.apple.com/mx/album/tribute-to-famous-people/id362278813. İstifadə tarixi: March 25, 2012. 
  98. "Beat It out NOW". john-5.com. http://john-5.com/main/2011/08/28/beat-it-out-now/. 

Ədəbiyyat[redaktə]