Abşeron Milli Parkı
| Abşeron Milli Parkı azərb. Abşeron Milli Parkı | |
 | |
| Abşeron Milli Parkı | |
BTMB kateqoriyası — II (Milli park).svg){kind=logo} | |
| 40°17′N 50°21′E / 40.283°N 50.350°EKoordinatlar: 40°17′N 50°21′E / 40.283°N 50.350°E | |
| Yerləşməsi | Abşeron yarımadası, Şah Dili |
| Ölkə |  Azərbaycan |
| Rayon | Xəzər |
| Yaxın şəhər | Bakı |
| Sahəsi | 783 ha |
| Tarixi | 8 fevral 2005 |
| İdarəsi | AETSN |
 | Xəzər suitisi, ceyran, kəkilli dalğıc, gümüşü qağayı, yaşılbaş ördək |
Abşeron Milli Parkı - Bakı şəhərinin Xəzər rayonunun ərazisində yerləşir. 2005-ci ildə yaradılmışdır, 783 hektar sahəni əhatə edir.
Ümumi məlumat[redaktə | əsas redaktə]
Abşeron Milli Parkı Azərbaycan Respublikası Prezidentinin 2005-ci il 8 fevral tarixli Sərəncamı ilə 783 hektar sahəsində, Abşeron Dövlət Təbiət Yasaqlığının bazasında yaradılmışdır.
Milli Park Bakının cənub-şərq qurtaracağında - Şah Dili ərazisində yerləşir. Abşeron Milli Parkının yaradılmasında başlıca məqsəd ətraf mühitin mühafizəsi, ondan səmərəli istifadə edilməsi, nəsli kəsilməkdə olan nadir flora və fauna növlərinin (Xəzər suitisi, ceyran, kəkilli dalğıc, gümüşü qağayı, yaşılbaş ördək və s.) qorunub saxlanılması, ekoturizmin inkişaf etdirilməsi, turizm və istirahət (rekreasiya) zonalarının yaradılması, ekoloji monitorinqin həyata keçirilməsi və əhalinin ekoloji cəhətdən maarifləndirilməsini təmin etməkdir.
Abşeron Milli Parkının heyvanat aləmi çox zəngindir. Quşlardan gümüşü qağayı, fısıldayan qu quşu, qırmızıbaş qaz, bizquyruq, yaşılbaş ördək, ağgöz qara ördək, kəkilli dalğıc, böyük ağ vağ, qumluq cüllütü, qaşqaldaq, bataqlıq belibağlısı, dəniz bozcası və s., məməli heyvan növlərindən isə ceyran, canavar, çaqqal, çöl pişiyi, yenot, oxlu kirpi, tülkü, porsuq, dovşan, Xəzərin sularında suiti və həmçinin müxtəlif növ balıqlar məskunlaşmışdır. Abşeron Milli Parkının Xəzər dənizi ərazisində xeyli miqdarda Xəzər suitisi yayılmışdır. Bu növ, pərayaqlıların yeganə nümayəndəsidir ki, Dünya okeanının ən kiçik suitisi kimi "Ginnesin Rekordlar Kitabı"na daxil edilmişdir.[1]
“Azərbaycan Respublikasının Abşeron Milli Parkının sanitariya-mühafizə zonası”nın təsdiq edilməsi haqqında
AZƏRBAYCAN RESPUBLİKASI NAZİRLƏR KABİNETİNİN QƏRARI
“Xüsusi mühafizə olunan təbiət əraziləri və obyektləri haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2014-cü il 4 aprel tarixli 924-IVQD nömrəli Qanununun tətbiqi haqqında” Azərbaycan Respublikası Prezidentinin 2014-cü il 15 may tarixli 166 nömrəli Fərmanının 1.4.1-ci yarımbəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:
1. Azərbaycan Respublikasının Abşeron Milli Parkının sanitariya-mühafizə zonası parkın hüdud xəttindən bütün perimetri boyunca quruda 2000 metr məsafədə (xüsusi təyinatlı yerlər istisna olmaqla) və Xəzər dənizinin su akvatoriyasında 3000 metr məsafədə təsdiq edilsin (xəritə əlavə olunur)[1].
2. Bu qərar imzalandığı gündən qüvvəyə minir.
Azərbaycan Respublikasının Baş naziri Artur Rasi-zadə
Bakı şəhəri, 20 fevral 2015-ci il
№ 45
[1] Əlavə dərc edilmir
İstinadlar[redaktə | əsas redaktə]
- ↑ "Milli parklar" (azərbaycanca). Tourism.az. http://www.tourism.az/?menu=6&submenu=50&lang=aze. İstifadə tarixi: 2 may 2016.
Həmçinin bax[redaktə | əsas redaktə]
| ||||||||||||||||||||||
