Abram Dastakyan
| Abram Mkrtiçyeviç Dastakyan rus. Абрам Mкртычевич Дастакян |
||||
 |
||||
|
||||
|---|---|---|---|---|
| 14 mart 1919 — 22 dekabr 1919 | ||||
| Sələfi: | Yevsey Gindes | |||
| Xələfi: | Musa bəy Rəfiyev | |||
| Partiya: | Daşnaksütun | |||
| Doğum tarixi: | 1864 | |||
| Doğum yeri: | Gəncə, .svg){kind=small} Rusiya İmperiyası |
|||
| Vəfat tarixi: | 20 mart 1929 (65 yaşında) | |||
| Vəfat yeri: | Paris,  Fransa |
|||
Abram Mkrtçyeviç Dastakyan yaxud Abram Nikitiç Dastakov — Azərbaycan Demokratik Respublikasın üçüncü səhiyyə naziri. Daşnaksütun partiyası Bakı bürosunun sədri.
Mündəricat
Həyatı[redaktə | əsas redaktə]
1864-cü ildə tacir ailəsində anadan olmuşdur. Əsl adı Abram Mkrtiçyeviç Dastakyandır. Sankt Peterburq Universitetində oxuyarkən "Narodnaya Volya" təşkilatına qoşulmuşdu.[1] Bu təşkilat daha sonra II Aleksandrı öldürən təşkilat olacaqdı. Daha sonra 1884-cü ildə "Gənclər birliyi" (rus. Союза молодежи) təşkilatını yaratdı. Bu təşkilat sayəsində 1907-1908-ci illərdə Bakıda fəaliyyətə olmuş bolşevik Mixail Stepanoviç Olminski ilə tanış oldu.[2] "Narodnaya Volya" təşkilatının üzvü olduğu üçün Zaqatala şəhərində 3 il çar polisindən gizləndi. 1890-cı ildə Aleksandr Xatisyanla birlikdə Daşnaksütun partiyasının qurulması mərasimində iştirak etdi və onun proqramının müəlliflərindən biri oldu.[3] 1896-cı ildən 1917-ci ilədək Bakı Şəhər Dumasında neft işləri üzrə komitənin sədri olmuşdur.
Azərbaycan Demokratik Respublikasında fəaliyyəti[redaktə | əsas redaktə]
Nazirlik vəzifəsinə gəlmədən öncə Daşnaksütun partiyasının Bakı bürosunun sədri idi. 7 fevral 1919-cu ildə ingilis komandanlığından Bakıdakı erməni qaçqınlar üçün 50.000 rubl qrant istəmişdi. 21 fevral 1919-cu ildə Bakı Erməni Xeyriyyə Cəmiyyətinin sədri və eyni zamanda Bakı Hüquqşünas Həmkarları Birliyinin üzvü olan Mixail Papacanyanın Ermənistan Demokratik Respublikası Xarici İşlər naziri Sirakan Tiqranyana göndərdiyi məxfi məktubda dediyinə görə Dastakov General Tomsonun təkidi ilə Daşnaksütunun ADR Parlamentində seçkilərdə iştirak etməsi qərarını vermişdi.[4] 14 mart 1919-cu ildə Nəsib bəy Yusifbəylinin dördüncü hökümətində səhiyyə naziri vəzifəsinə gəlmişdir.[5] Bakıdakı Erməni məlumat bürosunun 22 may 1919-cu il raportunda Nəsib bəy Yusifbəylinin bu addımını Azərbaycandakı ermənilərin vəziyyətinin yaxşılaşdırılması barədə müsbət addım kimi mərkəzə bildirilmişdi.[6] 24 dekabr 1919-cu ildə V hökümət kabinetinin üzvü olan Musa bəy Rəfiyev ilə əvəz olunmuşdur.
Sonrakı həyatı[redaktə | əsas redaktə]
Vəzifədən gedəndən sonra bir müddət Ermənistan Səhiyyə Naziri kimi işləmiş, daha sonra 1920-ci ildə Tbilisiyə köçmüşdü. Gürcüstanda Sovet hakimiyyətinin qurulmasından sonra Fransaya mühacirət etmişdir.
Ailəsi[redaktə | əsas redaktə]
Aşxen Dastakyanla evlənmiş, üç övladı olmuşdu: Karen, Nina və Anna. Nəvəsi Anna Dastakyan Fransa vətəndaşıdır və ermənicə bilmir.[7]
İstinadlar[redaktə | əsas redaktə]
- ↑ Деятели революционного движения в России. Т. 3. Вып. 2. М., 1934. С. 1225-1226; ГАРФ. Ф. 102. ЗД. 1889. Д. 1289. Л. 2-4
- ↑ ГАРФ. Ф. 102. 3Д. 1889. Д. 1289. Л. 3-3 об.; Деятели революционного движения в России. Т. 3. Вып. 2. С. 1225-1226
- ↑ Eduard Oqanesyan, "Vek Borbı", T.I, Münhen-Moskva, 1991
- ↑ Ermənistan Respublikası Rəsmi arxivi, f. 200, op.1, iş.193, dəftər. I, səh. 94–115
- ↑ М. Волхонский, В. Муханов. Указ. раб., с. 227
- ↑ Erməni Məlumat bürosu, Ermənistan Respublikası Rəsmi arxivi, f.200, c.1, iş.79, səh.197-198.
- ↑ Anna Dastakyanla müsahibə
 Azərbaycanın səhiyyə nazirləri  |
|
|---|---|
| Azərbaycan Xalq Cümhuriyyəti (1918-1920) |
Xudadat bəy Rəfibəyli (17 iyun 1918 – 7 dekabr 1918) • Yevsey Gindes (26 dekabr 1918 – 14 mart 1919) • Abram Dastakov (14 mart 1919 – 22 dekabr 1919) • Musa bəy Rəfiyev (24 dekabr 1919 – 1 aprel 1920) |
| Azərbaycan Sovet Sosialist Respublikası (1920-1991) |
Abid Alimov (28 aprel – 5 iyun 1920) Ağahüseyn Kazımov (1920 – 1921) • Mövsüm Qədirli (1921 – 1935) • Əziz Əliyev (1941 – 1947) • Kübra Fərəcova (1947 – 1950) • Mahmud Əliyev (1950 – 1953) • Əlihüseyn Hüseynov (1953 – 1954) • Vəli Axundov (1954 – 1958) • Fəxri Vəkilov (1963 – 1969) • Hənifə Abdullayev (1969 – 1979) |
| Azərbaycan Respublikası (1991-dən sonra) |
Tələt Qasımov (– 10 aprel 1992) • Rahim Hüseynov (10 aprel 1992 – 16 sentyabr 1993) • Əli İnsanov (9 noyabr 1993 – 20 oktyabr 2005) • Oqtay Şirəliyev (20 oktyabr 2005 – indiyə kimi) |
