Abşeron Milli Parkı

Vikipediya, azad ensiklopediya
Jump to navigation Jump to search
Abşeron Milli Parkı
Abşeron Milli Parkının loqosu.jpg
Abşeron Milli Parkı
BTMB kateqoriyası — II (Milli park)
WLE Austria Logo (no text).svg
Sahəsi 783 ha
Yaradılma tarixi 8 fevral 2005
İdarəetmə orqanı AETSN
Faunası Xəzər suitisi, ceyran, kəkilli dalğıc, gümüşü qağayı, yaşılbaş ördək
Yerləşməsi
40°17′ şm. e. 50°21′ ş. u.
Ölkə Azərbaycan Azərbaycan
Rayon Xəzər
Yerləşməsi Abşeron yarımadası, Şah Dili
Yaxın şəhər Bakı
Abşeron Milli Parkı xəritədə
Abşeron Milli Parkı
Abşeron Milli Parkı

Abşeron Milli Parkı - Bakı şəhərinin Xəzər rayonunun ərazisində yerləşir. 2005-ci ildə yaradılmışdır, 783 hektar sahəni əhatə edir.

Ümumi məlumat[redaktə | əsas redaktə]

Abşeron Milli Parkı Azərbaycan Respublikası Prezidentinin 2005-ci il 8 fevral tarixli Sərəncamı ilə 783 hektar sahəsində, Abşeron Dövlət Təbiət Yasaqlığının bazasında yaradılmışdır.

Milli Park Bakının cənub-şərq qurtaracağında - Şah Dili ərazisində yerləşir. Abşeron Milli Parkının yaradılmasında başlıca məqsəd ətraf mühitin mühafizəsi, ondan səmərəli istifadə edilməsi, nəsli kəsilməkdə olan nadir flora və fauna növlərinin (Xəzər suitisi, ceyran, kəkilli dalğıc, gümüşü qağayı, yaşılbaş ördək və s.) qorunub saxlanılması, ekoturizmin inkişaf etdirilməsi, turizm və istirahət (rekreasiya) zonalarının yaradılması, ekoloji monitorinqin həyata keçirilməsi və əhalinin ekoloji cəhətdən maarifləndirilməsini təmin etməkdir.

Abşeron Milli Parkının heyvanat aləmi çox zəngindir. Quşlardan gümüşü qağayı, fısıldayan qu quşu, qırmızıbaş qaz, bizquyruq, yaşılbaş ördək, ağgöz qara ördək, kəkilli dalğıc, böyük ağ vağ, qumluq cüllütü, qaşqaldaq, bataqlıq belibağlısı, dəniz bozcası və s., məməli heyvan növlərindən isə ceyran, canavar, çaqqal, çöl pişiyi, yenot, oxlu kirpi, tülkü, porsuq, dovşan, Xəzərin sularında suiti və həmçinin müxtəlif növ balıqlar məskunlaşmışdır. Abşeron Milli Parkının Xəzər dənizi ərazisində xeyli miqdarda Xəzər suitisi yayılmışdır. Bu növ, pərayaqlıların yeganə nümayəndəsidir ki, Dünya okeanının ən kiçik suitisi kimi "Ginnesin Rekordlar Kitabı"na daxil edilmişdir.[1]

İstinadlar[redaktə | əsas redaktə]

  1. "Milli parklar". Tourism.az (azərb.). İstifadə tarixi: 2 may 2016.

Həmçinin bax[redaktə | əsas redaktə]