Əbdül Mahmudov

Əbdül Mahmudov
Fayl:Əbdül Mahmudov.jpg
Digər adları	Əbdül Mahmudbəyov Şeyx Əbdül Mahmudbəyov
Doğum tarixi	15 may 1944
Doğum yeri	Atbulaq, Hacıqabul rayonu, Azərbaycan SSR
Milliyyəti	azərbaycanlı
Vətəndaşlığı	Azərbaycan
Fəaliyyəti	rejissor, aktyor
Fəaliyyət illəri	1957–indiyə kimi
Təhsili	Azərbaycan Dövlət Mədəniyyət və İncəsənət Universiteti
Mükafatları
IMDb	ID0538535

Abduləhəd Əlisa oğlu Mahmudov və ya Əbdül Mahmudov (15 may 1944, Atbulaq, Qazıməmməd rayonu) — Azərbaycan kinorejissoru, ssenarist və aktyor, Azərbaycan Respublikasının xalq artisti (2018), Azərbaycan SSR Dövlət mükafatı laureatı (1986). Şeyx Əbdül adı ilə də tanınır.

Həyatı

Əbdül Mahmudov 15 may 1944-cü ildə indiki Hacıqabul rayonunun Atbulaq kəndində anadan olub. Əslən Şamaxıdandır. Ana tərəfi Haşimi krallığından olduğu üçün, nəsilləri həşimxanlılar adlanırmış. Ata tərəfi isə Ərdəbildən olub. 1961-ci ildə orta məktəbi bitirmişdir.

Kinoya gəlişi uşaqlıq illərində çəkildiyi "Bir məhəllədən iki nəfər" və "Leyli və Məcnun" filmlərilə baş vermişdir. Daha sonra M.A. Əliyev adına Azərbaycan Dövlət İncəsənət İnstitutunun Adil İsgəndərovun kursunda aktyorluq ixtisasında (1962–1966), Moskvada isə Ali rejissorluq və ssenaristlər kursunun rejissor bölməsində Andrey Tarkovski, Leonid Trauberq, Vasili Şukşin və G. Daneliya kimi məşhur sənətkarlardan dərs almışdır (1971–1973).

1966-cı ildən "Azərbaycanfilm" kinostudiyasında aktyor kimi işləyib. Bir ara kinostudiyanın nəzdindəki kinoaktyor teatrının bədii rəhbəri olub.

Əbdül Mahmudovun ulu babası Hacı Şeyx Mürsəl ağa XVII əsrdə Ərdəbildə Şah İsmayıl Xətainin ulu babası olmuş Şeyx Səfiəddin Ərdəbilinin darülfünununda ilahiyyat elmi üzrə təhsil almışdır. Sonradan göndərişlə Şamaxı şəhərinə gəlib.

Təltif və mükafatları

• Azərbaycan SSR Dövlət mükafatı — 1986
• "Azərbaycan Respublikasının əməkdar incəsənət xadimi" fəxri adı — 1 avqust 2008
• "Azərbaycan Respublikasının xalq artisti" fəxri adı — 1 avqust 2018
• Azərbaycan Respublikası Kinematoqrafçılar İttifaqının Milli Kino Mükafatı — 2019

