Mixeil Saakaşvili

Vikipediya, açıq ensiklopediya
Keçid et: naviqasiya, axtar
Mixeil Nikolozoviç Saakaşvili
gürc. მიხეილ ნიკოლოზის ძე სააკაშვილი
Mixeil Nikolozoviç Saakaşvili
Bayraq
Gürcüstan Respublikasının 3-cü prezidenti
Bayraq
25 yanvar 200425 noyabr 2007
20 yanvar 2008 — 27 oktyabr 2013
Sələfi: Eduard Şevardnadze
Nino Burcanadze (s.i.)
Xələfi: Georgi Margvelaşvili
Bayraq
Gürcüstanın ədliyyə naziri
12 oktyabr 2000 — 5 sentyabr 2001
Sələfi: Coni Xesuriani
Xələfi: Roland Qiliqaşvili
 
İxtisası: hüquqşünas
Milliyəti: gürcü
Dini: pravoslav
Təvəllüdü: 21 dekabr 1967(1967-12-21)
Tbilisi, Gürcüstan SSR
Atası: Nikoloz Saakaşvili
Anası: Qiuli Alasaniya
Həyat yoldaşı: Sandra Rulofs
Uşaqları: oğlanları: Eduard və Nikoloz

Mixail Saakaşvili (gürc. მიხეილ ნიკოლოზის ძე სააკაშვილი) — Gürcü siyasətçisi və 2004-2013-cü illərdə Gürcüstan Respublikasının Prezidenti. 2003-cü ilin oktyabrında Gürcüstanda baş vermiş qızılgül inqilabının əsas ideya müəllifi olmuş və 15 yanvar 2004-cü ildə prezident səçkilərinin nəticələrinə əsasən Gürcüstan Respublikasının Prezidenti seçilmişdir. 5 yanvar 2008-ci ildə növbədənkənar seçkilərdə yenidən qələbə qazanmışdır.

Həyatı[redaktə]

Mixail Saakaşvili 1967-ci il dekabrın 21-də Tiflisdə doğulub. Atası Nikoloz Saakaşvili həkimdir. Anası Giuli Alazania Tbilisi Dövlət Universitetinin tarix kafedrasında professoru və Gürcüstan Elmlər Akademiyasında şöbə müdiri vəzifəsində çalışır.

Saakaşvili Kiyev Dövlət Universitetinin beynəlxalq hüquq ixtisasını bitirmişdir. 1986-cı ilin sonlarından etibarən iki il müddətində Sovet Ordusu tərkibində ÇexoslovakiyaMacarıstanda həqiqi hərbi xidmətdə olmuşdur.

1992-ci ildən il yarım müddətində Osloda yerləşən Norveç İnsan Hüquqları İnstitutunda, sonra isə Tiflisdə Gürcüstan İnsan Hüquqları Komitəsində çalışmış və azlıq hüququ üzrə ixtisaslaşmışdır. 1993-cü ildə Strasburqda yerləşən Beynəlxalq İnsan Hüquqları İnstitutunun diplomuna layiq görülmüşdür.

1994-cü ildə "Edmund S. Muskie Graduate Fellowship" proqramı üzrə təqaüd qazanaraq Kolumbiya Universitetinin Hüquq elmləri fakültəsində magistraturaya daxil olmuş, 1995-ci ildə Corc Vaşinqton Universitetində dissertasiya müdafiə edərək doktorluq dərəcəsi qazanmışdır.

Sandra Rulofs adlı holland əsilli qadınla ailə həyatı qurmuşdur və Eduard və Nikiloz adlı iki övladları vardır. Ana dili ilə yanaşı ingilis, rus, fransız və ukrayna dillərində sərbəst danışır.

Siyasi fəaliyyəti[redaktə]

Siyasi fəaliyyətinə 1995-ci ildə başlayan Saakaşvili Gürcüstan parlamentinin deputatı seçilib. 2000-ci ildə ədliyyə naziri vəzifəsinə təyin edilib. Sonra Tiflis meri seçilib. 2003-cü ildən Gürcüstan prezidenti postunu tutur[1].

Abxaziya və Osetiya[redaktə]

Mixail Saakaşvili, hər şeyə baxmayaraq ABŞ-ın Rusiyanı əhatə etmə, parçalama və işğal etmə strategiyası böyük bir əməliyyatla Köhnə Sovet torpaqlarında tətbiq olunmağa cəhd etdi. 7 avqust 2008-ci ildə Pekin Olimpiadasının açılışı şənlik hazırlıqları əsnasında Gürcüstan Ordusu, Cənub Osetiya Respublikası torpaqlarının güc yoluyla işğalına başlamışdı. Tanınmayan Osetiya dövlətini məhv etdikdən sonra Abxaziyaya gələcək zərbə endirəcəkdi. Amma Rusiya sülhməramlı və Osetin könüllü milis döyüşçüləri kömək gələnə qədər üstün düşmən qüvvətlərinin hücumlarını püskürtdülər və əks-hücuma keçib işğalçıları geri atdılar. Beləliklə, Abxaz və Cənub Osetinlərin bir qisimini qətl edib bir qismini çölə atmaq planı suya düşdü. Bu səbəblə Mihail Saakaşvili, Qərbli ölkələrin nəzərində də bütün etibarını itirdi.

Filmoqrafiya[redaktə]

  1. Böyük ömrün anları (film, 2006)-Arxiv kadrlar (Tammetrajlı Sənədli Televiziya Filmi)
  2. Böyük ömrün davamı (film, 2007)-Arxiv kadrlar (Tammetrajlı Bədii-Sənədli Televiziya Film-Tamaşası)
  3. BP Azərbaycanda (film, 2007)-Arxiv kadrlar (Qısametrajlı Sənədli Film)
  4. Mənə inanın! (film, 2007)-Arxiv kadrlar (Tammetrajlı Sənədli Televiziya Filmi)
  5. Uğur formulu (film, 2007)-Arxiv kadrlar (Qısametrajlı Sənədli Televiziya Filmi)

İstinadlar[redaktə]

  1. Saakaşvilinin 42 yaşı tamam oldu