Ərəb Universitetləri Assosiasiyası
Ərəb Universitetləri Assosiasiyası (ərəb. إتحاد الجامعات العربية) və ya Ərəb Universitetləri Birliyi (ərəb. تحاد الجامعات العربية), qısaca: AArU — Ərəb Dövlətləri Liqası çərçivəsində fəaliyyət göstərən ərəb ölkələri universitetlərinin birliyi. Bu qurum müstəqil hüquqi xarakter daşıyır qeyri-hökumət təşkilatıdır. Mənzil-qərargahı İordaniyanın paytaxtı Əmman şəhərində yerləşir.
Tarixi
[redaktə | vikimətni redaktə et]Bu təşkilat Ərəb Dövlətləri Liqası tərəfindən 1964-cü ildə yaradılmışdır.[1] Həmin vaxt müvəqqəti Baş Katiblik Misirin paytaxtı Qahirə şəhərində təşkil edilmişdir. 1969-cu ildən isə təşkilata daimi Baş Katib təyin edilmişdir. Hazırda daimi mənzil-qərargahı 1984-cü ildən bəri İordaniya Haşimilər Krallığının paytaxtı Əmman şəhərində yerləşir. Başlıca orqanı Baş Assambleyadır. Baş katibi Sultan əbu-Orabi əl-Ədvandır.
Məqsədi
[redaktə | vikimətni redaktə et]Təşkilatın əsas məqsədi ərəb dünyasında ali təhsili dəstəkləmək və müvafiq ölkələrin ali məktəbləri arasında əməkdaşlığın genişləndirilməsidir.
Üzvləri
[redaktə | vikimətni redaktə et]Üzvləri arasındakı ali məktəblərdən ikisi ərəb ölkələrinin təmsilçisi deyil:
Digər üzvlər ərəb ölkələrinin təmsilçisidir. Hələ 1964-cü ildə təşkilat yaradılarkən bütün ərəb ölkələrindəki ali məktəblərin sayı 20-dən az idi. Hazırda isə 22[2] ərəb ölkəsindən 280[3] ali məktəb Assosiasiyanın üzvüdür:
.svg){kind=small}
İstinadlar
[redaktə | vikimətni redaktə et]- ↑ "Association of Arab Universities (AARU)". Ngo-db.unesco.org. 7 sentyabr 2015 tarixində orijinalından arxivləşdirilib. İstifadə tarixi: 26 yanvar 2015.
- ↑ "AARU Members". 27 mart 2022 tarixində arxivləşdirilib. İstifadə tarixi: 1 avqust 2015.
- ↑ "aaru.edu.jo". 26 may 2022 tarixində arxivləşdirilib. İstifadə tarixi: 1 avqust 2015.
Xarici keçidlər
[redaktə | vikimətni redaktə et]- aaru.edu.jo — rəsmi saytı