Love Is a Battlefield (Pet Benatar)

Vikipediya, açıq ensiklopediya
Keçid et: naviqasiya, axtar
"Love Is a Battlefield"
"Love Is a Battlefield" mahnısı
Pet Benatar tərəfindən Live from Earth[1] albomunda ifa olunmuş

Sinql

Yayımlanıb 12 oktyabr 1983
Səsyazma
studiyası
Chrysalis Records
Janr Rok
Elektronik rok
Yeni dalğa
Dil İngilis dili
Müddəti 5:22
4:06 (7")
Sözlərin müəllifi Holli Nayt
Mayk Çepmen
Prodüser Neyl Ceraldo
Piter Koleman
Live from Earth[1] albomunun xronologiyası
"Anxiety (Get Nervous"
(1982)
"Love Is a Battlefield"
(1983)
"Lipstick Lies"
(1984)
Dinlə
Love Is a Battlefield mahnısının səslənməsi

Love Is a Battlefield[2](azərb. Sevgi döyüş meydanıdır) — 1983-cü ildə Polşa əsilli ABŞ müğənnisi Pet Benatar tərəfindən ifa edilən sinqldır.[3][4] Musiqinin sözləri Holli Nayt və Mayk Çepmenə məxsusdur. Sinql ABŞ Billboard Hot 100 hit-paradında 5-ci yer, ABŞ "Billboard Hot Mainstream Rock Tracks" hit-paradında 1-ci yer, Niderland Dutch Top 40Avstraliya ARIA Charts hit-paradlarında 1-ci yer, Almaniya German Singles Chart hit-paradında 3-cü yer tutmuşdur. Mahnı Mart ayında 1985-ci ildə Böyük Britaniya UK Singles Chart hit-paradında 17-ci mövqe qazanmışdır. "Love Is a Battlefield" sinqlı Kanadada qızıl sertifikatı qazanmışdır. Mahnının prodüseri Neyl Ceraldo və Piter Kolemandır. Bu sinql Pat Benatarın ən yaxşı dörd sinqlından biridir.[5] "Love Is a Battlefield" mahnısının bir çox kaver versiyası çıxmış və orijinal versiyanın uğurunu təkrarlaya bilməmişdir.

"Live from Earth" albomu[redaktə]

1979-cu ildə çıxarılan In the Heat of the Night (azərb. Gecənin hərarətində) albomu Pet Benatar üçün böyük uğur olmuşdur. Ardınca çıxarılan albomlar ona məşhurluq gətirmişdir. 1983-cü il oktyabr ayında Pat Benatar Live from Earth (azərb. Yerdən yaşayın) albomunu çıxarır.[6] Bir neçə müddət sonra Pet Benatar albomun video versiyasını çıxarır. Bu versiyası disk formatından fərqlənirdi. Çox keçməmiş albom video DVD formatında istehsal edilmiş və adı dəyişilərək "Live from New Haven" (azərb. Nyu-Heyvendən yaşayın) adı kimi istehsal edilmişdir.[7].Albomun bütün mahnıları onun bir çox mahnıları kimi Rok janrındadır. "Live from Earth" albomu 5 dəfə RIAA və CRIA mükafatlarına layiq görülmüş və ABŞ-da 13-cü mövqe tutmuşdur.[8] Albomda 10 mahnı vardır. Bu mahnılardan hit-paradlarda yüksək mövqe tutan və Pat Benatarın ən yaxşı mahnıları siyahısına daxil olan "Hit Me with Your Best Shot" (azərb. Ən yaxşı atəşin ilə mənə zərbə endir) və "Love Is a Battlefield" adlı mahnılardır. "Love Is a Battlefield" mahnısı onun musiqi karyerasında ən çox seçilən mahnılarından biri olmuşdur.[9][10][11][12] Mahnının janrı isə Rok və həmin dövrdə yeni populyarlıq qazanan Yeni dalğa janrlarındadır. Mahnı dövründə çox populyar olduğuna görə MTV musiqi kanalında göstərilmiş və "Ən yaxşı qadın üçün MTV Video Musiqi mükafatı" (ing. MTV Video Music Award for Best Female Video) nominasiyasına layiq görülmüşdür. Hətta bu mahnı ilə Maykl Cekson maraqlanmış və Benatar ona ifa etdiyi rəqsi izah etmişdir. Mahnı 1983-cü ildə Qremmi mükafatının "Ən yaxşı qadın rok-vokal" (ing. Grammy Award for Best Female Rock Vocal Performance) kateqoriyasını qazanmışdır.[13][14][15] Mahnı ilk dəfə Böyük Britaniyanın hit-paradında əvvəlcə 49-cu mövqe tutmuş, sonra isə 17-ci mövqeyə enərək məşhur olmuşdur.[16]

Mahnının klipi[redaktə]