Filmoqrafiya

Aktyor kimi

• Bir məhəllədən iki nəfər (film, 1957) (tammetrajlı bədii film)
• Leyli və Məcnun (film, 1961) (tammetrajlı bədii film)
• Əhməd haradadır? (film, 1963) (tammetrajlı bədii film) (rol: kənd sakini)
• Uşaqlığın son gecəsi (film, 1968) (tammetrajlı bədii film) (rol: milis işçisi)
• Şərikli çörək (film, 1969) (tammetrajlı bədii film) (rol: bazardakı alıcı)
• O qızı tapın (film, 1970) (tammetrajlı bədii film) (rol: mafioz qrupunun üzvü)
• Yeddi oğul istərəm... (film, 1970) (tammetrajlı bədii film) (rol: Qasım)
• Axırıncı aşırım (film, 1971) (tammetrajlı bədii film) (rol: Bəylər)
• Ən vacib müsahibə (film, 1971) (tammetrajlı bədii film) (rol: Fikrət)
• Nəsimi (film, 1973) (tammetrajlı bədii film) (rol: dərviş)
• Ömrün ilk saatı (film, 1973) (tammetrajlı bədii film) (rol: fotoqraf)
• Çarvadarların izi ilə (film, 1974) (tammetrajlı bədii film) (rol: Qərib)
• Qatır Məmməd (film, 1974) (tammetrajlı bədii film) (rol: bolşevik)
• Dörd bazar günü (film, 1975) (tammetrajlı bədii film)
• Sevinc buxtası (film, 1977) (tammetrajlı bədii film) (rol: Əbdül)
• Diplom işi (film, 1979) (rol: qızın qardaşı) (qısametrajlı bədii film)
• Qəribə adam (film, 1979) (tammetrajlı bədii film) (rol: Orxan)
• Qorxma, mən səninləyəm (film, 1981) (tammetrajlı bədii film) (rol: kisəçi)
• Ağlar-güləyən (film, 1988) (qısametrajlı sənədli-bədii film)
• Qətl günü (film, 1990) (tammetrajlı bədii film) (rol: Tatar Təmir)
• Əlavə təsir (film, 2010) (tammetrajlı bədii film) (rol: Nazim Şeydayev)
• Şəbəkə (film, 2011) (qısametrajlı bədii film) (rol: Gülzarın atası)
• Dmitrov küçəsi 86 (film, 2015) (qısametrajlı bədii film) (rol: polis mayoru)
• Zabit şərəfi (film, 2015) (qısametrajlı bədii film) (rol: polis polkovniki)
• Kəklikotu (film, 2017) (tammetrajlı bədii film) (rol: polis rəisi)

Rejissor assistenti kimi

• Dağlarda döyüş (film, 1967) (tammetrajlı bədii film)

İkinci rejissor kimi

• Bizim Cəbiş müəllim (film, 1969) (tammetrajlı bədii film)
• Dəli Kür (film, 1969) (tammetrajlı bədii film)
• Oxuyur Müslüm Maqomayev (film, 1971) (tammetrajlı bədii film)

Rejissor kimi

• Qeyri-adi ov (film, 1974) (qısametrajlı bədii film)
• Firəngiz (film, 1975) (tammetrajlı bədii film)
• Alıcının sərgüzəşti (film, 1976) (qısametrajlı bədii süjet — Mozalan № 31)
• Əcəmi Naxçıvani (film, 1976) (qısametrajlı sənədli film)
• Ömür-gün sevdası (film, 1976) (qısametrajlı sənədli-bədii film)
• Üzü küləyə (film, 1977) (tammetrajlı bədii film)
• Şəhərlərin dostluğu (film, 1978) (qısametrajlı sənədli film)
• Həyatın mənası (film, 1979) (qısametrajlı sənədli film)
• Qanlı zəmi (film, 1985) (tammetrajlı bədii film)
• Şəhərli biçinçilər (film, 1986) (tammetrajlı bədii film)
• Doğma sahillər (film, 1989) (tammetrajlı bədii film)
• Gecə qatarında qətl (film, 1990) (tammetrajlı bədii film)

Ssenari müəllifi kimi

• Ömür-gün sevdası (film, 1976) (qısametrajlı sənədli-bədii film)
• Şəhərlərin dostluğu (film, 1978) (qısametrajlı sənədli film)
• Gecə qatarında qətl (film, 1990) (tammetrajlı bədii film)

Mənbə

• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.
• Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 816.

Xarici keçidlər

• Aydın Dadaşov. "Bizim kino". Kamil Rüstəmbəyovun "Axırıncı aşırım" filmi haqqında
• Əməkdar İncəsənət Xadimi Şeyx Əbdül Mahmudov — Gəlin Danışaq