Freddi Merkyuri

Vikipediya, açıq ensiklopediya
Keçid et: naviqasiya, axtar
Freddi Merkyuri
Freddie Mercury
Freddi Merkyuri (noyabr, 1978)
Freddi Merkyuri (noyabr, 1978)
Ümumi məlumatlar
Doğum adı Fərrux Bulsara
Doğum tarixi 5 sentyabr 1946(1946-09-05)
Stoun-taun, Zənzibar
Vəfatı 24 noyabr 1991 (45 yaşında)
Kensinqton, London, Böyük Britaniya
Üslublar Rok, hard-rok, qlam-rok
Peşələri Müğənni, bəstəkar
Fəaliyyət illəri 1969 – 1991
Əlaqələri The Hectics, Sour Milk Sea, Wreckage/Ibex, Smile/Queen, Montserrat Kabalye
Albom şirkətləri Columbia, Polydor, EMI, Parlophone, Hollywood Records

Freddi Merkyuri (ing. Freddie Mercury; əsl adı Fərrux Bulsara, qucarat. ફારોખ બલ્સારા‌; 5 sentyabr 194624 noyabr 1991) — "Queen" qrupunun vokalisti, pianoçusu və lideri. "Queen" qrupuna dünya şöhrəti gətirən hitlər arasında Killer Queen, Bohemian Rhapsody, Somebody to Love, We Are the Champions, Don't Stop Me NowCrazy Little Thing Called Love Freddi Merkyuri tərəfindən bəstələnmişdir. 1991-ci ildə QİÇS xəstəliyindən vəfat etmişdir. Gələcəkdə Freddinin Bakıda heykəli ucaldılması planlaşdırılmışdır.

Həyatı[redaktə]

Fərrux Bulsara 1946-cı ildə keçmiş Britaniya koloniyası, indiki Tanzaniyanın Zənzibar adasında anadan olmuşdur. Onun valideynləri Bomi və Cer Bulsara Hindistana köçən Farslar olmuşlar. Onlar Hindistandan Zənzibara Bominin Britaniya Koloniya İdarəsindəki işləri ilə əlaqədar immiqrasiya etmişdilər. Bulsara soyadı Hindistanın Qucarat ştatındakı Bulsar (digər adı – Valsad) şəhərinin adından götürülmüşdür. Merkurinin özündən kiçik Kəşmirə adlı bacısı da var. Təhsilinə Bombeydən 500 km uzaqlıqda, Pəncqani şəhərində yerləşən Müqəddəs Pyotr internat məktəbində başlayır. Bu məktəbdə o pianoda ifa etməyi öyrənir və tədricən ilk qrupu olan Hecticsi yaradır. O, öz uşaqlıq illərini Hindistanda nənəsinin və bibisinin yanında keçirmişdir. Sonra o Cathedral və John Connon məktəbinə daxil olmuşdur. Merkuri Zənzibara qayıtmamışdan əvvəl Hindistanda Mazaqondakı Müqəddəs Meri məktəbini bitirməyə də nail olmuşdur. 17 yaşında ailəsi ilə birgə Zənzibarda baş vermiş inqilab səbəbindən İngiltərəyə köçür. İngiltərədə Merkyuri Qərbi Londonda yerləşən Isleworth Polytechnic (indiki West Thames College) adlanan kollecə daxil olur və burada incəsənəti öyrənməyə başlayır. Sonralar o məhz bu kollecdə Kuinin gələcək üzvləri Brian May və Rocer Teylor ilə tanış olur. Onlar sıx dostluq etməyə başlayırlar. Kitab oxumağı sevən Merkuri Cim Hattonun əsərlərinə böyük maraq göstərmişdir.

Ölümü[redaktə]

Onun son video görüntüsü olan "These Are the Days of Our Lives" klipində onun xəstəliyinin həqiqətən də ciddi olduğunu görmək mümkün idi. 22 noyabr 1991-ci ildə o Queenin meneceri Cim Biç (Jim Beach) ilə Kinqstondakı evində görüşərək xəstəliyinin geniş ictimaiyyətə açıqlanmasını müzakirə edir. Ertəsi gün, yəni 23 noyabrda Freddi Merkyuri QİÇS xəstəliyinə yoluxdugunu elan edir. Həmin gün Dünya rok musiqisi, fanatları və yaxınları şoka düşürlər. Bəli, tam 24 saat keçir, ertəsi gün Dünya rok musiqisinin kralı Freddi Merkuri 45 yaşında gözlərini əbədi olaraq yumur. Ölümünün əsl səbəbi isə QİÇS-dən əmələ gəlmiş sətəlcəm (ciyər xəstəliyi) xəstəliyi kimi göstərilir. Mənsub olduğu Zərdüştlük dininə əməl etməsə də, dəfni bu dinin qayda-qanunları əsasında həyata keçirilir. Cənazəsi Kensal adına Yaşıl Qəbirsanlıqda yandırılır amma, külünün yerləşdiyi yer heç kimə məlum deyil. Lakin, bəzi məlumatlara görə Cenevrə gölünə səpilmişdir. Queenin qalan bütün üzvləri The Mercury Phoenix Trust fondu tərəfindən "Freddi Merkyuri Xeyriyyə Konserti" təşkil edirlər. Konsertin məqsədi QİÇSə qarşı mübarizə idi. Ölümündən sonra açıqlanır ki, O, £500,000 (funt – İngilis pulu) baş aşpazına, £500,000 şəxsi köməkçisinə, £100,000 sürücüsünə və £500,000 partnyoru Jim Huttona vəsiət etmişdir. Meri Austin (Mary Austin), adında ən yaxın dostuna isə yaşadığı mülkü bağışlamışdır.