Mahnı klipinin horeoqrafı Maykl Piters mahnının 1:40 dəqiqəsində peyda olur. Mahnıda gənc bir qızın həyatından danışılır.[17] Gənc bir qız (rolu ifa edir: Pet Benatar) azad yaşamaq istədiyi üçün atası (rolu ifa edir: Trey Uilson) tərəfindən evdən qovlanılır. Bu zaman onu yuxarı mərtəbədən qəmli baxışlarla ondan yaşca kiçik olan qardaşı izləyir. Şəhərdə yaşayışını təmin etmək üçün qız gecə klubunda taksi-rəqqasə vəzifəsində çalışmağa başlayır. Burada çalışqdığı müddətdə qız qardaşına yeni düşündüyü həyat haqqında məktub yazır. Qardaşı isə məktubu oxuyur və üzündə təbəssüm hissi yaranır. Bir müddət sonra klubun sahibi rəqqasə qıza zərbə vurmaq istəyir. Amma cavan qız buna imkan verməyərək ona uzun müddət qadın azadlığını və qadınların kişilərdən üstün olduğunu göstərir. Bütün rəqsçi qızlar cavan qızla sağollaşaraq buranı tərk edir və günün çıxmasına doğru gedir. Cavan qız şəhərdə hərəkət edən avtobusda bütün bu hadisələri yadına salır.[18][19][20] Mahnı 2004-cü ildə çəkilmiş ABŞ filmi olan "13-dən 30-a" adlı filmdə səslənmişdir.

Kaver versiyalar[redaktə]

"Love Is a Battlefield" mahnısının kaver versiyaları məşhur olmamışdır. 1984-ci ildə Pet Benatar tərəfindən ifa edilən "Love Is a Battlefield" mahnısının ilk kaver versiyası ifa edilir. Mahnının ifaçısı İngilis ifaçısı Kris Normandır. Mahnı gözəl ritmlə səslənsə də hit-paradlara düşə bilməmişdir.[21] Müğənni Şer "Love Is a Battlefield" mahnısını orijinal variantda 1982-ci ildə "Love Hurts Tour" adlı konsertində ifa etmişdir.[22][23] 1998-ci ildə mahnının ikinci kaver versiyası çıxır. Bu kaver versiyası remiks formasında ifa edilir. İfaçılar orijinal mahnını ifa edən Pet BenatarKuin Latifa olur. Mahnıda Kuin Latifa tərəfindən Rep sözləri vardır. 2002-ci ildə ABŞ-ın rok janrında ifa edən qruplarından biri olan Zwan tərəfindən "Love Is a Battlefield" mahnısının kaver versiyası ifa edilir. Mahnı gitarada ifa edilmiş və məşhur olmamışdır. 2005-ci ildə alman rep qrupu olan "Separate" qrupu tərəfindən mahnının yeni kaver versiyası ifa edilmişdir. İfa edilən bu versiya janrına görə nisbətən əvvvəlki versiyalardan fərqlənirdi. 2008-ci ildə isə "Love Is a Battlefield" mahnısının digər versiyası Kanadalı ifaçı olan Jann Arden tərəfindən ifa edilir. Mahnının adı "Love is a Battlefield - Brian and Justin" kimi səslənir. Bu mahnıda homoseksuallığa toxunan 2000-ci ildə ABŞKanada istehsalı olunan "Yaxın dostlar" serialından fraqmentlər göstərilir. Həmçinin, mahnı 2004-cü ildə "SPARK [BE]" və 2010-cu ildə "Boombox Kids" musiqi qrupları tərəfindən uğurla ifa edilmiş, lakin dünya ölkələrinin hit-paradlarında məşhurluq qazana bilməmişdir. Pet Benatar tərəfindən ifa edilən "Love Is a Battlefield" mahnısının orijinal versiyası internetdə YouTube saytında ən çox izlənilən mahnılardan biridir.

Trek siyahısı[redaktə]

7" Single Chrysalis 105 939, 1983
  • Love Is A Battlefield 4:08
  • Hell Is For Childeren (Live) 6:05
12" Maxi Chrysalis 601 086, 1983
  • Love Is A Battlefield (Extended Version) 6:31
  • Hell Is For Children (Live) 6:00
  • Love Is A Battlefield (Instrumental) 5:20

Hit paradlarda yüksəldiyi pozisiya[redaktə]

Pozisiya (1983) Yüksəldiyi
yer
Flag of the United States.svg U.S. Billboard Hot 100 5[24]
Flag of the United States.svg U.S. Billboard Hot Mainstream Rock Tracks 1[25]
Pozisiya (1984) Yüksəldiyi
yer
Flag of Australia.svg ARIA Charts 1[26]
Flag of the Netherlands.svg Dutch Top 40 1[27][28]
Flag of Germany.svg German Singles Chart 3[29]
Flag of Belgium (civil).svg Ultratop 1[30]
Flag of Switzerland.svg Swiss Music Charts 11[31]
Flag of New Zealand.svg Recording Industry Association of New Zealand 6[32]
Flag of Canada.svg Canadian Singles Chart 2[33]
Pozisiya (1985) Yüksəldiyi
yer
Flag of the United Kingdom.svg UK Singles Chart 17[34][35]

