Sadaxlı

Vikipediya, açıq ensiklopediya
Keçid et: naviqasiya, axtar

Koordinatlar: N°41′14″20, E°44′47″16

Sadaxlı
Məlumatlar
Əhali 9.450 (2002)
Yüksəklik 450 metr
Koordinatlar N°41′14″20, E°44′47″16
İnzibati İdarə
Ölkə Flag of Georgia.svg Gürcüstan
Coğrafi bölgə Aşağı Kartli
Rayon Marneuli

Sadaxlı (gürc. სადახლო (Sadaxlo); azərb. Sadaxlı) — Gürcüstan Respublikasının Aşağı Kartli mxaresinin Sarvan bələdiyyəsinin inzibati-ərazi vahidində kənd.

Fiziki-coğrafi mövqe[redaktə]

Sadaxlı kəndi rayon mərkəzindən 35 km., paytaxt Tiflisdən 65 km. cənubda, dəniz səviyyəsindən təqribən 450 metr yüksəklikdə, Borçalı (indiki Debed) çayının sol sahilində yerləşir. Həmin ərazidə bu çay həm də Ermənistanla Gürcüstanın sərhəd xəttinin bir hissəsini təşkil edir.

Əhalisi[redaktə]

2002-ci ildə Gürcüstanda aparlmış sonuncu siyahıyaalmanın nəticələrinə əsasən kənddə 2272 ailədə 9450 nəfər əhali yaşayır. Kənd əhalisinin 50,1%-i kişilər, 49,9%-i isə qadınlardan ibarətdir. Ailələrin orta say tərkibi 4,2 nəfərdir. Rəsmi statistikaya əsasən kənd sakinlərinin 97%-i etnik azərbaycanlılardan ibarətdir. Sadaxlı kəndi əhalisinin sayına görə BorçalıdaGürcüstanda ən böyük kənd yaşayış mətəqəsidir.

Təsərrüfatı[redaktə]

Sadaxlı Marneuli rayonunun aqrar kəndidir. Əsas məşğulluq sahələri kənd təsərrüfatı və sərhədyanı ticarətdir. Taxılçılıq, tərəvəzçilik, kartofçuluq, maldarlıq, arıçılıq və s. inkişaf etmişdir. Ermənistanla sərhəddə yerləşdiyindən burada eyniadlı sərhəd-buraxılış məntəqəsi və gömrük postu da yerləşir. 2003-cü ilədək burada sərhədyanı ticarət üçün nəzərdə tutulmuş bazar (Sadaxlı bazarı) fəaliyyət göstərsə də, sonralar naməlum səbəblərdən bağlanmışdır. Bazarın fəaliyyətini dayandırması kənddə işsizliyin artmasına rəvac verərək güclü emiqrasiya ilə müşayiət olunmuşdur. Sadaxlı kəndi və ətraf azərbaycanlı kəndləri ildə 11.000 ton taxıl istehsal edirdilər. Lakin son illərdə məmurlar həmin kəndlərə gələn 80 km uzunluğunda su xəttini kəsərək metal qəbuluna satması nəticəsində kəndlər susuz qalıb. Nəticədə həmin kəndlərin əhalisi 18.000 nəfərdən indi 4.000-5.000 nəfərə qədər düşüb. [1]

Görkəmli şəxsiyyətləri[redaktə]

Xarici keçidlər[redaktə]

Mənbə[redaktə]