Albaniya parlamenti

Vikipediya, azad ensiklopediya
Jump to navigation Jump to search
Albaniya parlamenti
alb. Kuvendi i Shqipërisë
Növü
Növü təkpalatalı parlament
İdarə heyəti
Spiker Qramoz Ruçi
9 sentyabr 2017 tarixindən
Quruluşu
Üzvlərin sayı 140
Fraksiyalar İqtidar (78)
Müxalifət (62)
Seçkilər
Səsvermə sistemi proporsional
Sonuncu seçkilər 25 iyun 2017
Məclis zalı
Sayt
parlament.al
Commons-logo.svg Albaniya parlamenti Vikianbarda

Albaniya parlamenti (alb. Kuvendi i Shqipërisë) — təkpalatalı Albaniya Məclisi və ya Xalq Məclisi (alb. Kuvendi Popullor).

Albaniyanın ali qanunverici orqanı bir palatadan – 100 üzvü majoritar sistem üzrə birmandatlı dairələrdən iki turdan ibarət, digər 40 üzvü isə partiya siyahıları üzrə 4 faizli baryeri aşmaq şərti ilə ümumi və bərabər seçki əsasında gizli səsvermə yolu ilə 4 il müddətinə seçilən 140 üzvü olan Xalq Məclisindən ibarətdir.

Konstitusiyada nəzərdə tutulmuş mütləq səs çoxluğu ilə qəbul edilən azsaylı qərarlar istisna olmaqla, Məclis bir qayda olaraq qərarlarını deputatların sadə səs çoxluğu ilə qəbul edir. Məclis üzvlərinin azı 3/5-nin səs çoxluğu ilə Konstitusiyada nəzərdə tutulmuş təsisatların təşkili və fəaliyyəti haqqında, vətəndaşlıq haqqında, ümumi və yerli seçkilər haqqında, referendum haqqında, fövqəladə vəziyyət haqqında, dövlət qulluqçularının statusu haqqında, amnistiya haqqında, Respublikanın inzibati bölgüsü haqqında və s. qanunların və bütün məcəllələrin qəbulu Parlamentin səlahiyyətlərinə aiddir.

Parlamentdə qəbul edilən qanunlara Prezident veto qoya bilər və bu halda bütün deputatların mütləq səs çoxluğu ilə vetonu dəf etmək qaydası təsbit edilmişdir.

Xarici keçidlər[redaktə | əsas redaktə]