İstinadlar[redaktə]

  1. Pond, Steve (24 November 1983). "Album Reviews: Pat Benatar - Live from Earth". Rolling Stone. Arxivləşdirilib from [1] on 2007-10-01. http://web.archive.org/web/20071001161319/http://www.rollingstone.com/artists/patbenatar/albums/album/273971/review/5942728/live_from_earth. İstifadə tarixi: 2012-03-08.
  2. Love Is a Battlefield Diskogs.com
  3. Whitburn, Joel (2004). The Billboard Book of Top 40 Hits, 8th Edition (Billboard Publications), page 57.
  4. Musikvideo in MyVideo.de
  5. "RIAA Celebrates 50 Years Of Gold Records". Riaa.com. http://www.riaa.com/newsitem.php?id=7B0D4A07-0D23-A750-0BE1-22882C5C2F13&searchterms=benatar&terminclude=&termexact=. İstifadə tarixi: 2012-06-14.
  6. "Search for Live from Earth - Benatar, Pat". Recording Industry Association of America. http://www.riaa.com/goldandplatinumdata.php?content_selector=gold-platinum-searchable-database#. İstifadə tarixi: 2012-03-08.
  7. Amazon.com "Live from New Haven". http://www.amazon.com/Live-New-Haven-1983-Benatar/dp/6305538433.
  8. DeGagne, Mike. "Pat Benatar Live from Earth review". Allmusic. Rovi Corporation. http://www.allmusic.com/album/live-from-earth-r1674/review. İstifadə tarixi: 2012-03-08.
  9. Rəsmi sayt Pat Benatar.
  10. Pat Benatar Allmusic.com.
  11. Site d'un fan italien dédié à l'artiste.
  12. Pat Benatar Benatargiraldo.com.
  13. "Recording Industry Association of America". RIAA. http://www.riaa.com/goldandplatinumdata.php?content_selector=gold-platinum-searchable-database. İstifadə tarixi: 2012-03-31.
  14. Publisher A-Side: Chinnichap Publ. Ltd./Rak Publ. Ltd. - B-Side: Chrysalis Music Ltd.
  15. Taken From The Album: 'Live From Earth' - 205 771
  16. Pet Benatar Rusca həyatı
  17. Almightyrecords.com
  18. "Love Is a Battlefield" Songfacts.com, Yoxlanılıb: 11 Yanvar 2011
  19. Mahnının sözləri ingiliscə
  20. Love Is a Battlefield mahnısının rusca tərcüməsi
  21. Kris Norman Love Is a Battlefield Swisscharts.com
  22. Kaplan, Renee (24 May 1992). "This Week".
  23. "BBC - Top of the Pops - Videoclips". BBC. http://www.bbc.co.uk/totp/artists/c/cher/clips/couldve_been_you.shtml. İstifadə tarixi: 2009-03-29.
  24. Pat Benatar Album & Song Chart History Billboard Hot 100.Retrieved December 17, 2010.
  25. "Billboard chart positions singles". allmusic. http://www.allmusic.com/artist/p3661.
  26. David Kent (1993). Australian Chart Book 1970 - 1992. Australian Chart Book, St Ives, N.S.W.. ISBN 0-646-11917-6.
  27. De Nederlandse Top 40, week 11, 1984.
  28. "Dutch charts portal - Pat Benatar". dutch charts.nl. http://dutchcharts.nl/search.asp?search=pat+benatar&cat=s.
  29. Chartquellen: DE AT CH UK US
  30. Love Is a Battlefield Swisscharts.com
  31. "Hit Parade - Pat Benatar". hit parade.ch. http://hitparade.ch/search.asp?search=pat+benatar&cat=s.
  32. "New Zealand charts portal - Pat Benatar". charts.org.nz. http://charts.org.nz/search.asp?search=pat+benatar&cat=s.
  33. "Search results for "Pat Benatar"". RPM (magazine). http://www.collectionscanada.gc.ca/rpm/028020-110.01-e.php?PHPSESSID=gmrhouli7kvfvaeu848ka389j0&q1=Pat+Benatar&q2=&interval=20.
  34. "UK Singles chart runs - Pat Benatar". Polyhex. http://www.polyhex.com/music/chartruns/chartruns.php.
  35. Quellen Chartplatzierungen: DE / UK/ US, abgerufen am 25. Dezember 2010.

Xarici keçidlər[redaktə]