Mustafa ağa Vəkilov
| Mustafa ağa Vəkilov | |
 |
|
| Doğum tarixi: | 25 yanvar 1899-cu il |
|---|---|
| Doğum yeri: | Qazax qəzası |
| Vəfatı: | 30 aprel 1943-cü il (44 yaşında) |
Vəkilov Mustafa ağa Məmməd ağa oğlu — Azərbaycan Demokratik Respublikası parlamentinin xüsusi qərarına əsasən, dövlət hesabına ali təhsil almaq üçün xaricə göndərilmiş tələbələrdən biri. Azərbaycanın ilk hüquq professoru, Sarbonna Universitetinin məzunu.
Mündəricat |
[redaktə] Həyatı
Mustafa ağa Vəkilov 1899-cu ildə Qazax qəzasında anadan olmuşdur. 1917-ci ildə Tiflis kişi gimnaziyasını bitirmişdir. Azərbaycan Xalq Cümhuriyyətinin Tiflisdəki daimi nümayəndəliyində tərcüməçi işləmişdir. Parlamentin 1919-cu il 1 sentyabr tarixli qərarına əsasən, təhsilini hüquq sahəsində davam etdirmək üçün Paris Universitetinə (Fransa) göndərilmişdir.
Azərbaycanda sovet hakimiyyəti qurulduqdan sonra xaricdə dövlət hesabına təhsil alan azərbaycanlı tələbələrin vəziyyətini öyrənmək üçün 1921-1922 illərdə Xalq komissarları Sovetinin sədri Nəriman Nərimanovun tapşırığı ilə xaricə ezam olunmuş xüsusi nümayəndənin hesabatında onun 2-ci kursa keçdiyi göstərilirdi. Universiteti bitirdikdən sonra hüquq magistri elmi dərəcəsi almışdır (1924).
[redaktə] Fəaliyyəti
Vəkilov 1924-1927-ci illərdə Azərbaycanın ədliyyə orqanları, 1927-1937-ci illərdə ali məktəblərində çalışmış, həmçinin elmi-tədqiqat, tərcümə və redaktə işi ilə məşğul olmuşdur. Azərbaycanda ailə hüququ (inqilabdan əvvəl), hüquq və əxlaq və s. mövzularda əsərlər, həmçinin mülki hüquqdan qısa dərslik yazmış, "Rusca-Azərbaycanca lüğət" (Bakı, 1938) tərtib etmişdir. 1937-ci ilə "əksinqilabi-millətçi təşkilatın üzvü" ittihamı ilə həbs edilmiş, Voloqda, sonra isə Komi MSSR-ə sürgün olunmuşdu.
[redaktə] Mənbə
- ASE, c. 2, Bakı: 1978, səh. 460.
- İsmayıl Umudlu. Vəkiloğulları. Bakı: “QAPP-poliqraf” nəşriyyatı, 2003.