Yaradıcılıq fəaliyyəti[redaktə]

Vokalist[redaktə]

Dünya rok musiqisi və ümumiyyətlə musiqi tarixində ən yaxşı səslərindən sayılan səsi Queen qrupunun dünya şöhrəti qazanmasında ən əsas faktor rolunu oynamışdır. Freddi Merkyurinin səsi praktiki olaraq dörd oktavanı əhatə etmişdir. Halbuki, o danışanda səsi baritona enirdi, amma oxuyan zaman onun səsi tenordan düşmürdü.

Bəstəkar[redaktə]

Merkuri Queenin Greatest Hits albomundan olan "Seven Seas of Rhye", "Killer Queen", "Bohemian Rhapsody", "Somebody to Love", "Good Old-Fashioned Lover Boy", "We Are the Champions", "Bicycle Race", "Don't Stop Me Now", "Crazy Little Thing Called Love" və "Play the Game" mahnılarının bəstəkarıdır. Merkuri yaradıcılığında bir çox janrlara müraciət etmişdir. Müğəninin bəstələdiyi Bohemian Rhapsody mürrəkkəb quruluşlu mahnısı özundə rok, pop, opera və folklor musiqisi elementlərini mükəmməl şəkildə birləşdirmişdir. Müxtəlif musiqi növ və cərəyanlarına tez-tez müraciət etməsinə baxmayaraq rok-pop musiqisində öz dəsti-xəttinə sadiq qalmışdır.

Freddinin mahnılari optimizm və şənliklə doludur. Dövrün əksər rok qruplarının özünü intihara çağiran mahnılarından fərqli olaraq Freddi mahnıları ilə insanları bu cür addımlar atmaqdan çəkinməyə çağırmışdır. Merkuri oz əsərlərində müxtəlif musiqi stillərini böyük ustalıqla sintez edirdi: operadan ağır rok janrlarına qədər. Bu o dövr üçün tamamilə yeni bir şey idi. Mahnılarının mətnlərində isə klassik ingilis poeziyasından başlayaraq Iran ədəbiyyatı nümunələri və nağılları, eləcədə alman filosoflarının əsərləri də daxil olmaqla geniş bir diapazonda işləyirdi.

Çox güclü fantaziyaya və istedada malik olan Merkuri konsertlərini təkrarolunmaz şoulara çevirə bilirdi. Kliplərində zərdüştlük dininə xas simvolikadan geniş istifadə edirdi.

Pianoçu[redaktə]

1970-ci ildən pianoda ifa etməyə başlayır. O çoxdilli piano, pianino, fortopianohammond orqan pianosunda ifa edirdi.

Merkurinin işlətdiyi dilli pianolar[redaktə]

Çoxdilli piano

  • Baldwin SD10 Concert Grand
  • Bechstein D Concert Grand
  • Bechstein S Baby Grand
  • Bösendorfer Imperial Concert Grand
  • Kawai RX7 Concert Grand
  • Steinway D Concert Grand
  • Steinway S Baby Grand
  • White Baby Grand (unknown brand)
  • Yamaha C1 Baby Grand
  • Yamaha C7 Concert Grand
  • Yamaha CFIIIS Concert Grand

Pianino

  • Chappel
  • Upright (unknown brand)

Elektron pianolar

  • Roland RD1000
  • Wurlitzer EP200
  • Yamaha CP80

Sintezatorlar

  • EMU Emulator II+
  • Fairlight CMIIIS
  • Korg M1
  • Kurzweil K250
  • Oberheim OB8
  • Oberheim OBX
  • Oberheim OBXA
  • Roland Jupiter 8
  • Yamaha DX7

Başqa piano növləri

  • Hammond Organ
  • Harpsichord (unknown brand)

Gitara

  • Ovation 12-String
Kuin (Queen)

Qrupları[redaktə]


Mirası[redaktə]

Montreux, İsveçrə
  • Hindistanda kəşf edilmiş bir qurbağa növü F. Merkurinin şərəfinə Merkurana (Mercurana) adlandırılmışdır.[1]

İstinadlar[redaktə]

  1. Sarao, Arshdeep (April 23, 2013). "Two New Frog Genera Discovered in India". Epoch Times. http://www.theepochtimes.com/n3/22147-two-new-frog-genera-discovered-in-india/?photo=2. İstifadə tarixi: 2 noyabr 2013.

Xarici keçidlər[redaktə]