Vikimaniya
Vikimaniya (ing. Wikimania) — Vikimediya Fondunun (ing. Wikimedia Foundation) hər il təşkil etdiyi beynəlxalq konfransdır. Konfrans elmi xarakter daşımaqla yanaşı, viki iştirakçılarının görüşməsinə və fikir mübadiləsi aparmasına şərait yaradır. Vikimaniyada Vikimediya Fondunun müxtəlif layihələrində iştirak edən istifadəçilər toplaşırlar. Burada onlar məruzələrlə çıxış edir, müxtəlif layihələr barədə təqdimatlar göstərir, yeni ideyalar təklif edirlər. Vikimaniya vikimediyaçılara (Wikimedians) müxtəlif sahələrə aid məsələləri geniş şəkildə müzakirə etmək imkanı verir. Bu məsələlərə azad və açıq proqram təminatından başlayaraq, biliyin və vikilayihələrin bütün dünyaya yayılmasına qədər təşəbbüslər aiddir.
- "Vikimaniya-2005" konfransı 2005-ci ilin 4-8 avqustunda Almaniyanın Frankfurt şəhərində keçirilmişdir.
- "Vikimaniya-2006" konfransı 2006-ci ilin 4-6 avqustunda Massaçusets ştatında, Kembricin "Harvard Law School” bölməsində keçirilmişdir.
- "Vikimaniya-2007" konfransı 2007-ci ilin 3-5 avqustunda Tayvanda keçirilmişdir.
- "Vikimaniya-2008" konfransı 2008-ci ilin 17-19 iyulunda Misirdə, İskəndəriyyə Kitabxanasında keçirilmişdir.
- "Vikimaniya-2009" konfransı Argentinanın Buenos-Ayres şəhərində keçirilmişdir.
- "Vikimaniya-2010" konfransı Polşanın Qdansk şəhərində keçirilmişdir.
- "Vikimaniya-2011" konfransı İsrailin Hayfa şəhərində keçiriləcəkdir.
- "Vikimaniya-2012" konfransı ABŞ-ın Vaşinqton şəhərində keçiriləcəkdir.
Vikipediya üzrə keçirilən konfransların əsas məqsədi – Vikipediya əhalisini görüşdürmək, onların bir-birlərinin Vikipediyadakı gələcək planları haqqında informasiya əldə etməyə şərait yaratmaqdır. Konfransda vikimediyaçılarla yanaşı, viki layihələrində iştirak etməyən şəxslər də çıxış edə bilərlər.
[redaktə / تحریر] Həmçinin bax
|
