Hicran Hüseynova

Vikipediya, açıq ensiklopediya
Keçid et: naviqasiya, axtar
Hicran Hüseynova
Hicran Kamran qızı Hüseynova
Hicran Hüseynova
Bayraq
Azərbaycan Respublikası Ailə, Qadın və Uşaq Problemləri üzrə Dövlət Komitəsinin sədri
Bayraq
6 fevral 2006 — indiyə kimi
 
Təhsili: Bakı Dövlət Universiteti
Elmi dərəcəsi: Siyasi elmlər doktoru
Təvəllüdü: 13 avqust 1955 (1955-08-13) (58 yaş)
Bakı, Flag of Azerbaijan SSR.svg Azərbaycan SSR
Atası: Kamran Hüseynov


Hicran Hüseynova - Ailə, Qadın və Uşaq Problemləri üzrə Dövlət Komitəsinin sədri, siyasi elmlər doktoru, professor. Azərbaycanda siyasi elmlər doktoru adını almış ilk qadın.

Həyatı[redaktə]

Hüseynova Hicran Kamran qızı 13 avqust 1955-ci ildə Bakı şəhərində anadan olmuşdur. 1972-ci ildə 6 nömrəli orta məktəbi,1977-ci ildə isə Bakı Dövlət Universitetinin tarix fakültəsini bitirmişdir.

1977-ci ildən 189 saylı orta məktəbdə müəllim fəaliyyətinə başlamış, paralel olaraq Bakı Dövlət Universitetində siyasi tarix fənnini tədris etmişdir.

1988-1993-cü illər ərzində Bakı Dövlət Universitetinin siyasi tarix kafedrasında müəllim, baş müəllim və kafedra dosenti vəzifəsində işləmişdir.

1999-cu ildən 2003-cü ilədək Azərbaycan Respublikası Qadın Problemləri üzrə Dövlət Komitəsində “Beynəlxalq münasibətlər və informasiya” şöbəsinin müdiri işləmişdir.

2000-2006-cı illərdə Bakı Dövlət Universitetində Beynəlxalq hüquq və Beynəlxalq münasibətlər fakultəsinin dekan müavini olmuşdur.

Gender problemləri üzrə Avropa Şurasının və ATƏT-in ekspertidir. Azərbaycanda “Beynəlxalq məsələlərin tədqiqatı assosiasiyası” nın prezidentidir.

Azərbaycan Respublikası Prezidentinin 7 fevral 2006-ci il tarixli Sərəncamı ilə Ailə, Qadın və Uşaq Problemləri üzrə Dövlət Komitəsinin sədri vəzifəsinə təyin edilmişdir.

2011-ci ilin 27 yanvar tarixində Fransa Prezidenti tərəfindən “Fransanın Milli Fəxri Legion Ordeninin zabit rütbəsi (ikinci dərəcəli)” ilə təltif olunmuşdur.

Ailəlidir, 2 övladı, 1 nəvəsi var.

Elmi fəaliyyəti[redaktə]

1985-ci ildə namizədlik dissertasiyası müdafiə etmiş və tarix elmləri namizədi alimlik dərəcəsinə layiq görülmüşdür.

2001-ci ilin noyabrında “Azərbaycan Avropa inteqrasiya sistemində” mövzusunda doktorluq disertasiyası müdafiə etmişdir. Azərbaycanda siyasi elmlər üzrə doktorluq müdafiə etmiş ilk qadındır.

2006-cı ilin dekabr ayından Bakı Dövlət Universitetinin Diplomatiya və müasir inteqrasiya prosesləri kafedrasının müdiri vəzifəsində çalışır.

2007-ci ilin sentyabr ayında Azərbaycan Respublikası Prezidenti yanında Ali Atestasiya kommisiyasi tərəfindən Hicran Hüseynovaya pofessor adı verilmişdir.

Tədqiqatları müasir beynəlxalq münasibətlər, beynəlxalq münasibətlərdə lobbizm, müasir inteqrasiya prosesləri mövzularına həsr olunmuşdur. Ölkəmizdə və xaricdə nəşr olunan bir çox elmi məqalənin, bir sıra metodiki vəsaitlərin, monoqrafiyaların, programların, kitabların müəllifidir.


Xarici keçidlər[redaktə]